بىرلەسكەن بۇيرىق № 11-1-2/555, № 1100

قازاقستان رەسپۋبليكاسى قازاقستان رەسپۋبليكاسى سىرتقى ىستەر مينيسترلىگى ىشكى ىستەر مينيسترلىگى 2016 جىلعى 24 قاراشا № 11-1-2/555 استانا قالاسى 2016 جىلعى 28 قاراشا № 1100 استانا قالاسى بىرلەسكەن بۇيرىق شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلارىن رەسىمدەۋ, شاقىرۋلارىن كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارىن بەكىتۋ تۋرالى «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسى زاڭىنىڭ 10-بابى 1-1) تارماقشاسىنا سايكەس بۇيىرامىز: 1. قوسا بەرىلگەن شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلارىن رەسىمدەۋ, شاقىرۋلارىن كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارى بەكىتىلسىن. 2. «قازاقستان رەسپۋبليكاسىنىڭ ۆيزالارىن بەرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارىن بەكىتۋ تۋرالى» قازاقستان رەسپۋبليكاسى سىرتقى ىستەر ءمينيسترىنىڭ مىندەتىن اتقارۋشىسىنىڭ 2013 جىلعى 5 ناۋرىزداعى № 08-1-1-1/71 جانە قازاقستان رەسپۋبليكاسى ىشكى ىستەر ءمينيسترىنىڭ 2013 جىلى 7 ناۋرىزداعى № 175 بىرلەسكەن بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8407 بولىپ تىركەلگەن, 2013 جىلعى 18 مامىرداعى № 129 (28068) «ەگەمەن قازاقستان» گازەتىندە جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق قىزمەت دەپارتامەنتى: 1) وسى بىرلەسكەن بۇيرىقتىڭ زاڭنامادا كورسەتىلگەن تارتىپپەن قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بىرلەسكەن بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن باسپا جانە ەلەكتروندىق تۇردە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە جاريالاۋعا جىبەرۋدى, سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بىرلەسكەن بۇيرىقتىڭ قازاقستان رەسپۋبليكاسى سىرتقى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 4. وسى بىرلەسكەن بۇيرىقتىڭ ورىندالۋىن باقىلاۋ قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى م.ب. تىلەۋبەردىگە جانە قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ە.ز.تۇرعىمباەۆقا جۇكتەلسىن. 5. وسى بىرلەسكەن بۇيرىق 2017 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسى سىرتقى ىستەر قازاقستان رەسپۋبليكاسىنىڭ ءمينيسترىنىڭ مىندەتىن اتقارۋشى ________ە.اشىقباەۆ ىشكى ىستەر ءمينيسترى _____________ق.قاسىموۆ «كەلىسىلگەن» «كەلىسىلگەن» «كەلىسىلگەن» قازاقستان رەسپۋبليكاسى قازاقستان رەسپۋبليكاسى قازاقستان رەسپۋبليكاسى ءبىلىم جانە عىلىم ءمينيسترى دەنساۋلىق ساقتاۋ جانە ءدىن ىستەرى جانە ازاماتتىق __________________ە. ساعاديەۆ الەۋمەتتىك دامۋ ءمينيسترى قوعام ءمينيسترى 2016 جىلعى 08 جەلتوقسان ____________ت. دۇيسەنوۆا ___________ن. ەرمەكباەۆ 2016 جىلعى 06 جەلتوقسان 2016 جىلعى 09 جەلتوقسان «كەلىسىلگەن» «كەلىسىلگەن» قازاقستان رەسپۋبليكاسى قازاقستان رەسپۋبليكاسى ينۆەستيتسيالار جانە دامۋ ءمينيسترى ۇلتتىق قاۋىپسىزدىك كوميتەتىنىڭ توراعاسى __________________ج. قاسىمبەك __________________ك. ءماسىموۆ 2016 جىلعى 05 جەلتوقسان 2016 جىلعى 30 قاراشا قازاقستان رەسپۋبليكاسى سىرتقى ىستەر ءمينيسترىنىڭ مىندەتىن اتقارۋشىسىنىڭ 2016 جىلعى 24 قاراشاداعى № 11-1-2/555 جانە قازاقستان رەسپۋبليكاسى ىشكى ىستەر ءمينيسترىنىڭ 2016 جىلعى 28 قاراشاداعى № 1100 بىرلەسكەن بۇيرىعىمەن بەكىتىلگەن شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلارىن رەسىمدەۋ, شاقىرۋلارىن كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارى 1-تاراۋ. جالپى ەرەجەلەر 1. شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلارىن رەسىمدەۋ, شاقىرۋلارىن كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارى (بۇدان ءارى – قاعيدالار) «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى زاڭىنا (بۇدان ءارى – كوشى-قون تۋرالى زاڭ) سايكەس ازىرلەندى, جانە شەتەلدىكتەردىڭ جانە ازاماتتىعى جوق ادامداردىڭ (بۇدان ءارى – ۆيزا الۋشىلار) قازاقستان رەسپۋبليكاسىنا كەلۋىنە شاقىرۋلارىن رەسىمدەۋ, شاقىرۋلارىن كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ ءتارتىبىن انىقتايدى. 2. ەگەر, قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق شارتتاردا وسى قاعيدالاردا قاراستىرىلعاننان وزگە قاعيدالار بەلگiلەنسە, وندا حالىقارالىق شارتتىڭ نورمالارى قولدانىلادى. 