كاسىپكەرلىك – ەل دامۋىنا قوسىلاتىن قوماقتى ۇلەس

كەشە وبلىس ورتالىعىندا «بيزنەستىڭ جول كارتا­سى-­­ 2020» باعدارلاماسىنا قا­تى­سۋشىلارعا ارنالعان كەڭەس بولىپ ءوتتى. القالى جيىنعا ەلىمىز پرەمەر-ءمينيسترىنىڭ ورىنباسارى ەربول ورىن­باەۆ, ەكونوميكالىق دامۋ جانە ساۋدا ءمينيسترى قايرات كەلىمبەتوۆ, وبلىس اكىمى با­قىت­جان ساعىنتاەۆ, «دامۋ» كاسىپكەرلىكتى دامىتۋ قورى» اق باسقارما ءتورايىمى ءلاز­زات يبراگيموۆا قاتىستى. «بيزنەستىڭ جول كارتاسى-­ 2020» باعدارلاماسىنا قاتىسۋ­شى­­لارعا ارنالعان كەڭەس جۇ­مى­سىنا سونداي-اق «دامۋ قارجى­لان­دىرۋ قورى» بيزنەستى دامىتۋ كوميتەتىنىڭ, بيزنەس قاۋىمداستى­عى­نىڭ وكىلدەرى جينالدى. وب­لىسقا كەلگەن مەيماندار ال­دى­مەن وبلىس ورتالىعىندا بىرقاتار ءوندىرىس ورىندارىنىڭ جۇمى­سى­مەن تانىستى. كەلەسى كەزەكتە «استانا» مۇز سارايىندا اشىل­عان ەلىمىزدىڭ ءار جەرىنەن كەلگەن تاۋار وندىرۋشىلەردىڭ كورمەسىنە قاتىستى. جالپى, «بيز­نەس­تىڭ جول كارتاسى-2020» باعدار­لا­ماسىنىڭ قۇرىلعانىنا ءبىر جا­رىم جىلداي ۋاقىت ءوتتى. باعدار­لا­ما نەگىزىنەن ءتورت كەزەڭنەن تۇرادى. ولاردا بيزنەستىڭ شيكىزاتتى سەكتوردان وزگە باعىتتاردا دامۋىنا ۇلكەن مۇمكىندىك بەرىلىپ وتىر. ال, وسى جيىن بيزنەس پەن مەملەكەتتىك ورگانداردىڭ «بيزنەستىڭ جول كارتاسى-2020» باعدارلاماسىن ىسكە اسىرۋ بويىنشا ءوزارا ءىس-قي­مىلىن ۇيلەستىرۋ جونىندەگى ماسە­لە­لەردى تالقىلاۋعا ارنالدى. باع­دار­لاما ەلباسى جولداۋىن جانە ەلىمىزدىڭ 2020 جىلعا دەيىنگى سترا­تە­گيالىق دامۋ جوسپارىن ىسكە اسى­رۋ ءۇشىن ازىرلەنگەنى بەلگىلى. قۇجات 2014 جىلعا دەيىنگى مەملەكەتتىڭ ۇدە­مەلى يندۋستريالىق-يننوۆا­تسيا­لىق دامۋ باعدارلاماسىن ىسكە اسى­رۋ تەتىكتەرىنىڭ ءبىرى بولىپ تابى­لا­دى. ياعني, ەكونوميكانىڭ شيكى­زات­تىق ەمەس سەكتورلارىنداعى وڭىرلىك كاسىپكەرلىكتىڭ تۇراقتى ءوسۋىن قام­تاماسىز ەتۋگە, سونىمەن قاتار, بار جۇمىس ورىندارىن ساقتاپ, تۇراقتى جۇمىس ىستەيتىن جاڭا جۇمىس ورىن­دارىن قۇرۋعا ارنالعان. باعدارلاماعا قاتىسقان 135 كا­سىپ­ورىن ءوز جەتىستىكتەرىن