24 جەلتوقسان، 2011

قازاقستان رەسپۋبليكاسى ۇكىمەتىنىڭ قاۋلىسى №1246

178 رەت كورسەتىلدى
2011 جىلعى 31 قازان، استانا، ۇكىمەت ءۇيى تۇتىنۋشىلارعا جانە وزگە دە مۇددەلى تۇلعالارعا رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) ۇسىنۋ جونىندەگى تابيعي مونوپوليا سۋبەكتىسىنىڭ قىزمەتى تۋرالى جىل سايىنعى ەسەپتى وتكىزۋ قاعيدالارىن بەكىتۋ تۋرالى «تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسىنىڭ 1998 جىلعى 9 شىلدەدەگى زاڭى 7-بابىنىڭ 7-3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تۇتىنۋشىلارعا جانە وزگە دە مۇددەلى تۇلعالارعا رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) ۇسىنۋ جونىندەگى تابيعي مونوپوليا سۋبەكتىسىنىڭ قىزمەتى تۋرالى جىل سايىنعى ەسەپتى وتكىزۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ  پرەمەر-ءمينيسترى ك.ءماسىموۆ.

قازاقستان رەسپۋبليكاسى ۇكىمەتىنىڭ 2011 جىلعى 31 قازانداعى  №1246 قاۋلىسىمەن بەكىتىلگەن

تۇتىنۋشىلارعا جانە وزگە دە مۇددەلى تۇلعالارعا رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) ۇسىنۋ جونىندەگى تابيعي مونوپوليا سۋبەكتىسىنىڭ قىزمەتى تۋرالى جىل سايىنعى ەسەپتى وتكىزۋ قاعيدالارى