3. وسى قاعيدالاردا مىناداي ۇعىمدار پايدالانىلادى: 1) ازاماتتىعى جوق ادام – قازاقستان رەسپۋبليكاسىنىڭ ازاماتى بولىپ تابىلمايتىن جانە ءوزىنىڭ باسقا مەملەكەتتىڭ ازاماتى بولىپ تابىلاتىنى تۋرالى دالەلى جوق ادام; 2) بيزنەس - كوشىپ كەلۋشىلەر – كوشى-قون تۋرالى زاڭعا سايكەس كاسىپكەرلىك قىزمەتتى جۇزەگە اسىرۋ ماقساتىندا كەلگەن كوشىپ كەلۋشىلەر; 3) بۇرىنعى وتانداس – قازاق كەڭەستىك سوتسياليستىك رەسپۋبليكاسىندا نەمەسە قازاقستان رەسپۋبليكاسىندا تۋعان نەمەسە بۇرىن ونىڭ ازاماتتىعىندا بولعان جانە شەتەلدە تۇراقتى تۇراتىن ادام; 4) «بۇركىت» بىرىڭعاي اقپاراتتىق جۇيەسى (بۇدان ءارى – «بۇركىت» باج) – ۆيزا الۋشىلاردىڭ قازاقستان رەسپۋبليكاسىنا كەلۋىن-كەتۋىن جانە بولۋىن باقىلاۋ بويىنشا بىرىزدەندىرىلگەن اقپاراتتىق جۇيە; 5) ۆەربالدى نوتا – شەت مەملەكەتتەردىڭ سىرتقى ساياسي ۆەدومستۆولارىنىڭ, ديپلوماتيالىق جانە ولارعا تەڭەستىرىلگەن وكىلدىكتەرىنىڭ, كونسۋلدىق مەكەمەلەرىنىڭ, حالىقارالىق ۇيىمداردىڭ جانە ولاردىڭ وكىلدىكتەرىنىڭ, سونىڭ ىشىندە ۆيزا الۋشىلاردى شاقىرۋ جانە ۆيزالار بەرۋ ماقساتىندا بەرگەن جازباشا وتىنىشتەرى; 6) ۆيزالىق كوشى-قون پورتالى (بۇدان ءارى – ۆكپ) – كوشى-قون پروتسەستەرىمەن بايلانىستى قۇجاتتاردى رەسىمدەۋدى اۆتوماتتاندىرۋعا ارنالعان پورتال (www.vmp.gov.kz); 7) ءدىني قىزمەت – ءدىندارلاردىڭ ءدىني قاجەتتىلىكتەرىن قاناعاتتاندىرۋعا باعىتتالعان قىزمەت; 8) كەلۋگە جانە كەتۋگە بەرىلەتىن رۇقسات (بۇدان ءارى – ۆيزا) – وسىعان ۋاكىلەتتىك بەرىلگەن قازاقستان رەسپۋبليكاسى مەملەكەتتىك ورگاندارىنىڭ كوشىپ-قونۋشىنىڭ پاسپورتىنداعى نەمەسە ونى اۋىستىراتىن قۇجاتىنداعى ۆيزادا بەلگىلەنگەن مەرزىمگە, ماقساتىنا جانە شارتىنا ساي قازاقستان رەسپۋبليكاسىنىڭ اۋماعىنا كەلۋگە, ونىڭ اۋماعى ارقىلى وتۋگە, وندا بولۋعا جانە قازاقستان رەسپۋبليكاسىنىڭ اۋماعىنان كەتۋگە قۇقىق بەرەتىن بەلگى; 9) قازاقستان رەسپۋبليكاسىنىڭ سىرتقى ىستەر مينيسترلىگىنىڭ نۇسقاۋى (بۇدان ءارى – قر ءسىم نۇسقاۋى) – ناقتى مىندەتتەردى شەشۋ ماقساتىندا جانە قازاقستان رەسپۋبليكاسى پرەزيدەنتى اكiمشiلiگiنiڭ جانە/نەمەسە ۇكiمەتىنىڭ تاپسىرمالارىنا, قازاقستان رەسپۋبليكاسىنىڭ مەملەكەتتىك ورگاندارىنىڭ, ۇيىمدارىنىڭ جانە شەت ەلدەردەگى مەكەمەلەرىنىڭ, شەت مەملەكەتتەردىڭ سىرتقى ساياسي ۆەدومستۆولارىنىڭ, ديپلوماتيالىق جانە ولارعا تەڭەستىرىلگەن وكىلدىكتەرىنىڭ, كونسۋلدىق مەكەمەلەرىنىڭ, حالىقارالىق ۇيىمدار مەن ولاردىڭ وكىلدىكتەرىنىڭ جازباشا وتىنىشىتەرىنىڭ نەگىزىندە قازاقستان رەسپۋبليكاسىنىڭ سىرتقى ىستەر مينيسترلىگىندە (بۇدان ءارى – قر ءسىم) جانە ونىڭ شەت ەلدەردەگى مەكەمەلەرىندە شاقىرۋلاردى قابىلداۋ جانە كەلىسۋ, ۆيزالاردى بەرۋ, كۇشىن جويۋ, قالپىنا كەلتىرۋ, قولدانىلۋ مەرزىمدەرىن ۇزارتۋ نەمەسە قىسقارتۋدى جۇزەگە اسىرۋ تۋرالى قازاقستان رەسپۋبليكاسىنىڭ شەت ەلدەردەگى مەكەمەلەرىنىڭ باسشىلارىمەن, قازاقستان رەسپۋبليكاسى سىرتقى ىستەر مينيسترلىگى كونسۋلدىق قىزمەت دەپارتامەنتى ديرەكتورىمەن, ديرەكتورىنىڭ ورىنباسارلارىمەن جانە پاسپورتتىق-ۆيزالىق باسقارماسى باسشىسىمەن جەدەل شەشىم قابىلداۋ ءۇشىن قابىلدانعان جازباشا تۇردە رەسىمدەلگەن تاپسىرمالارى; 10) قازاقستان رەسپۋبليكاسىنىڭ شەت ەلدەردەگى مەكەمەلەرi (بۇدان ءارى – قر شەت ەلدەردەگى مەكەمەلەرى) – قازاقستان رەسپۋبليكاسىنىڭ شەت ەلدەردە ورنالاسقان ديپلوماتيالىق جانە ولارعا تەڭەستiرiلگەن وكiلدiكتەرى, سونداي-اق كونسۋلدىق مەكەمەلەرi; 11) قازاقستان رەسپۋبليكاسى ىشكى ىستەر مينيسترلىگىنىڭ بولىمشەلەرى (بۇدان ءارى – قر ءىىم) – قازاقستان رەسپۋبليكاسى ىشكى ىستەر مينيسترلىگىنىڭ, وبلىستاردىڭ, استانا, الماتى قالالارىنىڭ جانە كولىكتەگى دەپارتامەنتتەرىنىڭ كوشى-قون پولياتسياسى بولىمشەلەرى; 12) قر ءىIم نۇسقاۋى (بۇدان ءارى – قر ءىىم نۇسقاۋى) – ناقتى مىندەتتەردى شەشۋ ماقساتىندا جانە قازاقستان رەسپۋبليكاسى پرەزيدەنتى اكiمشiلiگiنiڭ جانە/نەمەسە ۇكiمەتىنىڭ تاپسىرمالارىنا, قازاقستان رەسپۋبليكاسىنىڭ شەت ەلدەردەگى مەكەمەلەرىنىڭ, مەملەكەتتىك ورگانداردىڭ جانە ۇيىمداردىڭ جازباشا وتىنىشىتەرى نەگىزىندە شاقىرۋلاردى رەسىمدەۋ, ۆيزالاردى بەرۋ, كۇشىن جويۋ, قالپىنا كەلتىرۋ, ۇزارتۋ, قولدانىلۋ مەرزىمدەرىن ۇزارتۋ نەمەسە قىسقارتۋدى جۇزەگە اسىرۋ تۋرالى قازاقستان رەسپۋبليكاسى ىشكى ىستەر مينيسترلىگى كوشى-قون پوليتسياسى دەپارتامەنتى باستىعىمەن (باستىعىنىڭ ورىنباسارلارىمەن) جەدەل شەشىم قابىلداۋ ءۇشىن قابىلدانعان جازباشا تۇردە رەسىمدەلگەن تاپسىرمالارى; 13) قولداۋحات – شاقىرۋشى تاراپتىڭ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, ولاردىڭ قولدانىلۋ مەرزىمدەرىن ۇزارتۋ جانە قىسقارتۋ تۋرالى,سونداي-اق قازاقستان رەسپۋبليكاسىنا كەلۋگە نيەتى بار ۆيزا الۋشىلاردىڭ جازباشا وتىنىشتەرى; 14) ماۋسىمدىق شەتەلدىك جۇمىسكەرلەر – كليمات نەمەسە وزگە دە تابيعي جاعدايلارعا بايلانىستى بەلگىلى ءبىر كەزەڭ (ماۋسىم) ىشىندە, بىراق ءبىر جىلدان اسپايتىن مەرزىمدە, اتقارىلاتىن ماۋسىمدىق جۇمىستاردى ورىنداۋ ءۇشىن جۇمىس بەرۋشىلەرمەن جۇمىسقا تارتاتىن كوشىپ كەلۋشىلەر; 15) ميسسيونەرلىك قىزمەت – قازاقستان رەسپۋبليكاسى ازاماتتارىنىڭ, شەتەلدىكتەردىڭ, ازاماتتىعى جوق ادامداردىڭ, قازاقستان رەسپۋبليكاسىندا تىركەلگەن ءدىني بىرلەستىكتەردىڭ اتىنان قازاقستان رەسپۋبليكاسىنىڭ اۋماعىندا ءدىني ءىلىمدى تاراتۋعا باعىتتالعان قىزمەتى; 16) ءوز بەتىنشە جۇمىسقا ورنالاسۋعا ارنالعان بىلىكتىلىك تۋرالى انىقتاما (بۇدان ءارى – بىلىكتىلىك سايكەستىگى تۋرالى انىقتاما) – قازاقستان رەسپۋبليكاسىندا ەكونوميكانىڭ باسىم سالالارىندا سۇرانىسقا يە كاسىپتەر بويىنشا ءوز بەتىنشە جۇمىسقا ورنالاسۋ ءۇشىن بىلىكتىلىك تالاپتارى مەن ءبىلىم دەڭگەيىنە سايكەس كەلەتىن شەتەلدىكتەر مەن ازاماتتىعى جوق ادامدارعا حالىقتىڭ كوشى-قونى ماسەلەلەرى جونىندەگى ۋاكىلەتتى ورگان انىقتاعان تارتىپپەن بەرىلەتىن «حالىقتى جۇمىسپەن قامتۋ تۋرالى» قازاقستان رەسپۋبليكاسىنىڭ زاڭىمەن بەلگىلەنگەن نىسانداعى قۇجات (ەكونوميكالىق قىزمەت تۇرلەرىندەگى); 17) تۇراقتى تۇرۋعا ارنالعان رۇقسات – كوشى-قون تۋرالى زاڭمەن بەلگىلەنگەن تالاپتار ساقتالعان كەزدە كوشىپ كەلۋشىلەرگە قر ءىىم بەرەتىن جانە قازاقستان رەسپۋبليكاسىنىڭ اۋماعىندا تۇراقتى تۇرۋ قۇقىعىن بەرەتىن قۇجات; 18) ۋاكىلەتتى قىزمەتكەر – قولداۋحاتتى كەلىسۋگە جانە ۆيزالارعا قول قويۋعا قۇقىعى بار قر شەت ەلدەردەگى مەكەمەلەرىنىڭ, قر ءسىم جانە قر ءىىم قىزمەتكەرلەرى; 19) فورس-ماجورلىق جاعدايلار – توتەنشە جانە بولماي قويمايتىن جاعدايلار سالدارىنان تۋىندايتىن ەڭسەرىلمەيتىن كۇش وقيعالارى (دۇلەي اپاتتار, اسكەري ارەكەتتەر جانە باسقا دا ۇقساس جاعدايلار); 20) حالىقارالىق ءوزارا تۇسىنىستىك قاعيداتى – ەكى مەملەكەتتىڭ ازاماتتارى ءۇشىن ۆيزالاردى رەسىمدەۋ كەزىندە تەڭ جاعدايلار ۇسىنۋ; 21) حالىقارالىق ۇيىم – مەملەكەتارالىق نەمەسە ۇكىمەتارالىق ۇيىم; 22) شاقىرۋشى تاراپ – ۆيزا الۋشىلاردىڭ قازاقستان رەسپۋبليكاسىنا/نان كەلۋىنە/كەتۋىنە جاردەمدەسەتىن قازاقستان رەسپۋبليكاسىنىڭ ورتالىق مەملەكەتتىك ورگاندارى, وبلىستىق اكىمدەردىڭ, رەسپۋبليكالىق ماڭىزى بار قالالاردىڭ, استانانىڭ اپپاراتتارى, شەت مەملەكەتتەردىڭ سىرتقى ساياسي ۆەدومستۆولارى, ديپلوماتيالىق جانە ولارعا تەڭەستىرىلگەن وكىلدىكتەرى, كونسۋلدىق مەكەمەلەرى, حالىقارالىق ۇيىمدار جانە ولاردىڭ وكىلدىكتەرى, سونىمەن قاتار قازاقستان رەسپۋبليكاسىندا تىركەلگەن جەكە جانە زاڭدى تۇلعالار; 23) شەتەلدەن شاقىرۋ تۋرالى قۇجاتتار (بۇدان ءارى – شاقىرۋ) – قازاقستان رەسپۋبليكاسىنا جەكە ىستەر بويىنشا كەلۋگە قر ءىىم بەرگەن شاقىرۋ, نە بولماسا ۆيزا الۋشىلارعا قازاقستان رەسپۋبليكاسىنىڭ ۆيزالارىن بەرۋ تۋرالى قر ءىىم-مەن كەلىسىلگەن شاقىرۋشى تاراپتىڭ قولداۋحاتى نەمەسە ۆەربالدى نوتا; 24) شەتەلدىك – قازاقستان رەسپۋبليكاسىنىڭ ازاماتى بولىپ تابىلمايتىن جانە ءوزىنىڭ باسقا مەملەكەتتىڭ ازاماتى بولىپ تابىلاتىندىعى تۋرالى دالەلى بار ادام; 25) ەتنيكالىق قازاق – شەتەلدە تۇراقتى تۇراتىن ۇلتى قازاق (ولاردىڭ ۇلتتىق تيەسىلىگىن راستايتىن قۇجاتتارى بولعان كەزدە) شەتەلدىك نەمەسە ازاماتتىعى جوق ادام. 4. ۆيزانىڭ ساناتى, الۋشى, مارتەلىگى, قولدانىلۋ مەرزىمى, قازاقستان رەسپۋبليكاسىنىڭ اۋماعىندا بولۋ كەزەڭى مەن بەرۋ نەگىزدەرى وسى قاعيدالاردىڭ 1-قوسىمشاسىنا (بۇدان ءارى – 1-نىسان) سايكەس انىقتالادى. 5. ۆيزا ءبىر مارتەلى جانە كوپ مارتەلى بولادى. ءبىر مارتەلى ۆيزالار ۆيزا الۋشىعا ۆيزادا بەلگىلەنگەن مەرزىمگە, ماقساتقا جانە تالاپقا سايكەس قازاقستان رەسپۋبليكاسىنا ءبىر مارتە كىرۋگە, ونىڭ اۋماعى ارقىلى وتۋگە, وندا بولۋعا جانە قازاقستان رەسپۋبليكاسىنان شىعۋعا قۇقىق بەرەدى. كوپ مارتەلى ۆيزالار ۆيزا الۋشىعا ۆيزادا بەلگىلەنگەن مەرزىمگە, ماقساتقا جانە تالاپقا سايكەس قازاقستان رەسپۋبليكاسىنا كوپ مارتە كىرۋگە, ونىڭ اۋماعى ارقىلى وتۋگە, وندا بولۋعا جانە قازاقستان رەسپۋبليكاسىنان شىعۋعا قۇقىق بەرەدى. قازاقستان رەسپۋبليكاسى اۋماعىنان كەتۋگە ارنالعان ۆيزالار ۆيزا الۋشىعا ۆيزادا بەلگىلەنگەن مەرزىمگە جانە تالاپقا سايكەس قازاقستان رەسپۋبليكاسىنىڭ اۋماعىندا بولۋىنا جانە قازاقستان رەسپۋبليكاسىنان شىعۋعا قۇقىق بەرەدى. 6. قازاقستان رەسپۋبليكاسىنىڭ ۆيزالىق جاپسىرماسىن تولتىرۋ وسى قاعيدالاردىڭ 2-قوسىمشاسىنا سايكەس جۇرگىزىلەدى. ۆيزالاردا تۇزەتۋگە جول بەرىلمەيدى. تۇزەتىلگەن ۆيزالار جارامسىز بولىپ سانالادى. 7. ۆيزالاردىڭ ورنىنا جۇرەتىن قۇجاتتار مىنالار: 1) قازاقستان رەسپۋبليكاسىندا اككرەديتتەلگەن شەت مەملەكەتتەردىڭ ديپلوماتيالىق جانە ولارعا تەڭەستىرىلگەن وكىلدىكتەرىنىڭ, كونسۋلدىق مەكەمەلەرىنىڭ, حالىقارالىق ۇيىمدار مەن ولاردىڭ وكىلدىكتەرىنىڭ باسشىلارىنا, پەرسونال مۇشەلەرىنە, سونداي-اق ولاردىڭ وتباسى مۇشەلەرىنە قر ءسىم بەرگەن اككرەديتتەۋ كۋالىگى; 2) «جەكە باستى كۋالاندىراتىن قۇجاتتار تۋرالى» قازاقستان رەسپۋبليكاسى زاڭىمەن كوزدەلگەن نىسانعا سايكەس شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىندا تۇرۋىنا ىحتيارحاتى; 3) «جەكە باستى كۋالاندىراتىن قۇجاتتار تۋرالى» قازاقستان رەسپۋبليكاسى زاڭىمەن كوزدەلگەن نىسانعا سايكەس ازاماتتىعى جوق ادامنىڭ كۋالىگى; 4) «اكىمشىلىك قۇقىقبۇزۋشىلىقتار تۋرالى» قازاقستان رەسپۋبليكاسى كودەكسىمەن كوزدەلگەن نىسانعا سايكەس شەتەلدىكتى قازاقستان رەسپۋبليكاسىنان شىعارىپ جىبەرۋ تۋرالى سوتتىڭ قاۋلىسى; 5) «بوسقىندار تۋرالى» قازاقستان رەسپۋبليكاسى زاڭىمەن كوزدەلگەن نىسانعا سايكەس بوسقىننىڭ جول ءجۇرۋ قۇجاتى. 8. وسى قاعيدالاردا قاراستىرىلعاننان باسقا حالىقارالىق ءوزارا تۇسىنىستىك قاعيداتىن ەسكەرە وتىرىپ, قازاقستان رەسپۋبليكاسىندا بولۋ مەرزىمى قازاقستان رەسپۋبليكاسىنىڭ ازاماتتارىنىڭ بولۋ مەملەكەتىندە بولۋ مەرزىمىنەن اسپايتىن ۇزاق مەرزىمدى ۆيزالار بەرىلۋى جانە ۆيزا رەسىمدەۋ مەرزىمى ۇزاق ۋاقىت بولۋى مۇمكىن. 