مۇحيت تۇرسىنباەۆ: ء“ۇش التىن الۋعا قابىلەتتى ساڭلاقتارىمىز بار”
سەيسەنبى, 19 ماۋسىم 2012 7:39
ءدۇبىر
وليمپياداعا 38 كۇن قالدى
الماتى وبلىستىق سپورت جانە دەنە تاربيەسى باسقارماسىنىڭ باستىعى مۇحيت تۇرسىنباەۆ كوڭىلدى. كوڭىلدى بولاتىنداي جاعدايى بار. ماسكەۋدەن قۋانىشتى حابار كەلگەن. جەڭىل اتلەت شولپان قوجاحمەتوۆا ماسكەۋدە وتكەن حالىقارالىق جارىستا سپورتتىق جۇرىستەن ايدارىنان جەل ەسىپ, وليمپيا ويىندارىنا جولداما العان. وسىنداي كوڭىلدى ساتىندە ءبىز دە مۇحيت تۇرسىنباەۆپەن اڭگىمەلەسىپ قالۋعا ۇمتىلعان ەدىك.
سەيسەنبى, 19 ماۋسىم 2012 7:39
ءدۇبىر
وليمپياداعا 38 كۇن قالدى
الماتى وبلىستىق سپورت جانە دەنە تاربيەسى باسقارماسىنىڭ باستىعى مۇحيت تۇرسىنباەۆ كوڭىلدى. كوڭىلدى بولاتىنداي جاعدايى بار. ماسكەۋدەن قۋانىشتى حابار كەلگەن. جەڭىل اتلەت شولپان قوجاحمەتوۆا ماسكەۋدە وتكەن حالىقارالىق جارىستا سپورتتىق جۇرىستەن ايدارىنان جەل ەسىپ, وليمپيا ويىندارىنا جولداما العان. وسىنداي كوڭىلدى ساتىندە ءبىز دە مۇحيت تۇرسىنباەۆپەن اڭگىمەلەسىپ قالۋعا ۇمتىلعان ەدىك.
– بۇگىندە وبلىسىمىزدىڭ قورجىنىندا 8 جولداما بار.
– وسى سپورتتىق جۇرىستەن ازيا چەمپيوناتىنىڭ 2011 جىلعى قولا جۇلدەگەرى ايمان قوجاحمەتوۆا مەن شولپان قوجاحمەتوۆا اعايىندىلار-اۋ.
– اعايىندىلاردان دا جاقىن. ەكەۋى ەگىز. ايمان بيىل اقپاندا رەسەيدە وتكەن اشىق چەمپيوناتتا 20 شاقىرىمدى 1:30,55 سەكۋندتا ءجۇرىپ ءوتىپ, لوندونعا جولداما العان بولاتىن. ەندى شولپان جارىسقا تۇسكەندە قاسىنان قالماي جىگەرلەندىرىپ جۇگىرىپ وتىرىپتى.
– دزيۋدودا ايمان مەن شولپان قاليەۆا دەگەن كەرەمەت بالۋان قىزدار بولدى. تالاي حالىقارالىق جارىستاردا قارسىلاستارىن قامىرشا يلەپ, جەڭىمپاز دا بولعان. تەك, وليمپيا ويىندارىندا ساتتىلىك جەتىسپەدى. ال ايمان مەن شولپان قوجاحمەتوۆالاردىڭ لوندوندا جولى وڭعارىلسىن دەپ تىلەيىك.
– قازاق قىزدارىنىڭ وليمپيا ويىندارىنا سپورتتىڭ وسى تۇرىنەن بارۋىنىڭ ءوزى – تاريحي وقيعا. ءاۋ باستا وبلىس جەڭىل اتلەتيكاسىنىڭ باس باپكەرى مارات جورگەنباەۆ “قارجى ماسەلەسىن شەشىپ بەرسەڭىز, 3 جولداما الۋعا مۇمكىندىگىمىز بار” دەگەندە, ماقۇل, قارجى تابايىق. ءبىر جولداما الا الساق تا رازىمىن دەگەنمىن. وليمپياداعا قاتىسۋعا رۇقسات الۋدىڭ قيىن ەكەنىن بىلەسىز. كەيدە تاڭداۋلى سپورتشىلاردىڭ ءوزى جولداما الا الماي قالاتىن جاعدايلار كەزدەسەدى. كوپسايىستان اتلانتا وليمپياداسىنىڭ چەمپيونى الەكساندر پارىگين كەيىن شەتەلدە جاتتىقسا دا, قازاقستان بار كەرەگىنە قىرۋار قارجى قۇيسا دا جولداما الا الماعان. الەمدە مۇنداي وقيعالار كوپ. ال جورگەنباەۆ سوزىندە تۇردى. ايمان, شولپاننان بولەك ارتەم كوسينوۆ دەگەن جەڭىل اتلەتىمىز دە لوندونعا بارادى.
– مۇحيت, قازاقستان اۋىر اتلەتتەرى قۇراماسىنىڭ باس باپكەرى الەكسەي ني ءبىر سۇحباتىندا “لوندوندا ءۇش التىنعا تالاسامىز” دەپ قالدى. ءۇش التىن مەدال الامىز دەگەندى دە ايتقان. ارينە, وسىنشاما التىندى دۇنيە ءجۇزىنىڭ اۋىر اتلەتتەرى قازاقستانعا كوزى قيىپ, بەرىپ جىبەرەدى دەگەنگە سەنۋ قيىن. افينا وليمپياداسىنا ءتورت التىن الامىز دەپ بارىپ, جالقى التىنمەن قايتتىق. وندا دا وليمپياداعا جولدامانى ەڭ سوڭعى كەزەگىندە العان باقتيار ارتاەۆتىڭ جانقيارلىقپەن جۇلىپ اپەرگەن التىنى وكىنىشتى احۋالدان قۇتقارعانى ەستە بولعان سوڭ ايتىپ جاتىرمىز. ارىق ايتىپ سەمىز شىق دەگەندىك قوي بىزدىكى. جالپى, قازاقستان اۋىر اتلەتتەر قۇراماسىندا التىن مەدالعا تالاساتىن بەس اتلەت بولسا, سونىڭ ۇشەۋى الماتى وبلىسىنان ەكەن.
– ءزۇلفيا چينشانلو, مايا مانەزا جانە سۆەتلانا پودوبەدوۆانى ايتىپ وتىرسىز عوي.
– ارينە, تالدىقورعانداعى “جاستار” سپورت سارايىندا ءوتكەن ەل چەمپيوناتىنا ارنايى باردىق. مىق شەگەدەي ءزۇلفيا بولماسا, مايا مەن سۆەتلانا ەل ىشىندەگى جارىستىڭ وزىندە كوڭىلدى قوبالجىتتى. ەكەۋى دە سەرپە كوتەرۋدىڭ حاس شەبەرى. ال جۇلقي كوتەرۋگە كەلگەندە مايا يرينا نەكراسوۆادان باقانداي 6 كەلىگە قالىپ كەتتى…
– يريناڭىز دا وڭاي ادام ەمەس قوي. بەيجىڭ وليمپياداسىنىڭ كۇمىس جۇلدەگەرى. جان-ءتانىمىزبەن قانشا قالاعانىمىزبەن, سپورتتا پالەن دەپ الدىن الا بولجام جاساۋ قيىن. ءبىر كەزدەرى وليمپيا ويىندارى, الەم چەمپيوناتتارىندا باس جۇلدەنى كۇرەپ الاتىن تۇركيا اۋىر اتلەتتەرى بۇگىندە جۇلدەسىز قالاتىن بولدى. قىزدارىمىزعا ساتتىلىك ءتىلەيىك. مايا مەن سۆەتلانا ءوز ءىسىنىڭ حاس شەبەرلەرى. قۇداي كەسىرىنەن ساقتاسا, ەكەۋىنىڭ دە التىنعا تالاسۋعا كۇشى جەتەدى. ەكەۋى دە ەكى دۇركىن الەم چەمپيونى.
– ءيا, وليمپيادا چەمپيونى تانەر ساگيردىڭ بەيجىڭدە “بارانكا” العانىن كوزىمىز كوردى. ەل بىرىنشىلىگىندە وليمپيادا چەمپيونى, ەرەسەكتەر اراسىندا 3 رەت, جاستار مەن ءجاسوسپىرىمدەر اراسىندا 2 رەت الەم چەمپيونى بولعان اتاقتى يليا يليننەن جۇلقي كوتەرۋدە 7 كەلى ارتىق كوتەرگەن الەم چەمپيونى ۆلاديمير سەدوۆ سەرپە كوتەرۋدە 217 كەلىنى ءۇش كەزەك الا الماي كەتتى عوي. جانىڭا باتقان شىعار؟
– جانىڭا باتتى دەگەن ءجاي ءسوز. اشۋىمىز تەرىمىزگە سىيماي كەتتى دەگەن جەڭىلىرەك شىعار. اۋىر اتلەتتەر جاتتىعىپ جاتقان تەكەلىگە ءجيى بارامىن. سوندا سەدوۆ سەرپە كوتەرۋدە 220 كەلىنى ەركىن باعىندىرىپ جۇرگەن. جاتتىقتىرۋشىسى دوننىڭ دا ارقاسىنان تاسپا ءتىلدىم. جاۋىنگەرلىك رۋح جەتپەيدى ەكەن ۇلىمىزدا. ال قىزىلوردا مەكتەبىنىڭ تۇلەگى الماس وتەشوۆتىڭ تابىسىنا شىن قۋاندىم. 220 كەلىنى ءبىرىنشى كەزەگىندە الا الماعان ول 225 كەلى كوتەردى-اۋ. ازامات ەكەن.
