مەكەمەنىڭ جۇمىسىمەن تانىسۋ بارىسىندا مەملەكەت باسشىسى ەمدەۋ جانە كۇندىزگى ستاتسيونار كابينەتتەرىن جانە ەمحانانىڭ جەدەل مەديتسينالىق جاردەم ستانتسياسىن ارالاپ كوردى.
ەمدەلۋشىلەردى ارنايى كوپسالالى دايىندىقتان وتكەن تاجىريبەلى دارىگەرلەر قابىلدايدى. بۇل بارلىق ساناتتاعى تۇرعىندارعا ساپالى العاشقى مەديتسينالىق-سانيتارلىق كومەك كورسەتۋگە مۇمكىندىك بەرەدى.
سونىمەن قاتار, ەمحانادا تۇرعىنداردى اقپاراتتىق قولداۋ جۇيەسى جۇمىس ىستەيدى. سونىڭ ىشىندە تاۋلىك بويى قىزمەت كورسەتەتىن call-ورتالىق, سەنىم تەلەفونى جانە ەمحانانىڭ ۆەب-سايتى بار.