2-تاراۋ. ۆيزا الۋشىلاردىڭ قازاقستان رەسپۋبليكاسىنا كەلۋىنە شاقىرۋلاردى رەسىمدەۋ, شاقىرۋلاردى كەلىسۋ ءتارتىبى 9. قازاقستان رەسپۋبليكاسىنا جەكە ىستەر بويىنشا كەلۋگە شاقىرۋ بولجامدى كەلۋ كۇنىنە ءبىر جىلدان ەرتە ەمەس جانە ەكى اپتادان كەشىكتىرىلمەي بەرىلەدى. قولداۋحات نەمەسە ۆەربالدى نوتا ۆيزا الۋشىنىڭ قازاقستان رەسپۋبليكاسىنا بولجامدى كەلۋ كۇنىنە كۇنتىزبەلىك 90 كۇننەن ەرتە ەمەس جانە ەكى اپتادان كەشىكتىرىلمەي بەرىلەدى. شاقىرۋدى قاراستىرۋ مەرزىمى, وسى قاعيدالاردىڭ 16-تارماعىندا كورسەتىلگەن جاعدايلاردى قوسپاعاندا, ءوتىنىش بىلدىرگەن كۇننەن باستاپ 5 جۇمىس كۇنىنەن اسپاۋى ءتيىس. قر ءىىم جانە قر ءسىم نۇسقاۋى بويىنشا شاقىرۋ قۇجاتتارى قىسقا مەرزىمدە قابىلدانادى جانە وڭدەلەدى. 10. شاقىرۋدى رەسىمدەۋ ءۇشىن شاقىرۋشى تاراپ وسى قاعيدالارعا 3-قوسىمشاعا سايكەس نىسان (بۇدان ءارى – 2-نىسان) بويىنشا كەستەنى قوسا وتىرىپ ۆەربالدى نوتانى قر ءسىم-گە ۇسىنادى. 11. شاقىرۋدى رەسىمدەۋ ءۇشىن شاقىرۋشى تاراپ تىركەلگەن ورنى بويىنشا كەلەسى قۇجاتتاردى قر ءىىم-گە ۇسىنادى: 1) قازاقستان رەسپۋبليكاسىنا جەكە ساپار بويىنشا كەلۋگە شاقىرۋ رەسىمدەۋ ءۇشىن: جەكە باستى كۋالاندىراتىن قۇجات; ءوتىنىش-ساۋالناما; مەملەكەتتىك باجدى تولەگەنىن راستايتىن تولەم قۇجاتى. 2) زاڭدى تۇلعانىڭ نەمەسە جەكە كاسىپكەردىڭ قولداۋحاتىن كەلىسۋ ءۇشىن: 2-نىسانعا سايكەس ەكى دانادا تولتىرىلعان كەستە; مەملەكەتتىك باجدى تولەگەنىن راستايتىن تولەم قۇجاتى. 3) شاقىرۋدى رەسىمدەۋگە اعىمداعى جىلى العاشقى رەت ءوتىنىش بىلدىرگەن زاڭدى تۇلعالار نەمەسە جەكە كاسىپكەرلەر كەلەسى قۇجاتتاردى ۇسىنادى: زاڭدى تۇلعانىڭ نەمەسە جەكە كاسىپكەردىڭ مەملەكەتتىك تىركەۋ تۋرالى كۋالىگىنىڭ كوشىرمەسى; زاڭدى تۇلعا جارعىسىنىڭ نەمەسە پاتەنتتىڭ كوشىرمەسى; زاڭدى تۇلعانىڭ ءوز وكىلىن قۇجاتتاردى تاپسىرۋ ءۇشىن تاعايىنداۋ تۋرالى بۇيرىعى نەمەسە سەنىمحاتى; ديرەكتورلار كەڭەسىنىڭ مۇشەسىن شاقىرۋعا قولداۋحات وتكىزۋشى قابىلداۋشى تاراپ – ديرەكتورلار كەڭەسىنىڭ مۇشەسى بولىپ سايلانۋ تۋرالى جالپى اكتسيونەرلەر جينالىسى حاتتاماسىنىڭ كوشىرمەسى; شەتەلدىك تۋريستەردى شاقىرۋعا قولداۋحات وتكىزۋشى قابىلداۋشى تاراپ – وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى بەرگەن تۋروپەراتورلىق قىزمەت ليتسەنزياسى نەمەسە تۋريستىك اگەنتتەردىڭ مەملەكەتتىك تىزىلىمىنەن ءۇزىندى كوشىرمەسى; ۆيزا الۋشىنى ءبىلىم الۋ ماقساتىندا شاقىرۋعا قولداۋحات وتكىزۋشى قابىلداۋشى تاراپ – قازاقستان رەسپۋبليكاسىنىڭ ءبىلىم بەرۋ ماسەلەلەرى جونىندەگى ۋاكىلەتتى ورگانى بەرگەن ءبىلىم سالاسىنداعى قىزمەتى تۋرالى ليتسەنزيا جانە (نەمەسە) ليتسەنزيانىڭ قوسىمشاسى; ۆيزا الۋشىنى ەمدەلۋگە, مەديتسينالىق تەكسەرۋگە نەمەسە كونسۋلتاتسيالار ءۇشىن شاقىرۋعا قولداۋحات وتكىزۋشى قابىلداۋشى تاراپ – قازاقستان رەسپۋبليكاسىنىڭ دەنساۋلىق ساقتاۋ سالاسىنداعى ۋاكىلەتتى ورگانىنىڭ مەديتسينالىق قىزمەتكە بەرگەن ليتسەنزياسى; 12. سۇراتىلعان ۆيزانىڭ ساناتىنا قاراي قوسىمشا ۇسىنىلادى: 1) ينۆەستورلار ءۇشىن – قازاقستان رەسپۋبليكاسىنىڭ ينۆەستيتسيالار جونىندەگى ۋاكىلەتتى ورگانىنىڭ قولداۋحاتى; 2) ىسكەرلىك ساپارعا ارنالعان كوپ مارتەلى ۆيزانى رەسىمدەۋ ءۇشىن – شارتتىڭ نەمەسە كەلىسىمشارتتىڭ كوشىرمەسى (ەتنيكالىق قازاقتار, بۇرىنعى وتانداستار جانە وسى قاعيدالاردىڭ 4-قوسىمشاسىنا سايكەس, ۆيزالاردى رەسىمدەۋ كەزىندە شاقىرۋدى مىندەتتى تۇردە كورسەتۋدەن بوساتىلاتىن ەكونوميكاسى دامىعان, ساياسي جانە كوشى-قونى تۇراقتى مەملەكەتتەردىڭ (بۇدان ءارى – مەملەكەتتەر ءتىزىمى) ازاماتتارىنان باسقا); 3) ءدىني ءىس-شارالارعا قاتىسۋ نەمەسە ميسسيونەرلىك قىزمەتتى جۇزەگە اسىرۋ ءۇشىن – ءدىني قىزمەت سالاسىن جۇزەگە اسىراتىن ۋاكىلەتتى ورگانداعى مەكەمەنىڭ جازباشا كەلىسىمى; 4) قازاقستان رەسپۋبليكاسىنىڭ اۋماعىنداعى تۇزەتۋ مەكەمەلەرىندە جازاسىن وتەپ جاتقان ادامدارعا بارۋ ءۇشىن – قر ءىىم قىلمىستىق-اتقارۋ جۇيەسىنىڭ جازباشا كەلىسىمى; 5) قازاقستان رەسپۋبليكاسىنىڭ ازاماتتارىن اسىراپ الۋ ءۇشىن – قازاقستان رەسپۋبليكاسىنىڭ بالالاردىڭ قۇقىقتارىن قورعاۋ سالاسىنداعى ۋاكىلەتتى ورگانىنىڭ جازباشا كەلىسىمى; 6) ەڭبەك قىزمەتىن جۇزەگە اسىرۋ ءۇشىن, سونىڭ ىشىندە ماۋسىمدىق شەتەلدىك جۇمىسكەرلەر ءۇشىن – شاقىرۋشى تاراپقا شەتەلدىك جۇمىس كۇشىن تارتۋعا بەرگەن انىقتاماسى, نە شەتەلدىككە بەرگەن جۇمىس كۇشىن تارتۋ انىقتاماسى, نە بولماسا قازاقستان رەسپۋبليكاسىنىڭ زاڭناماسىنا نەمەسە حالىقارالىق شارتتارعا سايكەس ۆيزا الۋشىعا مۇنداي رۇقسات تالاپ ەتىلمەيتىندىگى تۋرالى قۇجاتتار; 7) بيسنەس-كوشىپ كەلۋشىلەرگە – قازاقستان رەسپۋبليكاسىنىڭ وبلىسىنىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ قولداۋحاتى; 8) وقۋ پراكتيكاسىنان نەمەسە تاعىلىمدامادان ءوتۋ ءۇشىن – قازاقستان رەسپۋبليكاسىنىڭ ورتالىق اتقارۋشى ورگاندارىنىڭ قولداۋحاتى نەمەسە قازاقستان رەسپۋبليكاسى اۋماعىندا تىركەلگەن كومپانيالار مەن مەكەمەلەردىڭ قر ءسىم-مەن كەلىسىلگەن قولداۋحاتى; 9) گۋمانيتارلىق ۋاجدەر بويىنشا – قازاقستان رەسپۋبليكاسىندا اككرەديتاتسيادان وتكەنىن راستايتىن حالىقارالىق ۇيىمنىڭ نەمەسە ونىڭ وكىلدىگىنىڭ قۇجاتى, نەمەسە گۋمانيتارلىق كومەك كورسەتۋ تۋرالى قازاقستان رەسپۋبليكاسىندا راتيفيكاتسيالانعان حالىقارالىق شارتى بار بولعاندا, بولۋ ەلىنىڭ زاڭناماسىنا سايكەس رەسمي تۇردە تىركەلگەن شەتەلدىك ۇكىمەتتىك ەمەس قوعامدىق ۇيىمنىڭ (قور) قۇجاتتارى; 10) ءبىلىم الۋ ءۇشىن – قازاقستان رەسپۋبليكاسىنىڭ وقۋ مەكەمەسىنىڭ نەمەسە قازاقستان رەسپۋبليكاسىنىڭ ءبىلىم بەرۋ ماسەلەلەرى جونىندەگى ۋاكىلەتتى ورگانىنىڭ قولداۋحاتى; 11) جاقىن تۋىستارىن كۇتىپ-باعۋ ءۇشىن – مەديتسينالىق مەكەمەلەردە ەمدەلىپ جاتقان قازاقستان رەسپۋبليكاسىنىڭ ازاماتتارى, نەمەسە قازاقستان رەسپۋبليكاسىنىڭ اۋماعىندا تۇراقتى تۇراتىن ۆيزا الۋشىلار ءۇشىن – قازاقستان رەسپۋبليكاسىندا ورنالاسقان مەديتسينالىق مەكەمە بەرگەن تۇراقتى كۇتىپ-باعۋ قاجەتتىلىگى تۋرالى قۇجاتتارى, سونداي-اق تۋىستىق دارەجەسىن راستايتىن قۇجاتتار. 13. قولداۋحاتتى قاراستىرۋ كەزىندە قر ءىىم-مەن تەكسەرىلەدى: 1) ۇسىنىلعان قۇجاتتارعا سايكەس سۇراتىلعان ساپاردىڭ ماقساتىنىڭ, ۆيزانىڭ مارتەلىگىنىڭ, قولدانىلۋ مەرزىمىنىڭ جانە ونى بەرۋ ورنىنىڭ سايكەستىگى. ۆيزانى بەرۋ ورنى ۆيزا الۋشىنىڭ ازاماتتىعىنا تيەسىلى ەلگە جانە (نەمەسە) تۇرعىلىقتى جەرىنە قاتىستى كونسۋلدىق وكرۋگكە سايكەس انىقتالادى. قر ءسىم قىزمەت كورسەتەتىن كونسۋلدىق وكرۋگتەرىن كورسەتە وتىرىپ قر شەت ەلدەردەگى مەكەمەلەرىنىڭ ءتىزىمىن قر ءىىم-گە بەرەدى; 2) «شەتەلدىكتەردىڭ قۇقىقتىق جاعدايى تۋرالى» قازاقستان رەسپۋبليكاسى زاڭىنىڭ 22-بابىنىڭ 7) جانە 10)-تارماقشالارىنا سايكەس شەتەلدىككە قازاقستان رەسپۋبليكاسىنا كىرۋىنە باس تارتۋ نەگىزدەرىنىڭ بولۋى; 3) شاقىرۋشى تاراپقا وسى قاعيدالاردىڭ 15-تارماعىندا كوزدەلگەن شاقىرۋدى رەسىمدەۋدەن باس تارتۋ نەگىزدەرىنىڭ بولۋى. ەگەر سۇراتىلعان ساپار ماقساتى, ۆيزانىڭ مارتەلىگى, قولدانىلۋ مەرزىمى نەمەسە ۆيزانى بەرۋ ورنى قوسا بەرىلگەن قۇجاتتارمەن راستالماسا, نەمەسە باس تارتۋعا نەگىزدەر بولسا, شاقىرۋشى تاراپقا قولداۋحات باس تارتۋ سەبەپتەرى جازباشا كورسەتىلىپ قايتارىلادى. 14. شاقىرۋ تۋرالى قۇجاتتار رەسىمدەلەدى: 1) قر ءىىم ۋاكىلەتتى قىزمەتكەرىنىڭ قولىمەن كۋالاندىرىلعان جانە مورمەن بەكىتىلگەن قازاقستان رەسپۋبليكاسىنا جەكە ىستەر بويىنشا كەلۋگە شاقىرۋدى بەرۋ جولىمەن; 2) زاڭدى تۇلعانىڭ قولداۋحاتىنىڭ ءبىرىنشى داناسىنا قر ءىىم ۋاكىلەتتى قىزمەتكەرىنىڭ قولىمەن كۋالاندىرىلعان جانە مورمەن بەكىتىلگەن كەلىسۋ نومەرىن قويۋ جولىمەن. قولداۋحاتتىڭ ەكىنشى داناسى مەن قوسا بەرىلگەن قۇجاتتار قر ءىىم ءىس نومەنكلاتۋراسىنا تىگىلەدى. نومەرى مەن كەلىسۋ كۇنى تۋرالى اقپارات «بۇركىت» باج-عا ەنگىزىلەدى. 15. بۇرىن قازاقستان رەسپۋبليكاسىنىڭ شەتەلدىكتەردىڭ قۇقىقتىق جاعدايى تۋرالى زاڭدارىن جانە كوشى-قون زاڭنامالارىن شاقىرىلعان شەتەلدىكتەرمەن ساقتالۋىن قامتاماسىز ەتپەگەن شاقىرۋشى تاراپتىڭ قازاقستان رەسپۋبليكاسىنا شەتەلدىكتەردى شاقىرۋ جونىندەگى قولداۋحاتتارى قارالمايدى. 16. شاقىرۋ قۇجاتتارىن رەسىمدەۋدى نەمەسە ولاردى رەسىمدەۋدەن باس تارتۋ تۋرالى شەشىمدى قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى (بۇدان ءارى – قر ۇقك) كەلىسكەننەن كەيىن, قر ءىىم نەمەسە قر ءسىم ۋاكىلەتتى قىزمەتكەرى قابىلدايدى. قر ۇقك-مەن كەلىسۋ «بۇركىت» باج-دى پايدالانۋ ارقىلى جۇزەگە اسىرىلادى. قر ۇقك قولداۋحاتتى كەلىسۋدى 3 جۇمىس كۇنگە دەيىنگى مەرزىمدە قامتاماسىز ەتەدى. شاقىرۋلاردى رەسىمدەۋدىڭ نەگىزدەرىن نەعۇرلىم مۇقيات زەردەلەۋ قاجەت بولعان جاعدايدا, قر ۇقك ورگاندارىنىڭ جازباشا سۇراۋى بويىنشا كورسەتىلگەن مەرزىم 30 كۇنتىزبەلىك كۇنگە دەيىن ۇزارتىلۋى مۇمكىن. 3-تاراۋ. قازاقستان رەسپۋبليكاسىنىڭ ۆيزالارىن بەرۋ § پاراگراف 1. ۆيزا الۋشىلاردىڭ ۆيزا الۋ ءۇشىن ۇسىناتىن قۇجاتتارى 17. قر شەت ەلدەردەگى مەكەمەلەرىندە, قر ءسىم-دە نەمەسە قر ءىىم-دە ۆيزا الۋشىنىڭ نەمەسە شاقىرۋشى تاراپتىڭ تىركەلگەن ورنى بويىنشا ۆيزالاردى بەرۋ ءۇشىن كەلەسى قۇجاتتار مەن مالىمەتتەر ۇسىنىلادى: 1) كولەمى 3,5 ح 4,5 سانتيمەتر ءتۇرلى-ءتۇستى نەمەسە قارا-اق فوتوسۋرەتى بار ۆيزا الۋعا ارنالعان ۆيزالىق ساۋالناما; 2) قر شەت ەلدەردەگى مەكەمەلەرىندە ۆيزا رەسىمدەۋ كەزىندە قر ءىىم-دە نەمەسە قر ءسىم-دە تىركەلگەن قولداۋحاتتىڭ ءنومىرى جانە ونى تىركەۋ كۇنى (ۆيزا الۋشىعا ءنومىردى جانە شاقىرۋدى بەرۋ كۇنىن شاقىرۋشى تاراپ حابارلايدى), نەمەسە وسى قاعيدالاردىڭ 25-تارماعىندا كوزدەلگەن ۆيزا ساناتتارىن الۋشىلاردىڭ قولداۋحاتتارى; 3) شەت مەملەكەتتىڭ جارامدى ديپلوماتيالىق, قىزمەتتىك جانە شەتەلدىك پاسپورتى, نە بولماسا قازاقستان رەسپۋبليكاسى وسى قالىپتا تانىعان جانە قازاقستان رەسپۋبليكاسىنىڭ مەملەكەتتىك شەكاراسىن كەسىپ وتۋگە قۇقىق بەرەتىن جەكە باستى كۋالاندىراتىن وزگە قۇجات (بۇدان ءارى – پاسپورت); 4) كونسۋلدىق الىم نەمەسە مەملەكەتتىك باجدى تولەگەنىن راستايتىن تولەم قۇجاتىنىڭ تۇپنۇسقاسى; 5) 1-نىسانعا سايكەس, ۆيزا الۋعا قاجەتتى قوسىمشا قۇجاتتار. 