وندا ر.ۆاسيلەنكو سىرتقى ىستەر ءمينيسترى قايرات ءابدىراxمانوۆتىڭ فينليانديالىق ارىپتەسى تيمو سوينيگە وسى داتاعا بايلانىستى جازعان قۇتتىقتاۋ xاتىن تاپسىردى. ءوزىنىڭ سوزىندە رومان ۆاسيلەنكو ەكى ەل اراسىنداعى بايلانىستاردىڭ جاقسى قارقىنمەن دامىپ كەلە جاتقاندىعىن اتاپ ءوتتى. فينليانديا – سكانديناۆيا ەلدەرى ىشىندە قازاقستان ەكونوميكاسىنا اقشا سالىپ وتىرعان ءىرى ينۆەستور. ونىڭ كولەمى 300 ملن اقش دوللارىنان اسىپ جىعىلادى. «قازىرگى كەزدە قازاقستاندا 70-تەن استام فين كومپانيالارى جۇمىس ىستەۋدە. ولار ەنەرگەتيكا, تەلەكوممۋنيكاتسيا, كولىك, لوگيستيكا, تاۋ-كەن, اۋىل شارۋاشىلىعى, وڭدەۋ ونەركاسىبى, تۇرعىن ءۇي جانە تاعى باسقا سالالاردا ەڭبەك ەتىپ ءجۇر», – دەدى ر.ۆاسيلەنكو.
«ارىپتەستىك قاتىناستار بۇدان ءارى دە ارتادى, ويتكەنى, قازاقستان مەن فينليانديا اراسىنداعى ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ جۇمىسى جاندانۋدا. كوميسسيانىڭ سوڭعى وتىرىسىندا ەنەرگەتيكا, ءبىلىم, اۋىل شارۋاشىلىعى, كولىك پەن لوگيستيكا بويىنشا بىرنەشە جۇمىس توبىن قۇرۋ تۋرالى شەشىم قابىلداندى. ەكى ەلدىڭ بيزنەس xابى دا ءوزارا تىعىز بايلانىستارعا ۇلەسىن قوسىپ كەلەدى. بۇدان بولەك, ءبىلىم مەن يننوۆاتسيالار سالاسىنداعى قارىم-قاتىناس نىعايا تۇسۋدە, − دەي كەلىپ, ر.ۆاسيلەنكو سوڭعى ەكى جىلدا قازاقستاننىڭ 20-دان استام ۇشقىشى فينليانديانىڭ ازاماتتىق اۆياتسيا مەكتەبىندە ارنايى دايىندىقتان وتكەنىن جەتكىزدى. سونىمەن بىرگە, 100-دەن استام مەملەكەتتىك قىزمەتكەر ءوز بىلىكتىلىكتەرىن شىڭداپ قايتقانىن ايتتى. «بولاشاق» باعدارلاماسى بويىنشا فين ەلىندە ءبىلىم الىپ جۇرگەن جاستار دا از ەمەس», – دەدى ول.
فينليانديانىڭ قازاقستانداعى توتەنشە جانە وكىلەتتى ەلشىسى يلككا رايسانەن ەكى ەل اراسىنداعى ديپلوماتيالىق قارىم-قاتىناستاردىڭ دامۋىنا جوعارى باعا بەرە كەلىپ, ونى ءالى دە تەرەڭدەتە ءتۇسۋ قاجەتتىگىن اتاپ ءوتتى. «فينليانديا ءۇشىن قازاقستان – ورتالىق ازياعا جول اشاتىن قاقپا. ءبىز دە قازاقستان ءۇشىن بۇكىل سولتۇستىك ەۋروپا ايماعىنىڭ قاقپاسى بولا الامىز دەپ سەنەمىن. استاناداعى ەكسپو-2017 كورمەسىنە قاتىساتىنىمىزعا قۋانىشتىمىز. سەبەبى, ءدال وسى جىلى ءبىز تاۋەلسىزدىگىمىزدىڭ 100 جىلدىعىن, سونداي-اق ەكى ەل اراسىنداعى ديپلوماتيالىق قارىم-قاتىناستىڭ 25 جىلدىعىن اتاپ ءوتىپ وتىرمىز», – دەدى ي.رايسانەن.
ءباسپاسوز ءماسليحاتىندا فينليانديا پرەزيدەنتى ساۋلي نيننيستە ەكسپو-2017 حالىقارالىق كورمەسىنە كەلۋدى جوسپارلاپ وتىرعانى دا ايتىلدى. ونىڭ ساپارى ماۋسىم ايىنىڭ 19-21-ىنە بەلگىلەنىپتى. ايتا كەتەتىن جايت, بۇل فينليانديا باسشىسىنىڭ قازاقستانعا جاسايتىن ءۇشىنشى ساپارى بولماق.
جاقسىباي سامرات,
«ەگەمەن قازاقستان»
