قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №396

2010 جىلعى 6 قىركۇيەك               №396                           استانا قالاسى  اۋەجاي پايدالانۋشىسىنىڭ ءبىرىنشى باسشىسى لاۋازىمىنا كانديداتتار ءۇشىن بىلىكتىلىك تالاپتارىن بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى زاڭىنىڭ 64-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان اۋەجاي پايدالانۋشىسىنىڭ ءبىرىنشى باسقارۋشىسى لاۋازىمىنا كانديداتتار ءۇشىن بىلىكتىلىك تالاپتارى بەكىتىلسىن.  2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتى (ر.ءو. ءاديمولدا) زاڭنامادا بەلگىلەنگەن تارتىپپەن وسى بۇيرىقتى قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋ ءۇشىن ۇسىنۋدى قامتاماسىز ەتسىن.  3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ە.س. دۇيسەنباەۆقا جۇكتەلسىن.  4. وسى بۇيرىق العاش رەت رەسمي جاريالاعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر               ءا.قۇسايىنوۆ. قازاقستان رەسپۋبليكاسى  كولىك جانە كوممۋنيكاتسيا ءمينيسترىنىڭ 2010 جىلعى 6 قىركۇيەك № 396 بۇيرىعىمەن بەكىتىلگەن اۋەجاي پايدالانۋشىسىنىڭ ءبىرىنشى باسشىسى لاۋازىمىنا كانديداتتار ءۇشىن بىلىكتىلىك تالاپتارى 1. وسى بىلىكتىلىك تالاپتارى اۋەجاي پايدالانۋشىسىنىڭ ءبىرىنشى باسقارۋشىسى لاۋازىمىنا كانديداتتارعا قويىلادى. 2. اۋەجاي پايدالانۋشىسىنىڭ ءبىرىنشى باسشى لاۋازىمىنا كانديدات قازاقستان رەسپۋبليكاسىنىڭ ەڭبەك زاڭناماسىنا سايكەس قۇجاتتىق تۇردە راستالعان جوعارى ءبىلىمى بار جانە ازاماتتىق اۆياتسيا سالاسىنداعى باسشىلىق لاۋزىمداردا جۇمىس تاجىريبەسى 3 جىلدان كەم ەمەس جەكە تۇلعا بولا الادى. 3. اۋەجاي پايدالانۋشىسىنىڭ ءبىرىنشى باسشىسى لاۋازىمىنا كانديداتتار وزدەرىنىڭ بىلىكتىلىگىن مىناداي نورماتيۆتىك قۇقىقتىق اكتىلەرمەن راستايدى: قازاقستان رەسپۋبليكاسىنىڭ كونستيتۋتسياسى; «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ زاڭى; «حالىقارالىق ازاماتتىق اۆياتسيا تۋرالى كونۆەنتسيانى راتيفيكاتسيالاۋ تۋرالى» قازاقستان رەسپۋبليكاسى جوعارعى كەڭەسىنىڭ 1992 جىلعى 2 شىلدەدەگى قاۋلىسى (چيكاگو, 1944 جىل 7 جەلتوقسان) (حالىقارالىق ازاماتتىق اۆياتسيا تۋرالى كونۆەنتسياعا 1-13 جانە 15-18 قوسىمشالاردى قوسپاعاندا); 4) ازاماتتىق اۆياتسيا سالاسىنداعى نورماتيۆتىك قۇقىقتىق اكتىلەر. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 30 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6517 بولىپ ەنگىزىلدى.