بۇل – تۇراقتىلىق پەن قاۋىپسىزدىك ءۇشىن قاجەت
سەيسەنبى, 9 ءساۋىر 2013 2:07
قازاقستان رەسپۋبليكاسىنىڭ سىرتقى ىستەر مينيسترلىگى رەسمي مالىمدەمە تاراتتى
5-6 ساۋىردە الماتى قالاسىندا يراننىڭ يادرولىق باعدارلاماسى بويىنشا ە3+3 ( ۇلىبريتانيا, گەرمانيا, قىتاي, رەسەي, اقش, فرانتسيا) پەن يران اراسىندا كەلىسسوزدەردىڭ كەزەكتى راۋندى بولىپ وتكەنى بەلگىلى.
سەيسەنبى, 9 ءساۋىر 2013 2:07
قازاقستان رەسپۋبليكاسىنىڭ سىرتقى ىستەر مينيسترلىگى رەسمي مالىمدەمە تاراتتى
5-6 ساۋىردە الماتى قالاسىندا يراننىڭ يادرولىق باعدارلاماسى بويىنشا ە3+3 ( ۇلىبريتانيا, گەرمانيا, قىتاي, رەسەي, اقش, فرانتسيا) پەن يران اراسىندا كەلىسسوزدەردىڭ كەزەكتى راۋندى بولىپ وتكەنى بەلگىلى.
الماتى كەزدەسۋىنىڭ قورىتىندىسى بويىنشا تاراپتار وتكەن كەزدەسۋگە وزدەرىنىڭ باعالارىن بەرگەن رەسمي مالىمدەمەلەر جاسادى. باعالاۋلار ءارتۇرلى بولعانىمەن, كەلىسسوزدەرگە قاتىسۋشىلار, تۇتاستاي العاندا, كەلىسسوزدەر ۇدەرىستەرىن جالعاستىرۋعا قاتىستى وپتيميستىك كوڭىل كۇي تانىتتى.
يراننىڭ يادرولىق باعدارلاماسى بويىنشا ماسەلەنى شەشۋ جاھاندىق تۇراقتىلىق پەن قاۋىپسىزدىك ءۇشىن ماڭىزدى ءرول اتقارادى. حالىقارالىق قوعامداستىق ءۇشىن وسىنداي كۇردەلى جانە ماڭىزدى كەلىسسوزدەردە تاراپتاردىڭ ۇستانىمدارىن جاقىنداتۋ ۇزاق ۋاقىتتى تالاپ ەتەدى. الماتى كەزدەسۋلەرىنىڭ وڭ قورىتىندىسى كەلىسسوزدەر ۇدەرىسىن جالعاستىرۋ تۋرالى ۋاعدالاستىققا قول جەتكىزىلۋى بولدى.
قازاقستان رەسپۋبليكاسى كەلىسسوز تارابى بولىپ تابىلمايدى جانە ولارعا تىكەلەي قاتىسپايدى. بىراق قازاقستان تاراپتاردىڭ يراننىڭ يادرولىق باعدارلاماسى بويىنشا كەلىسسوزدەردى جالعاستىرۋ نيەتىن قۋاتتايدى جانە تاراپتار ءوزارا ءتيىمدى شەشىمگە كەلە الادى دەگەن ءۇمىت بىلدىرەدى.
قازاقستان يادرولىق تاراتپاۋدىڭ دايەكتى جاقتاسى بولىپ كەلدى جانە سولاي بولىپ قالا بەرەدى. جانە ءبىزدىڭ ەلىمىز ءارى قاراي دا يراننىڭ يادرولىق باعدارلاماسى توڭىرەگىندەگى جاعدايدى ديپلوماتيالىق قۇرالدارمەن رەتتەۋگە بارىنشا ىقپال ەتۋگە دايىن. بۇل – وڭىردەگى جانە الەمدەگى تۇراقتىلىق پەن قاۋىپسىزدىك ءۇشىن قاجەت.
قازاقستان سونداي-اق, كەلىسسوزدەردىڭ اتالعان راۋندىنا قاتىسقان بارلىق تاراپتار دەلەگاتسيالارىنىڭ كەزدەسۋلەر جوعارى دەڭگەيدە ءوتتى جانە ۇيىمداستىرىلدى دەگەن جوعارى باعالارىنا ءوزىنىڭ ريزاشىلىعىن بىلدىرەدى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