18. ۆيزالىق ساۋالناما قولمەن انىق نەمەسە ۆكپ-نى پايدالانۋ ارقىلى مەملەكەتتىك, ورىس, اعىلشىن تىلىندە وسى قاعيدالاردىڭ 5-قوسىمشاسىنا سايكەس نىسان بويىنشا تولتىرىلادى. ۆيزالىق ساۋالنامانىڭ سۇراقتارىنا جاۋاپتار تولىق بولۋى ءتيىس. ۆيزالىق ساۋالناماعا ۆيزا الۋشىنىڭ ءوزى قول قويادى. كامەلەتكە تولماعان بالالاردىڭ اتىنان ۆيزا الۋ ءۇشىن ۆيزالىق قۇجاتتارعا ولاردىڭ زاڭدى وكىلدەرى قول قويادى. قۇجاتتاردى رەسىمدەۋ كەزىندە, ۆيزالىق ساۋالناماعا جەلىمدەلگەن فوتوسۋرەت, باس كيىمدى كۇندەلىكتى كيۋ ولاردىڭ ۇلتتىق نەمەسە ءدىني قاتىستىلىعىنىڭ مىندەتتى بەلگىسى بولىپ تابىلاتىن شەتەلدىكتەردەن باسقا, شەتەلدىك مۇنداي باس كيىممەن پاسپورتتاعى فوتوسۋرەتتە بەينەلەنگەن جاعدايدا, ازاماتتىڭ فوتوسۋرەتى جاسىنا ساي كەلۋى جانە قارا ءتۇستى كوزىلدىرىكسىز, باس كيىمسىز بەتى الدىنان قاراعاندا ادام انىق بەينەلەنگەن بولۋى ءتيىس. 19. ۆيزا الۋشىنىڭ ۇسىنعان پاسپورتى كەلەسى ولشەمدەرگە ساي كەلۋى ءتيىس: 1) تۇپنۇسقالىعىنا جانە يەسىنىكى ەكەندىگىنە كۇمان كەلتىرمەۋگە, بەلگىلەر, ەسكەرتپەلەر, جازبالار, وشىرۋلەر مەن تۇزەتۋلەر, جىرتىلعان نەمەسە تىگىلگەن بەتتەرى بولماۋى ءتيىس; 2) قازاقستان رەسپۋبليكاسىنىڭ اۋماعىنان كەتۋگە ارنالعان ۆيزا الۋشىلاردى قوسپاعاندا, ۆيزالارعا ارنالعان كەمىندە 2 تازا بەت بولۋى ءتيىس; 3) قازاقستان رەسپۋبليكاسىنىڭ اۋماعىنان كەتۋ ارنالعان ۆيزا الۋشىلاردى قوسپاعاندا, قولدانىلۋ مەرزىمى سۇراتىلعان ۆيزانىڭ قولدانىلۋ مەرزىمى اياقتالۋ كۇنىنەن باستاپ 3 ايدان بۇرىن اياقتالماۋى ءتيىس. 20. قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق شارتتاردا وزگەشە كوزدەلمەسە, 2008 جىلعى 10 جەلتوقسانداعى «سالىق جانە بيۋدجەتكە تولەنەتىن باسقا دا مiندەتتi تولەمدەر تۋرالى» قازاقستان رەسپۋبليكاسىنىڭ سالىق كودەكسىنە (بۇدان ءارى – سالىق كودەكسى) سايكەس شاقىرۋعا قۇجاتتاردى رەسىمدەۋ جانە ۆيزانى بەرۋ ءۇشىن, سونىڭ ىشىندە ونىڭ قولدانۋ مەرزىمىن ۇزارتۋعا جانە قالپىنا كەلتىرۋگە كونسۋلدىق الىم نەمەسە مەمەلەكەتتىك باج الىنادى. سالىق كودەكسىندە كوزدەلگەن جاعدايلاردا شاقىرۋ قۇجاتتارىن جانە ۆيزا رەسىمدەۋ ءۇشىن كونسۋلدىق الىم جانە مەملەكەتتىك باج الىنبايدى. ۆيزالاردى بەرۋ قازاقستان رەسپۋبليكاسىنىڭ زاڭناماسىنا سايكەس كونسۋلدىق الىم نەمەسە مەملەكەتتىك باج تولەنگەننەن كەيىن جۇرگىزىلەدى. تولەنگەن كونسۋلدىق الىمداردىڭ سومالارى قايتارىلۋعا جاتپايدى. 21. ۆيزادا قر شەت ەلدەردەگى مەكەمەلەرىنىڭ, قر ءسىم نەمەسە قر ءىىم قىزمەتكەرلەرى جىبەرگەن قاتە تابىلعان كەزدە, ۆيزا كونسۋلدىق الىمسىز نەمەسە مەملەكەتتىك باجسىز قايتا بەرىلەدى. § پاراگراف 3. ۆيزالاردى بەرۋ ءتارتىبى 22. ۆيزالاردىڭ بەرىلۋى: 1) شەت ەلدەردە: قر شەت ەلدەردەگى مەكەمەلەرى كەلەسى ساناتتارداعى ۆيزالاردى بەرەدى ا1», «ا2», «ا3», «ا4», «ا5», «ۆ1», «ۆ2», «ۆ3», «ۆ4», «ۆ5», «ۆ6», «ۆ7», «ۆ8», «ۆ9», «ۆ10», «ۆ11», «ۆ12», «ۆ13», «س1», «س2», «س3», «س4», «س5», «س6», «س7», «س8», «س9», «س10» جانە «س12»; 2) قازاقستان رەسپۋبليكاسىنىڭ اۋماعىندا: قر ءسىم كەلەسى ساناتتارداعى ۆيزالاردى بەرەدى «ا1», «ا2», «ا3», «ا4», «ا5», «ۆ1», «ۆ2», «ۆ3», «ۆ5», «ۆ7», «ۆ8», «ۆ10», «ۆ11», «ۆ12», «ۆ13», «س3», «س8», «س9» جانە «س12»; قر ءىىم كەلەسى ساناتتارداعى ۆيزالاردى بەرەدى «ا5», «ۆ3», «ۆ7», «ۆ14», «ۆ15», «ۆ16», «ۆ17», «ۆ18», «ۆ19», «ۆ20», «ۆ21», «ۆ22», «س1», «س3», «س4», «س9» (ەتنيكالىق قازاقتارعا), «س11» جانە «س12». 23. قر ءىىم ۆيزالاردى بەرۋدى, كۇشىن جويۋدى, قالپىنا كەلتىرۋدى, مەرزىمىن ۇزارتۋدى نەمەسە قىسقارتۋدى شەتەلدىكتىڭ ۋاقىتشا تىركەۋ ورنى نەمەسە شاقىرۋشى تاراپتىڭ تىركەۋ ورنى بويىنشا («ا5» ساناتىنداعى ۆيزا, ۆيزا الۋشىنىڭ ناقتى بولۋ ورنى بويىنشا), نە بولماسا قر ءىىم نۇسقاۋى بويىنشا جۇزەگە اسىرادى. قازاقستان رەسپۋبليكاسىنىڭ اۋماعىنان كەتۋگە ارنالعان ۆيزا, «ۆ14» ساناتىنداعى ۆيزانى قوسپاعاندا, ۆيزا الۋشىنىڭ ناقتى بولۋ ورنى بويىنشا بەرىلەدى. وقۋعا ارنالعان ۆيزالار ۆيزا الۋشىنى قابىلداعان وقۋ مەكەمەسىنىڭ ورنالاسقان ورنى بويىنشا بەرىلەدى. 24. جۇمىس ۋاقىتىنان تىس كەزدە قابىلدانعان قر ءسىم جانە قر ءىىم نۇسقاۋلارى قر ءسىم جانە قر ءىىم كەلەسى جۇمىس كۇنى رەسىمدەلەدى. 25. قر شەت ەلدەردەگى مەكەمەلەرى شاقىرۋسىز مىنا ساناتتاعى ۆيزالاردى كەلەسى نەگىزدە بەرەدى: 1) قر ءسىم نۇسقاۋى – «ا1», «ا3», «ۆ1» جانە «ۆ3» (قر شەت ەلدەردەگى مەكەمەلەرىندەگى باسشىلارىنىڭ جازباشا نۇسقاۋى بويىنشا «ۆ3» ساناتىنداعى ءبىر مارتەلى ۆيزا بەرىلەدى جانە ۆيزا الۋشىلارعا (مەملەكەتتەر تىزىمىندە كورسەتىلگەن ەلدەردىڭ ازاماتتارىن قوسپاعاندا) ۋاقىتشا كەلۋ ورنى بويىنشا قر ءىىم-دە ۋاقىتشا تىركەۋدى رەسىمدەۋگە نەگىز بولاتىن قر شەت ەلدەردەگى مەكەمەلەرى قازاقستان رەسپۋبليكاسى اۋماعىندا تىركەۋ تۋرالى ءوتىنىشتى قوسا بەرەدى); 2) ۆەربالدى نوتا – «ا1», «ا2», «ا3», «ا4», «ۆ1», «ۆ3» جانە «ۆ10»; 3) قولداۋحات (ۆيزانىڭ ساناتىنا قاراي 1-نىساندا قاراستىرىلعان قۇجاتتار بار بولعاندا): مەملەكەتتەر تىزىمىندە كورسەتىلگەن ەلدەردىڭ ازاماتتارىنا (30 تاۋلىككە دەيىن ءبىر مارتەلى ۆيزا) – «ا3», «ۆ1», «ۆ3», «ۆ10» جانە «ۆ12»; بۇرىنعى وتانداستار (قازاقستان رەسپۋبليكاسىمەن بايلانىسىن كۋالاندىراتىن قۇجاتتارى, ونىڭ ىشىندە قازاق كەڭەستىك سوتسياليستىك رەسپۋبليكاسىنىڭ نەمەسە قازاقستان رەسپۋبليكاسىننىڭ ۇلتتىق پاسپورتىندا, تۋ تۋرالى كۋالىگىندە تۋعان جەرى تۋرالى باعانادا ءتيىستى بەلگىنىڭ بولۋى نەمەسە نەكەگە تۇرۋ تۋرالى كۋالىگى, سونداي-اق قازاقستان رەسپۋبليكاسىنىڭ ازاماتتىعىنان شىعۋ نەمەسە قازاقستان رەسپۋبليكاسىنىڭ ازاماتتىعىن جوعالتۋ تۋرالى انىقتاماسى بولسا) – «ۆ10» ء(بىر مارتەلى ۆيزا); شەتەلدىكتەرگە نەمەسە ازاماتتىعى جوق ادامدارعا – «ۆ4», «ۆ5», «ۆ8», «ۆ9», «ۆ10» (جەرلەۋگە نەمەسە تۋىسقانىنىڭ/جاقىندارىنىڭ اۋرۋىنا بايلانىستى – ءبىر مارتەلى ۆيزا, قر ازاماتتارىنىڭ وتباسى مۇشەلەرىنە نەمەسە اكە-شەشەلەرىنە, سونداي-اق ولاردىڭ زاڭدى وكىلدەرىنە – ءبىر مارتەلى ۆيزا 30 تاۋلىككە دەيىن, ەتنيكالىق قازاقتاردىڭ وتباسى مۇشەلەرىنە – ءبىر مارتەلى ۆيزا 30 تاۋلىككە دەيىن), «ۆ13», «س1», «س2», «س4» ء(بىر مارتەلى ۆيزا 90 تاۋلىككە دەيىن) جانە «س10». 26. شەتەلدىكتەردىڭ قۇقىقتىق جاعدايى تۋرالى قازاقستان رەسپۋبليكاسى زاڭىنىڭ 23-بابىمەن بەلگىلەنگەن جاعدايلاردا ۆيزا الۋشىعا قازاقستان رەسپۋبليكاسى اۋماعىنان كەتۋگە ارنالعان ۆيزا بەرۋدەن باس تارتىلادى 27. قازاقستان رەسپۋبليكاسىنىڭ اۋماعىنا كەلۋگە نەمەسە قازاقستان رەسپۋبليكاسىنىڭ اۋماعىنان كەتۋگە كەدەرگى جاسايتىن نەگىزدەر, سونىڭ ىشىندە شاقىرۋ بولعان جاعدايدا دا, ۆيزالار بەرىلمەيدى, ال رەسىمدەلگەن ۆيزا قازاقستان رەسپۋبليكاسىنا كەلۋگە نەمەسە قازاقستان رەسپۋبليكاسىنىڭ اۋماعىنان كەتۋگە نەگىز بولىپ تابىلمايدى. 28. قازاقستان رەسپۋبليكاسىنىڭ حالىقارالىق اۋەجايلارىندا رەسمي دەلەگاتسيا مۇشەلەرىنە, قازاقستان رەسپۋبليكاسىنىڭ كونسۋلدىق مەكەمەلەرى جوق ەلدەردىڭ ازاماتتارىنا, سونىمەن قاتار ۆيزا الۋشىلارعا شاقىرۋ نەمەسە قر ءسىم نۇسقاۋى بويىنشا قر ءسىم بەرەدى. 29. «ۆ9» ساناتىنداعى ۆيزالار ءۇشىن قۇجاتتاردىڭ كوشىرمەلەرى, سونداي-اق قر شەتەلدەگى مەكەمەسىنىڭ قورىتىندىسىن قۇجاتتاردى قابىلداعان كۇننەن باستاپ 30 كۇنتىزبەلىك كۇن ىشىندە قر شەت ەلدەردەگى مەكەمەلەرى قر ءسىم ارقىلى تەكسەرۋ جانە رۇقسات بەرۋ ءۇشىن قر ءىىم-گە جىبەرىلەدى. قر ءىىم رۇقساتى قر ءسىم-نەن ماتەريالدار كەلىپ تۇسكەن كۇننەن باستاپ 3 ايدان اسپايتىن مەرزىمدە بەرىلەدى. 30. توپتالعان ۆيزا الۋشىلارعا ۇيىمداستىرىلعان تۇردە قازاقستان رەسپۋبليكاسىنا كەلۋگە جانە قازاقستان رەسپۋبليكاسىنان كەتۋگە نەمەسە قازاقستان رەسپۋبليكاسى ارقىلى ترانزيتپەن وتۋگە توپتىق ۆيزالار رەسىمدەلەدى. توپتىڭ بارلىق مۇشەلەرى قازاقستان رەسپۋبليكاسىنا كىرۋدە, قازاقستان رەسپۋبليكاسىنان شىعۋدا, قاندايدا ءبىر پۋنكتە بولۋدا جانە قازاقستان رەسپۋبليكاسى اۋماعىندا جۇرۋدە, مەملەكەتتىك شەكاراداعى باقىلاۋ-وتكىزۋ پۋنكتى ارقىلى (بۇدان ءارى – وتكىزۋ پۋنكتى) توپ قۇرامىندا بىرۋاقىتتا كىرۋى جانە شىعۋى توپتىق ۆيزالاردى بەرۋ شارتى بولىپ تابىلادى. توپتىق ۆيزالار وسى قاعيدالاردىڭ 6-قوسىمشاسىنا سايكەس نىسان بويىنشا اتى-ءجونى تىزىمدەرى الىپبيلىك تارتىپتە اتاۋلى ءتىزىم رەتىندە رەسىمدەلەدى. سونىمەن بىرگە, ۆيزا پاراقتىڭ ارتقى جاعىنا نەمەسە جەكە ءبىر پاراققا جاپسىرىلادى جانە بۇل پاراق تىزىممەن بىرگە ۇستىڭگى سول جاق بۇرىشى بۇگىلىپ تىگىلەدى, ۆيزا بەرۋشى قر شەتەلدەگى مەكەمەسىنىڭ, قر ءسىم-ءنىڭ نەمەسە قر ءىىم-ءنىڭ مورىمەن بەكىتەدى. ۋاكىلەتتى قىزمەتكەر ءتىزىمنىڭ تومەنگى جاعىنا (لاۋازىمى مەن تەگىن كورسەتىپ) قول قويادى, قويىلعان قول قر-دىڭ شەتەلدەگى مەكەمەسىنىڭ, قر ءسىم-ءنىڭ نەمەسە قر ءىىم-ءنىڭ مورىمەن كۋالاندىرىلادى. ۆيزاسى بار ءتىزىم ءبىر دانادا جاسالادى, تۇپنۇسقاسى توپ جەتەكشىسىنە بەرىلەدى. ءبىر كوشىرمەسى قازاقستان رەسپۋبليكاسىنا كەلۋ (كەتۋ) كەزىندە وتكىزۋ پۋنكتىنە تاپسىرىلادى, ەكىنشىسى - ۆيزانى بەرگەن قر ءسىم-دە, قر-دىڭ شەت ەلدەردەگى مەكەمەسىندە نەمەسە قر ءىىم-دە قالادى. تىزىمگە تۇزەتۋلەر مەن تولىقتىرۋلار ەنگىزۋگە جول بەرىلمەيدى. 31. قازاقستان رەسپۋبليكاسى تانىمايتىن مەملەكەتتىڭ پاسپورتىن ۇسىنعان ادامعا شاقىرۋ نەگىزىندە ءبىر مارتەلىك ۆيزا بەرىلەدى جانە ول جەكە پاراققا جاپسىرىلادى. قازاقستان رەسپۋبليكاسىنان شىعۋ كەزىندە قر ۇقك شەكارا قىزمەتىنىڭ وكىلدەرى نەمەسە ۆيزانىڭ مەرزىمى بىتكەننەن كەيىن قر ءىىم وكىلدەرى ۆيزا بەرگەن ورگانعا جىبەرۋ ءۇشىن پاراق الىنادى. 