قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №163

2011 جىلعى 27 ءساۋىر №163  استانا قالاسى قازاقستان رەسپۋبليكاسىنىڭ جالپى  ورتا ءبىلىم بەرەتىن ۇيىمدارىندا 2011-2012 وقۋ جىلىنىڭ باستالۋى تۋرالى «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابىنىڭ 14) تارماقشاسىنا سايكەس  بۇيىرامىن: 1. مەنشىك نىساندارىنا جانە ۆەدومستۆولىق باعىنىستىلىعىنا قاراماستان جالپى ورتا ءبىلىم بەرۋ ۇيىمدارىندا 2011-2012 وقۋ جىلىنىڭ باستالۋ  مەرزىمى 2011 جىلعى 1 قىركۇيەك  بولىپ  انىقتالسىن. وقۋ جىلىنىڭ ۇزاقتىعى مەكتەپالدى دايىندىق سىنىپتارىندا – 32 وقۋ اپتاسىن, ءبىرىنشى سىنىپتاردا – 33 وقۋ اپتاسىن,  2-11(12)-سىنىپتاردا – 34 وقۋ اپتاسىن قۇرايدى. وقۋ جىلى بارىسىندا كانيكۋلدار: - 1-11(12) -سىنىپتاردا: كۇزگى كانيكۋل – 8 كۇن (5-12 قاراشانى قوسا العاندا), قىسقى – 10 كۇن     (30 جەلتوقسان – 8 قاڭتاردى قوسا العاندا),  كوكتەمگى – 12 كۇن  (21 ناۋرىز – 1 ءساۋىردى قوسا العاندا); - مەكتەپالدى دايارلىق سىنىپتارىندا:  كۇزگى كانيكۋل – 8 كۇن (5-12 قاراشانى قوسا العاندا), قىسقى – 14 كۇن   (28 جەلتوقسان - 10 قاڭتاردى قوسا العاندا),  كوكتەمگى – 15 كۇن  (21 ناۋرىز – 4 ءساۋىردى قوسا العاندا); - مەكتەپالدى دايارلىق سىنىپتارى مەن ءبىرىنشى سىنىپتاردا: قوسىمشا كانيكۋل – 7 كۇن (2 – 8 اقپاندى قوسا العاندا) مەرزىمىندە  بەلگىلەنەدى. 2.  2011 جىلعى  1  قىركۇيەكتە بارلىق جالپى ورتا ءبىلىم بەرۋ ۇيىمدارىندا  قازاقستان رەسپۋبليكاسىنىڭ تاۋەلسىزدىگىنىڭ 20 جىل تولۋىنا ارنالعان «تاۋەلسىز قازاقستان: بەيبىتشىلىكتىڭ, كەلىسىمنىڭ جانە جاسامپازدىقتىڭ             20 جىلى» تاقىرىبىندا ساباق وتكىزىلسىن. 3. مەكتەپكە دەيىنگى جانە ورتا ءبىلىم دەپارتامەنتى (ب.س. كارىمجانوۆ): 1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) مەملەكەتتىك تىركەۋدەن وتكەننەن كەيىن وسى بۇيرىقتىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن. 4. وسى بۇيرىق رەسمي جاريالانعان كۇنىنەن باستاپ قولدانىسقا ەنگىزىلەدى. 5. وسى بۇيرىقتىڭ ورىندالۋىن باقىلاۋ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى  ب.س. كارىمجانوۆقا جۇكتەلسىن. مينيستر    ب. جۇماعۇلوۆ