1. جالپى ەرەجەلەر

1. وسى قاعيدالار «تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسىنىڭ 1998 جىلعى 9 شىلدەدەگى زاڭىنا سايكەس ازىرلەنگەن جانە تۇتىنۋشىلارعا جانە وزگە دە مۇددەلى تۇلعالارعا رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) ۇسىنۋ جونىندەگى تابيعي مونوپوليالار سۋبەكتىسىنىڭ قىزمەتى تۋرالى جىل سايىنعى ەسەپتى وتكىزۋ ءتارتىبىن بەلگىلەيدى. 2. وسى قاعيدالاردىڭ ماقساتى تۇتىنۋشىلار قۇقىعىن قورعاۋ جۇيەسىن كۇشەيتۋ، تۇتىنۋشىلارعا جانە وزگە دە مۇددەلى تۇلعالارعا تابيعي مونوپوليالار سۋبەكتىلەرى قىزمەتىنىڭ اشىقتىعىن قامتاماسىز ەتۋ بولىپ تابىلادى. 3. تۇتىنۋشىلارعا جانە وزگە دە مۇددەلى تۇلعالارعا رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) ۇسىنۋ جونىندەگى تابيعي مونوپوليا سۋبەكتىسىنىڭ قىزمەتى تۋرالى جىل سايىنعى ەسەپ (بۇدان ءارى – جىل سايىنعى ەسەپ) تىڭداۋ نىسانىندا وتكىزىلەدى. 4. وسى قاعيدالاردا پايدالانىلاتىن انىقتامالار مەن تەرميندەر تابيعي مونوپوليالار تۋرالى زاڭنامادا بەلگىلەنگەن ماندەردە قولدانىلادى. 5. جىل سايىنعى ەسەپتەردى وتكىزۋ قاعيداتتارى: 1) جاريالىلىق; 2) تابيعي مونوپوليا سۋبەكتىلەرى قىزمەتىنىڭ اشىقتىعى; 3) تۇتىنۋشىلار مەن تابيعي مونوپوليالار سۋبەكتىلەرى مۇددەلەرىنىڭ تەڭگەرىمىن ساقتاۋ. 6. جىل سايىنعى ەسەپ بويىنشا الدا بولاتىن تىڭداۋ تۋرالى حابارلاندىرۋدى تابيعي مونوپوليالار سۋبەكتىلەرىنىڭ مەملەكەتتىك تىركەلىمىنىڭ جەرگىلىكتى بولىمىنە ەنگىزىلگەن تابيعي مونوپوليا سۋبەكتىسى اپتاسىنا كەمىندە ءۇش رەت شىعاتىن مەرزىمدى ءباسپاسوز باسىلىمىندا، ال تابيعي مونوپوليالار سۋبەكتىلەرىنىڭ مەملەكەتتىك تىركەلىمىنىڭ رەسپۋبليكالىق بولىمىنە ەنگىزىلگەن تابيعي مونوپوليا سۋبەكتىسى اپتاسىنا كەمىندە ءۇش رەت شىعاتىن جانە قازاقستان رەسپۋبليكاسىنىڭ بۇكىل اۋماعىنا تارالاتىن مەرزىمدى ءباسپاسوز باسىلىمىندا ون بەس جۇمىس كۇنىنەن كەشىكتىرمەي جاريالايدى جانە ول: 1) تابيعي مونوپوليا سۋبەكتىسىنىڭ اتاۋى مەن ورنالاسقان جەرىن; 2) جىل سايىنعى ەسەپتى وتكىزۋ كۇنى مەن ورنىن; 3) رەتتەلىپ كورسەتىلەتىن قىزمەتتەردىڭ (تاۋارلاردىڭ، جۇمىستاردىڭ) ءتۇرىن قامتۋعا ءتيىس. 7. تابيعي مونوپوليا سۋبەكتىسى جىل سايىنعى ەسەپتى وتكىزگەنگە دەيىن ءبىر اي بۇرىن ۋاكىلەتتى ورگاندى حاباردار ەتەدى. 8. جىل سايىنعى ەسەپ بويىنشا الدا بولاتىن تىڭداۋ تۋرالى حابارلاندىرۋ جاريالاعاننان كەيىن تابيعي مونوپوليا سۋبەكتىسى جىل سايىنعى ەسەپتى وتكىزگەنگە دەيىن تۇتىنۋشىلار جانە (نەمەسە) وزگە دە مۇددەلى تۇلعالاردىڭ جازباشا تالابى بويىنشا وسى قاعيدالاردىڭ 13-تارماعىندا كورسەتىلگەن اقپاراتتى ءتيىستى سۇراتۋ تۇسكەن كەزدەن باستاپ ءۇش جۇمىس كۇنى ىشىندە ۇسىنادى. 9. تابيعي مونوپوليالار سۋبەكتىسى تابيعي مونوپوليا سۋبەكتىسىنىڭ جىل سايىنعى ەسەبىن تىڭداۋعا قاتىسۋعا تىلەك بىلدىرگەندەردىڭ بارلىعىنىڭ تىڭداۋ وتەتىن ورىنعا كىرۋىن قامتاماسىز ەتەدى. ەگەر تىڭداۋ رۇقساتتامالىق جانە باسقا دا ارنايى رەجيمى بار عيماراتتاردا وتكىزىلگەن جاعدايدا، تابيعي مونوپوليالار سۋبەكتىسى حابارلاندىرۋدا تىڭداۋشىلاردىڭ ءتىزىمىن الدىن الا قالىپتاستىرۋ، ونىڭ مەرزىمى تىنداۋ وتكىزىلگەنگە دەيىن 24 ساعات بۇرىن اياقتالاتىنى تۋرالى كورسەتۋگە مىندەتتى. ەگەر ەسەپ دەمالىس كۇنىنەن كەيىنگى جۇمىس كۇنىندە وتكىزىلەتىن بولسا، وندا ەسەپ كۇننىڭ ەكىنشى جارتىسىندا جۇرگىزىلۋى كەرەك، ال تىنداۋشىلار ءتىزىمىن قالىپتاستىرۋ جۇمىس كۇنىنىڭ ءبىرىنشى جارتىسىندا تىڭداۋ وتەتىن كۇنى ساعات 12.00 دەيىن اياقتالۋى كەرەك.