32. «ا1», «ا2», «ا3», «ا4», «ا5», «ۆ7», «ۆ10», «س3», «س7» جانە «س9» ساناتتارىنداعى نەگىزگى ۆيزا الۋشىنىڭ وتباسى مۇشەلەرىنە, اسىراۋىنداعى ادامدارعا (راستايتىن قۇجاتتار بولعان كەزدە) ۆيزا وسى قاعيدالارعا سايكەس نەگىزگى ۆيزا الۋشىنىڭ ۆيزاسىنىڭ مەرزىمىنە بەرىلەدى نەمەسە ۇزارتىلادى. بۇل رەتتە, ەگەر قازاقستان رەسپۋبليكاسى زاڭناماسىنا سايكەس باسقا قاراستىرىلماسا, وتباسى مۇشەلەرى مەن اسىراۋىنداعى ادامدار ەڭبەك, ءدىني, ميسسيونەرلىك قىزمەتتى جۇزەگە اسىرۋعا جانە/نەمەسە ءدىني بىرلەستىك قىزمەتىنە قاتىسۋعا قۇقىلى ەمەس. 33. ۆيزا الۋشىنىڭ پاسپورتىندا پايدالانىلماعان نەمەسە قولدانىلۋ مەرزىمى اياقتالماعان ۆيزا بولعان جاعدايدا, جاڭا ۆيزا ول جويىلعاندا عانا بەرىلەدى. 34. قازاقستان رەسپۋبليكاسى اۋماعىندا ۆيزالاردى ءبىر ساناتتان ەكىنشى ساناتقا وزگەرتۋگە رۇقسات بەرىلەدى: 1) قر ءسىم: «ا1» جانە «ا3» ساناتتارىنا – ۆەربالدى نوتا نەمەسە قر ءسىم نۇسقاۋى نەگىزىندە; «ا2» جانە «ا4» – ۆەربالدى نوتا نەگىزىندە; 2) قر ءىىم: «ا5» ساناتىنا – «ۆ3», «ۆ10», «س3», «س4», «س5» جانە «س10» ساناتتارىنان; «ۆ7» ساناتىنا – «س9» ساناتىنان; «س1» ساناتىنا – تەك ەتنيكالىق قازاقتار ءۇشىن بۇرىن بەرىلگەن ۆيزانىڭ ساناتىنا قاراماستان; «س3» ساناتىنا – «ۆ2», «ۆ3», «س2», «س9» جانە «س10» ساناتتارىنان; «س4» ساناتىنا – «ۆ10», «س2», «س9» جانە «س10» ساناتتارىنان; «س9» ساناتىنا – تەك ەتنيكالىق قازاقتار ءۇشىن بۇرىن بەرىلگەن ۆيزانىڭ ساناتىنا قاراماستان, سونداي-اق ۆيزاسىز رەجيممەن كەلگەندەرگە; «س12» ساناتىنا – ۆيزانىڭ بارلىق ساناتتارىنان. 35. ۆيزا الۋشىنىڭ جازباشا ءوتىنىشى بويىنشا جانە تولتىرىلعان ۆيزالىق ساۋالنامانىڭ ء(بىر مارتەلى ۆيزا كورسەتىلگەن) جانە كونسۋلدىق الىمدى تولەۋ ء(بىر مارتەلى ۆيزاعا تولەنگەن) تولەگەنىن راستايتىن تولەم قۇجاتى نەگىزىندە كوپ مارتەلى ۆيزا ءبىر مارتەلى ۆيزاعا وزگەرتىلەدى. سونىمەن بىرگە, 1-نىساندا بەلگىلەنگەن ۆيزانىڭ مەرزىمىنە اۋىستىرىلادى. ۆيزانىڭ قولدانىلۋ مەرزىمى شاقىرۋ قۇجاتتارىندا كورسەتىلگەن مەرزىمنەن اسپاۋى ءتيىس. قر شەت ەلدەردەگى مەكەمەلەرىندە, قر ءسىم-دە جانە قر ءىىم-دە بەرىلەتىن ۆيزانىڭ مارتەلىگىن ءبىر مارتەلىدەن (شاقىرۋ قۇجاتتارىندا كورسەتىلگەن) كوپ مارتەلىگە («ا1», «ا3», «ا5», «ۆ7», «س2», «س3», «س4», «س5», «س7», «س9» جانە «س12» ساناتتارىنداعى ۆيزالاردىڭ مەرزىمدەرىن ۇزارتۋدان باسقا) وزگەرتۋگە جول بەرىلمەيدى. 36. قر شەت ەلدەردەگى مەكەمەلەرىنىڭ, قر ءسىم جانە قر ءىىم قىزمەتكەرى ۆيزانى رەسىمدەۋگە ۇسىنىلعان ماتەريالداردى زەردەلەۋ كەزىندە: 1) ۆيزا الۋشىنىڭ قازاقستان رەسپۋبليكاسىنا كەلۋ ماقساتىنا بايلانىستى ۆيزالىق ساۋالناماداعى اقپارات مازمۇنىن شاقىرۋداعى, پاسپورتتاعى جانە ۆيزا الۋ ءۇشىن ۇسىنىلعان قوسىمشا قۇجاتتارداعى كورسەتىلگەن مالىمەتتەرمەن سالىستىرىپ تەكسەرەدى; 2) ۆيزا الۋشىنىڭ پاسپورتى تۇراقتى تۇراتىن ەلىنە قايتۋىنا نەمەسە قازاقستان رەسپۋبليكاسىنا بارعاننان كەيىن باسقا ەلگە كەتۋىنە قۇقىق بەرەتىنىن تەكسەرەدى; 3) كوشى-قون قاۋپى بار ەلدەردە ۋاكىلەتتى قىزمەتكەر كەلەسى ارەكەتتەردى قابىلداۋعا مۇمكىن بولادى: شاقىرۋشى تاراپپەن, جۇمىس ورنىمەن نەمەسە وقۋ ورنىمەن تەلەفون ارقىلى اڭگىمەلەسۋ; 4) ەگەر ۇسىنىلعان قۇجاتتار كۇمان تۋدىراتىن بولسا, ۆيزا الۋشىنى اڭگىمەلەسۋگە شاقىرادى. اڭگىمەلەسۋ بارىسىندا ۆيزا الۋشىنىڭ ۆيزا الۋ ءۇشىن ۇسىنعان قۇجاتتارىندا كورسەتىلگەن اقپاراتپەن, سونداي-اق باسقا دەرەككوزدەن الىنعان مالىمەتتەرمەن جانە سۇراقتارعا بەرگەن جاۋاپتاردىڭ مازمۇنىمەن سالىستىرىپ تەكسەرەدى; 5) كوشىپ كەلۋشىنىڭ ۆيزا ساناتىنىڭ, مارتەلىگىنىڭ, قولدانىلۋ مەرزىمىنىڭ جانە كەلۋ مەرزىمىنىڭ ۆيزا الۋشىنىڭ قازاقستان رەسپۋبليكاسىنا جوسپارلانعان كەلۋ ماقساتىنا سايكەستىگىن تەكسەرەدى. 37. ۆيزالاردى بەرۋ, كۇشىن جويۋ, قالپىنا كەلتىرۋ, قولدانىلۋ مەرزىمىن ۇزارتۋ تۋرالى شەشىم قابىلداعان كەزدە ۆيزا الۋشىنىڭ ەلىندەگى نەمەسە تۇرعىلىقتى تۇرۋ جەرىندەگى ساياسي جانە كوشى-قون جاعدايى ەسكەرىلەدى. قر شەت ەلدەردەگى مەكەمەلەرىنىڭ, قر ءسىم جانە قر ءىىم قىزمەتكەرى ۆيزالىق قۇجاتتاردى قاراستىرۋ بارىسىندا ەلىندە نەمەسە تۇرعىلىقتى تۇرۋ جەرىندە ساياسي جانە كوشى-قون جاعدايلارىندا تۇراقسىزدىق بايقالعان ۆيزا الۋشىمەن اڭگىمەلەسۋ جۇرگىزەدى. كەلەسى ساناتتاعى ۆيزالاردى الۋ ماقساتىندا قۇجاتتاردى تاپسىرعان ۆيزا الۋشىلارمەن اڭگىمەلەسۋ جۇرگىزىلمەيدى: «ا1», «ا2», «ا3», «ا4», «ا5», «ۆ10» (ۆەربالدى نوتامەن), «ۆ12» (توپتىق ۆيزامەن), «س3», «س10» (ەتنيكالىق قازاقتارعا, باستاپقى ۆيزانى رەسىمدەۋدە اڭگىمە جۇرگىزىلەدى جانە العاشقى ۆيزا 1 جىلعا دەيىن, ال قايتا ءوتىنىش جاساعاندا اڭگىمەلەسۋسىز ۆيزا 3 جىلعا دەيىن بەرىلەدى), «س11», «س12» جانە قازاقستان رەسپۋبليكاسى اۋماعىنان كەتۋگە ارنالعان ۆيزالار («ۆ14» – «ۆ22»). 38. ۋاكىلەتتى قىزمەتكەر ۆيزا رەسىمدەۋگە ۇسىنىلعان مالىمەتتەردى زەردەلەۋ ناتيجەسىندە ۆيزالاردى بەرۋ نەمەسە ۆيزا بەرۋدەن باس تارتۋ تۋرالى شەشىم قابىلدايدى. 39. «ۆ9» جانە «س1» ساناتتارىنداعى ۆيزالاردان باسقا ۆيزالاردى رەسىمدەۋ مەرزىمى 5 جۇمىس كۇنىنەن اسپايدى. قر شەت ەلدەردەگى مەكەمەلەرىندە «ۆ9» جانە «س1» ساناتتارىنداعى ۆيزالاردى رەسىمدەۋ مەرزىمدەرى 5 ايدى قۇرايدى جانە ۇسىنىلعان ۆيزالىق