كورسەتۋگە اكەلىپتى. بۇل كاسىپورىنداردىڭ قا­تارىندا كەزىندە توقتاپ قالىپ, كەيىننەن وسى باعدارلامانىڭ ارقا­سىن­دا ىستەرى العا باسقاندارى دا بار. كەڭەسكە ەكونوميكالىق دامۋ جانە ساۋدا ءمينيسترى قايرات كەلىمبەتوۆ توراعالىق ەتتى. مينيستر ءوز سوزىندە ەلىمىزدەگى شاعىن جانە ورتا بيزنەسكە مەملەكەتتىڭ جول اشقان باعىتتارىن اتاپ ءوتتى. كەلەسى كەزەكتە ماماندار تاپشىلىعىن جويۋ, ءبىر جارىم جىل ىشىندە ەلىمىزدىڭ مىڭ­داعان كاسىپكەرىنە ءوز ىستەرىن دامى­تۋعا جول اشقان باعدارلامانىڭ ءتيىمدى تۇستارىن تالقىعا سالا وتى­رىپ, بولاشاقتا دامىتۋ جولدارىنا توقتالدى. ياعني, مامانداردى شەت ەلدەردە وقىتىپ, ولاردىڭ كاسىبي بىلىكتىلىكتەرىن ارتتىرۋعا جاعداي جاساۋ باستى باسىمدىقتاردىڭ ءبىرى بولىپ تابىلادى. جالپى, «بيز­نەس­تىڭ جول كارتاسى-2020» ەلىمىزدىڭ ەكونوميكاسىن وركەندەتۋگە تولىق مۇمكىندىك بەرىپ وتىر. بۇل جاڭا جۇمىس ورىندارىنىڭ كوبەيۋىمەن قا­تار, ەل قازىناسىن تولتىرۋعا, جاق­سى ءومىر سۇرۋگە دە وڭ ىقپال ەتەدى. بۇل باعدارلامانىڭ ماقساتى بەلگىلى, ول – جاڭا جۇمىس ورىن­دا­رىن قۇرىپ, سالىق ءتۇسىمىن ارتتىرۋ, دەدى ءوز سوزىندە پرەمەر-مينيستر­دىڭ ورىنباسارى ەربول ورىنباەۆ. كەڭەستە سونداي-اق بيزنەس باستاما­لار­دى قولداۋ, مەملەكەت تاراپىنان بيزنەس-ارىپتەستىك ورناتۋ جايى ءسوز بولدى. ماسەلەن وڭىرلەردە, ونىڭ ىشىندە پاۆلودار وبلىسىندا شاعىن جانە ورتا بيزنەستى دامىتۋعا جاق­سى جاعداي جاسالعان. بۇل جايلى وبلىس اكىمى باقىتجان ساعىنتاەۆ اي­تىپ ءوتتى. ال قايرات كەلىم­بە­توۆ­تىڭ ايتۋىنشا, جالپى «بيزنەستىڭ جول كارتاسى-2020» باعدارلاماسى قارجى داعدارىسىنا قارسى تۇرۋعا ارنالعان باعدارلاما بولىپ تابىلادى. ءبىر جارىم جىلدىق مەرزىمدى قامتۋعا ارنالعان كەڭەس سوڭىندا «اتامەكەن» ۇلتتىق-ەكونوميكالىق پالاتاسىنىڭ توراعاسى ابىلاي مىر­زاحمەتوۆ پەن ەكونوميكالىق دامۋ جانە ساۋدا مينيسترلىگىنىڭ كا­سىپ­كەرلىكتى قولداۋ كوميتەتىنىڭ ءتور­اعا­سى قايرات ايتكەنوۆ ارىپتەستىك قارىم-قاتىناس ورناتۋ تۋرالى ورتاق مەموراندۋمعا قول قويدى. فاريدا بىقاي. پاۆلودار.