ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا تۇركسوي ۇيىمىنىڭ ۇيىمداستىرۋىمەن ش.قالداياقوۆ اتىنداعى وبلىستىق فيلارمونيانىڭ ارتىستەرى مەن حالىقارالىق بي بايقاۋلارىندا جۇلدەلى ورىندارعا يە بولىپ جۇرگەن «قازىنا» بي ءانسامبلى جانە تۇركىستاندىق «سەمسەر» توبى ەۋروپا مەن ازيانىڭ 9 مەملەكەتىندە 22 كونتسەرت قويدى. ال وبلىستىق وپەرا جانە بالەت تەاترىنىڭ سوليستەرى مەن مادەنيەت جانە حالىق شىعارماشىلىعىنىڭ ارتىستەرى فينليانديا, شۆەتسيا, ەستونيا ەلدەرىندە ونەر كورسەتتى. سونىمەن قاتار ونەرپازدار تۇركيا ەلىندە ناۋرىز ايىندا وتكەن «كاستامونۋ – تۇركى الەمىنىڭ مادەني استاناسى» جىلىنىڭ اشىلۋ سالتاناتىنا وبلىس اكىمىنىڭ قولداۋىمەن بارىپ قايتقان. وڭتۇستىك ونەرپازدارى «سارىارقا» انىمەن كاستامونۋ كوگىن تەربەتسە, «بابالار رۋحى» انىمەن ەل نامىسىن تۋ ەتە اسقاقتاتقان «سەمسەر» توبىنىڭ جىگىتتەرى كورەرمەن ىقىلاسىنا بولەندى. حالىقارالىق جۇلدەلەردى يەلەنىپ جۇرگەن «قازىنا» بي ءانسامبلى تاتۋلىق پەن بەرەكە-بىرلىكتى پاش ەتتى. بۇدان بولەك, اتالعان ونەر مايتالماندارى تۇركيانىڭ كاستامونۋ, انكارا, ىستانبۇل قالالارىنىڭ تۇرعىندارىنا كونتسەرتتىك باعدارلاما ۇسىنعان.
عالىمجان ەلشىباي,
«ەگەمەن قازاقستان»