– كۇرەس تۇرلەرىنەن دە التىن كۇتىپ وتىرعانىمىز بەلگىلى. ماسەلەن, گرەك-ريم كۇرەسىنەن استانالىق المات كەبىسباەۆ پەن الماتى وبلىسىنىڭ بالۋانى نۇرماحان تىناليەۆ. ازيا ويىندارىنىڭ جەڭىمپازى, ءماسكەۋ مەن ىستامبۇلدا ءوتكەن الەم چەمپيوناتتارىنىڭ قولا جۇلدەگەرى نۇرماحان تىناليەۆتەن جانكۇيەرلەرىمىز التىن مەدال كۇتىپ ءجۇر…
– ماسكەۋدە سيدنەي وليمپياداسىنىڭ چەمپيونى, الەم چەمپيوناتتارىندا اسىعى الشىسىنان ءتۇسىپ جۇرگەن حاسان باروەۆتى اۋناتىپ كەتكەن نۇرماحان قاي قۇرمەتكە دە لايىق. سونىمەن قاتار, ەركىن كۇرەستەن الەم چەمپيوناتىنىڭ قولا جۇلدەگەرى ءداۋرەن جۇماعازيەۆتەن دە (60 كگ) كۇتەرىمىز مول. جەڭىمپاز بولمادى دەپ تالاپ قويۋ قيىن, ءجۇلدەگەر بولىپ جاتسا, اق تۇيەنىڭ قارنى جارىلعانى.
– وليمپيا ويىندارىندا ولجا سالادى دەگەن سپورتشىلارعا تالداۋ جاساپ وتىرساق, التىن الادى دەگەننىڭ دەنى الماتى وبلىسى سپورتىنىڭ ورەندەرى ەكەن. جاس شىبىققا سۋ قۇيماساڭ, تامىر المايدى. سول سياقتى مىقتى سپورتشىلارعا جاعداي جاساماساڭ, جارىستارعا, ەم-دومىنا قاجەت قارجىنى ۋاقىتىندا تاۋىپ بەرمەسەڭ, ءناتيجە كۇتۋ قيىن. الماتى وبلىسى بۇل جاعىنان سپورتشىلاردى رەنجىتپەيتىنىن بىلەمىز.
– دۇرىس بايقاعانسىز. اگەنتتىكتەن, ۇلتتىق وليمپيادا كوميتەتىنەن الىپ جاتقان كومەكتەرىن ەسەپكە العان ەمەسپىز. بۇرىن الماتى وبلىسى مىقتى سپورتشىلارىمەن ماقتانا المايتىن. سەرىك ۇمبەتوۆ اعامىز وبلىس اكىمى بولىپ تۇرعان كەزدەردەن باستاپ ونەر ادامدارى مەن سپورتشىلارعا ايتارلىقتاي كومەك كورسەتىلىپ كەلەدى. بيىل وبلىس اكىمى اڭسار مۇساحانوۆ نۇرماحان تىناليەۆ پەن اسحات دىلمۇحامەدوۆكە قاسكەلەڭ قالاسىنان ەكى بولمەلى ءپاتەر ءبولدى. جاتتىعۋلارىن الاڭسىز جاساۋ ءۇشىن. ەكى بالۋانىمىز الەم چەمپيوناتىنان ولجالى ورالعاندا تالدىقورعاننان دا ءپاتەر بەرىلگەن. ەندى داۋلەت جۇماعازيەۆ ءۇيلى بولدى. وسى ءۇش بالۋاندى ەڭبەكشىقازاق, كەربۇلاق جانە قاراساي اۋداندارىنىڭ اكىمدىگى ءبولىپ الىپ, اي سايىن 500 مىڭ تەڭگە بەرەدى. ونىڭ سىرتىندا وبلىس اكىمىنىڭ 150 مىڭ تەڭگە ستيپەندياسى بار. سپورتشىلار مەملەكەتىمىزدىڭ, ەلىمىزدىڭ نامىسى ءۇشىن جاتتىعۋ زالدارىندا تەڭىزدەي تەر توگىپ ءجۇر. ولاردىڭ ەڭبەگى لايىقتى باعالانۋى كەرەك.
تالانتتى سپورتشىلارىمىزدىڭ الماتى وبلىسىندا كوبەيىپ كەلە جاتقاندىعىنىڭ ءبىر ۇشىعى وسىندا جاتقان شىعار. ال, لوندون وليمپياداسى ويىندارىندا التىن الىپ جاتساق, ءتورت جىلعى ەڭبەكتىڭ وتەۋى بولماق, قازاقستاننىڭ اتى دۇنيە جۇزىنە ءماشھۇر بولادى. قازىر بوس قارجى جوق. ەلىمىزدىڭ سپورتىن وركەندەتۋ ءۇشىن بار جاعدايدى تۋعىزىپ وتىرعان ەلباسىعا سپورتشىلارىمىزدىڭ اتىنان راحمەتىمىزدى ايتقىمىز كەلەدى.
نۇرماحان تىناليەۆ باپكەرى مۇراتبەك قاسىمحانوۆپەن جانە كۇرەس تۇرلەرى فەدەراتسياسىنىڭ قۇرمەتتى پرەزيدەنتتى داۋلەت تۇرلىحانوۆپەن بىرگە.
سۆەتلانا پودوبەدوۆا.
الماس وتەشوۆ.
اڭگىمەلەسكەن باقتيار تايجان,
«ەگەمەن قازاقستان».
الماتى وبلىسى.
