باستى ماقسات – ءبىلىم ساپاسىن ارتتىرۋ

كەشە قورعانىس ءمينيسترى ادىلبەك جاقسىبەكوۆ جۇمىس بارىسىمەن ششۋچينسك گارنيزونىنداعى ۇلتتىق قورعانىس ۋنيۆەرسيتەتىندە بولدى. مۇندا جاڭا وقۋ جىلى باستالعان كۇنى  سالتاناتتى جاعدايدا اسكەري جانە مەملەكەتتىك باسقارۋ فاكۋلتەتى مەن دوكتورانتۋرا, سونداي-اق ءىىم-ءنىڭ ىشكى اسكەرلەر فاكۋلتەتى اشىلدى.  جوعارى وقۋ ورنىنىڭ نەگىزگى مىندەتى – جوعارى  ءبىلىمدى ماگيس­تراتۋرا ماماندىقتارى بويىن­شا اسكەري ماماندار, اديۋنكتۋرا ما­مان­دىقتارى بويىنشا عىلىمي جانە عىلىمي-پەداگوگيكالىق كادر­لار دايارلاۋ. سونىمەن بىرگە  وقۋ ورنىنىڭ قۇزىرىنا اسكەري كادر­لاردىڭ  ءبىلىمىن كوتەرۋ جانە جەتىلدىرۋ (كۋرستىق ازىرلىك – جوعا­رى اكادەميالىق كۋرس (جاك), ءاس­كەري عىلىم سالاسىندا  عىلىمي زەرتتەۋلەر جۇرگىزۋ كىرەدى. تاعى ءبىر ايتا كەتەرلىك نارسە, مۇندا تەك قورعانىس مينيستر­لى­گى­نىڭ وفيتسەرلەرى  عانا ەمەس, سون­داي-اق قازاقستان رەسپۋبليكاسى­نىڭ  باسقا دا اسكەرلەرى مەن ءاس­كەري قۇرىلىمدارىنىڭ, ۇجىم­دىق قاۋىپسىزدىك  شارتى ۇيىمىنا مۇشە ەلدەردىڭ (ۇقشۇ), قىرعىز رەسپۋبليكاسى مەن تاجىكستاننىڭ  وكىلدەرى وقىپ ءبىلىم الادى. بيىل 60-تان استام تۇلەك وقۋ ورنىنىڭ «ماگيستر» اكادەميا­لىق دارەجەسى بويىنشا «اسكەري جانە  اكىمشىلىك باسقارماسى», «ءاس­كەري ءبىلىم», ال قايسىبىرى «تەح­نيكالىق قامتاماسىز ەتۋ باس­قارماسى», «­تار­­­بيە جانە الەۋ­مەتتىك-قۇقىق­تىق پروتسەسس باس­قار­ماسى» مامان­دىق­تارى بويىنشا ءبىلىم الىپ شىقتى. قورعانىس ۆەدومستۆوسىنىڭ باس­شىسى اسكەري وقۋ ورىندارى­نىڭ  الەمدىك ستاندارتقا ساي زاماناۋي قۇرال-جابدىقتارمەن  قام­تاماسىز ەتىلگەندىگىن جانە  وقۋ باعدار­لاما­سىنىڭ  تۇپكىلىكتى  جاڭارتىلعان­دى­عىن اتاپ ءوتتى. وقۋ پروتسەسىنە بۇكىل  وفيتسەرلەر قۇرامى  قامتىلعان. جۇمىس ساپارى بارىسىندا  قورعانىس ءمينيسترى كادەت كور­پۋ­سى­نىڭ ينتەراكتيۆتى جانە كومپيۋتەر  سىنىپتارىن ارالاپ كور­دى. ۇلتتىق قورعانىس ۋنيۆەرسيتەتىندە مۋلتيسەرۆيستىك  قۇرالدار­مەن جابدىقتالعان سىنىپتا  ءوت­كەن وفيتسەرلەردىڭ  العاشقى سابا­عىنا  قاتىستى. ءجۇنىس ومار, قورعانىس مينيسترلىگى ءباسپاسوز قىزمەتىنىڭ ءبولىم باستىعى, پولكوۆنيك. ------------------------------------- سۋرەتتى تۇسىرگەن ەرمەك سارباسوۆ.