قازاقستان رەسپۋبليكاسى ۇكىمەتىنىڭ قاۋلىسى № 120

2011 جىلعى 10 اقپان              № 120              استانا, ۇكىمەت ءۇيى تاريحي شىعىنداردى جانە گەولوگيالىق اقپارات قۇنىن ايقىنداۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابى 46) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تاريحي شىعىنداردى جانە گەولوگيالىق اقپارات قۇنىن ايقىنداۋ قاعيداسى بەكىتىلسىن. 2. «تاريحي شىعىنداردى جانە گەولوگيالىق اقپاراتتىڭ قۇنىن ايقىنداۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 16 ساۋىردەگى № 351 قاۋلىسىنىڭ (قازاقستان رەسپۋبليكاسى ۇكىمەتىنىڭ ءپۇاج-ى, 2008 ج., № 20, 191-قۇجات) كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 10 اقپانداعى №120 قاۋلىسىمەن بەكىتىلگەن تاريحي شىعىنداردى جانە گەولوگيالىق اقپارات قۇنىن ايقىنداۋ قاعيداسى 1. جالپى ەرەجەلەر 1. وسى تاريحي شىعىنداردى جانە گەو­لو­گيا­لىق اقپارات قۇنىن ايقىنداۋ قاعيداسى (بۇدان ءارى – قاعيدا) «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابى­نىڭ 46) تارماقشاسىنا سايكەس ازىرلەنگەن جانە جەر قويناۋى تۋرالى تاريحي شىعىنداردى جانە گەولوگيالىق اقپارات قۇنىن ايقىنداۋ ءتارتىبىن بەلگىلەيدى. 2. تاريحي شىعىندار – مەملەكەت كەلىسىم­شارتتىق اۋماقتى گەولوگيالىق زەرتتەۋگە جانە كەن ورىندارىن بارلاۋعا جۇمساعان; ولار تۋرالى گەولوگيالىق اقپارات مەملەكەت مەنشىگىنە بەرىلگەن بۇرىنعى جيىنتىق شىعىندار. 3. مەملەكەت مەنشىگىندەگى گەولوگيالىق اقپا­راتتىڭ قۇنى تاريحي شىعىندار سوماسىنىڭ ءبىر بولىگى رەتىندە ايقىندالادى. گەولوگيالىق اقپا­رات­تىڭ قۇنى قازاقستان رەسپۋبليكاسىنىڭ بيۋد­جەتىنە تولەنەدى. 4. كەڭ تارالعان پايدالى قازبالاردى, جەر استى سۋلارى مەن ەمدىك بالشىقتى قوسا العاندا, تاريحي شىعىندار بارلىق پايدالى قازبالاردىڭ تۇرلەرى ءۇشىن ايقىندالادى. 5. تاريحي شىعىنداردىڭ كولەمىن, جەر قوي­ناۋى تۋرالى گەولوگيالىق اقپارات الۋدىڭ قۇنى مەن تالاپتارىن جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) انىقتايدى. 2. تاريحي شىعىنداردى جانە گەولوگيالىق اقپارات قۇنىن ايقىنداۋ ءتارتىبى 6. ۋاكىلەتتى ورگان جەر قويناۋىن پايدالانۋ قۇقىعىن بەرۋگە ارنالعان كونكۋرس جاريالانعانعا دەيىن جەر قويناۋىن پايدالانۋعا بەرىلەتىن جەر قويناۋى ۋچاسكەسى (بۇدان ءارى – جەر قويناۋى ۋچاسكەسى) شەگىندە ورىندالعان بارلىق گەولوگيالىق زەرتتەۋلەرگە تۇگەندەۋ جۇرگىزەدى. تۇگەندەۋدىڭ دەرەكتەرى جەر قويناۋى ۋچاسكەسىنىڭ گەولوگيالىق زەردەلەنۋ دارەجەسى مەن گەولوگيالىق بارلاۋ جۇ­مىستارىنىڭ ناقتى شىعىندارىن كورسەتۋگە ءتيىس. تۇگەندەۋدىڭ دەرەكتەرى بويىنشا گەولو­گيالىق زەردەلەنۋ كارتوگرامماسى مەن تۇگەندەۋ ۆەدوموسى جاسالادى, وسىلاردىڭ نەگىزىندە تاريحي شى­عىنداردىڭ ەسەبى جۇزەگە اسىرىلادى. 