قازاقستان رەسپۋبليكاسى ۇكىمەتىنىڭ قاۋلىسى № 649

2011 جىلعى 9 ماۋسىم               № 649                   استانا, ۇكىمەت ءۇيى «اۆاريالىق برونى بار تۇتىنۋشىلاردى ەنەرگيامەن جابدىقتاۋ ەرەجەسى مەن شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 12 ناۋرىزداعى № 207 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «اۆاريالىق برونى بار تۇتىنۋشىلاردى ەنەرگيامەن جابدىقتاۋ ەرەجەسى مەن شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 12 ناۋرىزداعى № 207 قاۋلىسىنا (قازاقستان رەسپۋبليكاسىنىڭ ءپۇاج-ى, 1998 ج., №8, 55-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن اۆاريالىق برونى بار تۇتىنۋشىلاردى ەنەرگيامەن جابدىقتاۋ ەرەجەسى مەن شارتتارىندا: «وسى ەرەجەدە پايدالانىلاتىن ۇعىمدار» دەگەن 1-بولىمدە: ءبىرىنشى بولىك مىناداي رەداكتسيادا جازىلسىن: «ۇزدىكسىز ەلەكترمەن جابدىقتاۋ وبەكتىلەرى (بۇدان ءارى – ۇەو) – ولاردى اجىراتىپ تاستاۋ ادامداردىڭ ولىمىنە, تىرشىلىكتى قامتاماسىز ەتۋ وبەكتىلەرى جۇمىسىنىڭ بۇزىلۋىنا, اپاتتىق ەكولوگيالىق, الەۋمەتتىك نەمەسە ەكونوميكالىق زارداپتارعا اپارىپ سوعۋى مۇمكىن, تەحنولوگيالىق سەبەپتەرىنە بايلانىستى ۇزدىكسىز ەلەكترمەن جابدىقتاۋدى قاجەت ەتەتىن مەملەكەتتىك جانە جەكە مەنشىك نىسانداعى شارۋاشىلىق ينفراقۇرىلىم وبەكتىلەرى.»; ءۇشىنشى جانە ءتورتىنشى بولىكتەر الىنىپ تاستالسىن; 1-تارماق مىناداي مازمۇنداعى جەتىنشى ابزاتسپەن تولىقتىرىلسىن: «تيتان جانە ماگني ەلەكتروليزى تاسىلىمەن ۇزدىكسىز وندىرەتىن مەتاللۋرگيالىق كاسىپورىنداردىڭ وبەكتىلەرى;». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى      ك.ءماسىموۆ.