وسى ورايدا, «كونە تاراز» تاريحي-مادەني كەشەنىندە وبلىستىق جاستار ساياساتى ماسەلەلەرى باسقارماسى مەن وبلىستىق قورعانىس ىستەرى جونىندەگى دەپارتامەنتىنىڭ ۇيىمداستىرۋىمەن «اسكەرگە بارۋ – ازاماتتىق پارىزىم!» اتتى وبلىستىق پاتريوتتىق اكتسياسى ءوتتى. اتالعان شارا قازاقستان رەسپۋبليكاسى قارۋلى كۇشتەرىنىڭ قۇرىلعانىنا 25 جىل جانە ۇلى جەڭىستىڭ 72 جىل تولۋىنا ارنالدى. اكتسياعا وبلىس اكىمىنىڭ ءبىرىنشى ورىنباسارى بەكبولات ورىنبەكوۆ, «جامبىل وبلىستىق گەنەرالدار كەڭەسى» رەسپۋبليكالىق قوعامدىق بىرلەستىگىنىڭ ديرەكتورى ابدىعاپپار قازيەۆ ارنايى قاتىسىپ, جاستاردى وتان الدىنداعى قىزمەتىن ابىرويمەن اتقارۋعا شاقىردى.
سونداي-اق, شارا بارىسىندا «وڭتۇستىك» وڭىرلىك قولباسشىلىعىنىڭ انشىلەرى ەرلان ءاشىموۆ, جانات كوديروۆ «قازاعىم جاسا!», «تۋعان ەلىم» پاتريوتتىق اندەرىن ورىنداسا, اتا-انالار اتىنان گۇلجاميلا وتارقىزى ءسوز الىپ, جاس ساربازدارعا جىلى لەبىزىن ءبىلدىردى. ال «وڭتۇستىك» وڭىرلىك قولباسشىلىعى اسكەرلەرى 85395 اسكەري ءبولىمىنىڭ بارلاۋ روتاسىنىڭ قويان قولتىق ۇرىسىنىڭ قويىلىمى دا كوپشىلىككە ەرەكشە اسەر سىيلادى.
جاستاردىڭ جاۋىنگەرلىك
رۋحىن وياتاتىن ايتۋلى جيىندا ۇيىمداستىرۋشىلار تاراپىنان اسكەر قاتارىنا شاقىرىلعان جاستارعا قاجەتتى زاتتار تابىستالدى. سونداي-اق, وتان الدىنداعى بورىشىن وتەۋگە «كونە تاراز» ورتالىعىنان 30 سارباز سالتا- ناتتى تۇردە اسكەر قاتارىنا اتتاندى.
حاميت ەسامان,
«ەگەمەن قازاقستان»
جامبىل وبلىسى