2. جىل سايىنعى ەسەپتى وتكىزۋ ءتارتىبى

10. جىل سايىنعى ەسەپتى تىڭداۋدى تابيعي مونوپوليا سۋبەكتىسى ءوزى بەلگىلەگەن ءۇي-جايدا وتكىزەدى. تابيعي مونوپوليا سۋبەكتىسى تىڭداۋدى ەسەپتىدەن كەيىنگى جىلدىڭ 1 مامىرىنا دەيىن ەتكىزەدى. 11. جىل سايىنعى ەسەپتى وتكىزۋ ءۇشىن تابيعي مونوپوليا سۋبەكتىسى باسشىلارىنىڭ ىشىنەن تىڭداۋدىڭ توراعاسى تاعايىندالادى. تىڭداۋدىڭ توراعاسى تابيعي مونوپوليا سۋبەكتىسى قىزمەتكەر­لەرىنىڭ ىشىنەن حاتتاما جۇرگىزەتىن حاتشىنى تاعايىندايدى. 12. توراعا تاعايىندالعان ۋاقىتتا تىڭداۋدى اشۋعا، ونىڭ ماقساتىن جانە كۇن ءتارتىبىن جاريالاۋعا ءتيىس. 13. تابيعي مونوپوليا سۋبەكتىسىنىڭ ەسەبى مىناداي: 1) ونىڭ ىشىندە ۋاكىلەتتى ورگان بەكىتكەن ينۆەستيتسيالىق باعدارلامالاردى جانە (نەمەسە) ينۆەستيتسيالىق جوبالاردى اتقارۋ تۋرالى; 2) ەسەپتى كەزەڭدەگى تابيعي مونوپوليا سۋبەكتىسى قىزمەتىنىڭ نەگىزگى قارجى-ەكونوميكالىق كورسەتكىشتەرى تۋرالى; 3) ەسەپتى كەزەڭدەگى ۇسىنىلعان رەتتەلىپ كورسەتىلەتىن قىزمەتتەردىڭ (تاۋارلاردىڭ، جۇمىستاردىڭ) كولەمدەرى تۋرالى; 4) رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) تۇتىنۋشىلارمەن جۇرگىزىلەتىن جۇمىس تۋرالى; 5) ەسەپتى كەزەندە ۋاكىلەتتى ورگان بەكىتكەن تاريفتىك سمەتانىڭ ءاربىر باپ بويىنشا ورىندالۋى تۋرالى; 6) قىزمەتتىڭ پەرسپەكتيۆاسى (دامۋ جوسپارلارى)، ونىڭ ىشىندە رەتتەلىپ كورسەتىلەتىن قىزمەتتەردىڭ (تاۋارلاردىڭ، جۇمىستاردىڭ) تاريفتەرى تۋرالى اقپاراتتى قامتۋعا ءتيىس. ءوز سوزىندە تابيعي مونوپوليا سۋبەكتىسى تۇتىنۋشىلارعا رەتتەلىپ كورسەتىلەتىن قىزمەتتەردى (تاۋارلاردى، جۇمىستاردى) ۇسىنۋ ساپاسى جونىندە ەگجەي-تەگجەيلى تۇسىندىرمە بەرۋگە ءتيىس. تۇتىنۋشىلار مەن وزگە دە مۇددەلى تۇلعالاردىڭ الدىندا ەسەپ بەرەتىن تابيعي مونوپوليا سۋبەكتىسىنىڭ اتىنان ءبىرىنشى باسشى نە ءبىرىنشى باسشىنىڭ مىندەتى اتقارۋ جۇكتەلگەن تۇلعا ءسوز سويلەۋگە ءتيىس. 14.تىڭداۋعا قاتىسۋشىلار قارالىپ وتىرعان ماسەلەلەر بويىنشا وزدەرىنىڭ كوزقاراستارىن ايتا الادى، ءسوز سويلەۋشىلەرگە سۇراقتار قويا الادى، وزدەرىنىڭ سوزدەرىندە كومەكشى ماتەريالداردى (پلاكات­تاردى، كەستەلەردى جانە باسقا دا) پايدالانا الادى جانە حاتتاماعا جازباشا تۇردەگى ءسوزىن قوسا بەرە الادى. 15. تىڭداۋعا قاتىسۋشىلاردىڭ ايتىلعان پىكىرلەرى ۇسىنىمدىق سيپاتتا بولادى. 16. تىڭداۋدى وتكىزۋ كەزىندە ءتارتىپ بۇزعان تۇلعاعا تىڭداۋ توراعاسى ەسكەرتۋ جاسايدى. 17. تىڭداۋدىڭ توراعاسى قورىتىندى شىعارادى جانە تىڭداۋدى جابادى. 18. تىڭداۋدى وتكىزۋ پروتسەسىندە حاتتاما جاسالادى. حاتتاما وسى قاعيدالاردىڭ 6-تارماعىندا كورسەتىلگەن اقپاراتتى، سونداي-اق تىڭداۋدىڭ باستالاتىن جانە اياقتالاتىن ۋاقىتى، ءسوز سويلەگەندەردىڭ اتى-جوندەرى تۋرالى مالىمەتتى جانە سويلەگەن سوزدەرىنىڭ قىسقاشا مازمۇنىن قامتۋعا ءتيىس. بارلىق حاتتامالار نومىرلەنەدى جانە جەكە پاپكاعا تىگىلەدى. 19. تىڭداۋ حاتتاماسىنىڭ كوشىرمەسى تىڭداۋ وتكىزىلگەننەن كەيىن ءۇش كۇن ىشىندە ۋاكىلەتتى ورگانعا ۇسىنىلادى. 20. تىڭداۋدىڭ حاتتاماسى تىڭداۋ وتكىزىلگەن كۇننەن باستاپ ءۇش جىل ىشىندە تىڭداۋدى وتكىزگەن تابيعي مونوپوليا سۋبەكتىسىنىڭ مۇراعاتىندا ساقتالۋعا ءتيىس.
سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار