مىقتىنىڭ اتى – قاشاندا مىقتى
وتكەن جۇما, سەنبى جانە جەكسەنبى كۇندەرى ۇلكەن تەننيستەن قازاقستان قۇراما كومانداسى دەۆيس كۋبوگى جولىنداعى كەزدەسۋلەرىن وتكىزدى. قازاقستاندىقتاردىڭ ءبىرىنشى كەزەڭدەگى قارسىلاستارى وسى كۋبوكتىڭ وتكەن جىلعى جەڭىمپازى – يسپانيا قۇراماسى ەدى. بىلتىر قازاقستاندىقتار دا جاقسى ونەر كورسەتىپ, شيرەك فينالعا دەيىن جەتكەن بولاتىن. بىراق بۇل جولى جەرەبە بويىنشا بىردەن الەمدەگى ەڭ مىقتى قۇراماعا تاپ بولىپ, جەڭىلىستىڭ اششى ءدامىن تاتۋعا تۋرا كەلدى. ءسويتىپ, سەنساتسيا ورىن المادى. ەسەپ بارلىق كەزدەسۋلەردىڭ قورىتىندىسى بويىنشا – 5:0.
وتكەن جۇما, سەنبى جانە جەكسەنبى كۇندەرى ۇلكەن تەننيستەن قازاقستان قۇراما كومانداسى دەۆيس كۋبوگى جولىنداعى كەزدەسۋلەرىن وتكىزدى. قازاقستاندىقتاردىڭ ءبىرىنشى كەزەڭدەگى قارسىلاستارى وسى كۋبوكتىڭ وتكەن جىلعى جەڭىمپازى – يسپانيا قۇراماسى ەدى. بىلتىر قازاقستاندىقتار دا جاقسى ونەر كورسەتىپ, شيرەك فينالعا دەيىن جەتكەن بولاتىن. بىراق بۇل جولى جەرەبە بويىنشا بىردەن الەمدەگى ەڭ مىقتى قۇراماعا تاپ بولىپ, جەڭىلىستىڭ اششى ءدامىن تاتۋعا تۋرا كەلدى. ءسويتىپ, سەنساتسيا ورىن المادى. ەسەپ بارلىق كەزدەسۋلەردىڭ قورىتىندىسى بويىنشا – 5:0.
العاشقى بولىپ كورتقا قازاقستاننىڭ ءبىرىنشى راكەتكاسى ميحايل كۋكۋشكين شىققان ەدى. ونىڭ قارسىلاسى تاجىريبەلى تەننيسشى حۋان كارلوس فەررەرو بولاتىن. بۇل كەزدەسۋ اسا تارتىستىلىعىمەن ەرەكشەلەندى. جالپى, ويىن 5 سەتكە جالعاسىپ, دەۆيس كۋبوگى جولىنداعى باسەكەلەردە ۇزاقتىعى ءجونىنەن قازاقستان رەكوردى جاڭاردى. قوس تەننيسشى كورتتا ءتورت جارىم ساعاتتان استام ۋاقىت وينادى. ناتيجەسىندە 3:2 ەسەبىمەن يسپانيالىق تەننيسشى جەڭىسكە جەتتى.
ەكىنشى كەزدەسۋدە ەلىمىزدىڭ ەكىنشى راكەتكاسى اندرەي گولۋبەۆكە ءۇمىت ارتىلعان-تىن. بىراق قازاقستاندىق سپورتشى سۇرەڭسىز ويىن كورسەتىپ, ءۇش سەتتە تازا جەڭىلدى. جالپى, بۇل جەكپە-جەكتە ا.گولۋبەۆتىڭ كوپتەگەن قاتەلىكتەر جىبەرگەنىن اتاپ كورسەتكەن ءجون. وسىلايشا, ەكى كەزدەسۋدەن كەيىن ەسەپ 2:0 يسپاندىقتاردىڭ پايداسىندا ەدى.
ەندىگى ماسەلە قوسارلانىپ ونەر كورسەتەتىن تەننيسشىلەرىمىزگە تىرەلگەن ەدى. بىراق ولار دا جانكۇيەرلەر ءۇمىتىن اقتامادى. ەۆگەني كورولەۆ پەن يۋري ششۋكين قارسىلاستارىنا ەش قارسىلىق كورسەتە الماي, وڭاي ۇتىلدى. ءسويتىپ, جالپى ەسەپ 3:0-گە جەتتى. بۇل قازاقستان قۇراماسى جارىس جولىنان شىعىپ قالدى دەگەندى بىلدىرەتىن ەدى.
ويىن تاعدىرىن شەشپەيتىن قالعان ەكى كەزدەسۋدە دە يسپان شەبەرلەرىنىڭ مەرەيلەرى ۇستەم بولدى. ەۆگەني كورولەۆ الەمنىڭ 11-ءشى راكەتكاسى نيكولاس الماگروعا ەسە جىبەردى. ەسەپ – 3:0. ال اندرەي گولۋبەۆ تە شەبەرلىك دەڭگەيى ورتاشا مارسەل گرانولەرستىڭ الدىندا دارمەنسىزدىك تانىتتى. بۇل ويىندا قازاقستاندىق ءبىر سەتتە عانا قارسىلاسىنان باسىم تۇسە الدى. جالپى ەسەپ 3:1 بولىپ, يسپاندىقتىڭ پايداسىنا شەشىلدى.
«ەگەمەن-اقپارات».