7.تاريحي شىعىندار ءار جەر قويناۋى ۋچاسكەسى بويىنشا جەكە قارالادى. جەر قويناۋىن پايدالانۋ جونىندەگى وپەراتسيالاردى جۇرگىزۋ ءۇشىن جەر قوي­ناۋى ۋچاسكەسىنىڭ شەكاراسى قازاقستان رەس­پۋب­ليك­ا­سى يندۋستريا جانە جاڭا تەحنولوگيالار مينيس­ترى­نىڭ بۇيرىعىمەن بەكىتەتىن پايدالى قاز­بالاردى بارلاۋ مەن وندىرۋگە جانە جەر قويناۋىن وزگە ماق­ساتتا پايدالانۋعا گەولوگيالىق جانە/نەمەسە تاۋ-كەندىك ءبولۋدى ۇسىنۋ ءتارتىبى جونىندەگى نۇسقاۋلىققا سايكەس جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگان بەرەتىن تاۋ-كەندىك نەمەسە گەولوگيالىق بولۋلەرمەن انىقتالادى. 8. بارلاۋ نەمەسە بارلاۋ مەن ءوندىرۋدى ءجۇر­گى­زۋگە ارنالعان جەر قويناۋى ۋچاسكەسى بويىنشا تاريحي شىعىندار: جەر قويناۋى ۋچاسكەسىنىڭ الا­ڭىنا نەمەسە وعان ساي كەلەتىن تابيعي كولەمىنە بارابار وڭىرلىك گەولوگيالىق-گەوفيزيكالىق, ىزدەۋ جانە ىزدەۋ-باعالاۋ جۇمىستارىن, عىلىمي, تاجىريبەلىك-ادىستەمەلىك, تاجىريبەلىك-كونسترۋك­تورلىق جانە ناتيجەلەرى جەر قويناۋى ۋچاسكەسىن زەردەلەۋمەن بايلانىستى باسقا دا زەرتتەۋلەردى قامتيدى. 9. ءوندىرۋدى جۇرگىزۋگە ارنالعان جەر قويناۋى ۋچاسكەسى بويىنشا تاريحي شىعىندار تاۋ-كەندىك نە گەولوگيالىق ءبولۋ شەگىندە ەسەپتەلەدى جانە مىنالاردى: وڭىرلىك گەولوگيالىق-گەوفيزيكالىق (ىزدەۋ-باعالاۋ جۇمىستارى الاڭىنىڭ شەگىندە ورىندالعان), ىزدەۋ جانە ىزدەۋ-باعالاۋ جۇمىس­تا­رىن, بارلاۋدى, قاپتالدار مەن تەرەڭ گوريزونت­تاردى جەتە بارلاۋدى, تەحنولوگيالىق زەرتتەۋلەردى, ونەركاسىپتىك الاڭداردىڭ كەنسىزدىگىن زەرتتەۋدى, بولاشاق ءوندىرۋشى كاسىپورىندى سۋمەن جاب­دىقتاۋعا ارنالعان گيدروگەولوگيالىق زەرتتەۋلەردى, ناتيجەلەرى جەر قويناۋى ۋچاسكەسىن زەردەلەۋگە بايلانىستى عىلىمي-زەرتتەۋ, تاجىريبەلىك-ادىستەمەلىك, تاجىريبەلىك-كونسترۋكتورلىق جانە باسقا دا زەرتتەۋلەردى قامتيدى. ەگەر ءوندىرۋ جۇرگىزۋ ءۇشىن جەر قويناۋىن پايدالانۋدا كەن ورنىن قورلارىنىڭ ءبىر بولىگى بەرىلسە, وندا تاريحي شىعىندار كەن ورنىنىڭ جالپى قورىنىڭ وسى بولىگىنە پروپورتسيونالدى ەسەپتەلەدى. 10. تاريحي شىعىنداردى ەسەپتەۋدەن وسى قا­عيدانىڭ 8, 9-تارماقتارىندا كورسەتىلگەن جۇ­مىس­تاردان, پايدالى قازبالاردىڭ مالىمدەلگەن ءتۇرى­نە جاتپايتىن جۇمىستار, ولاردى گەولوگيالىق زەرتتەۋلەرگە ارنالعان شىعىنداردان باسقا نەمەسە مەملەكەتتىڭ قاراجاتىنسىز جۇرگىزىلگەن, ۇڭعى­ما جانە تاۋ-كەن ءوندىرۋدىڭ تاريحي شىعىندارىن ەسەپتەۋ كۇنىنە جويىلعان وتكىزۋ جونىندەگى جۇ­مىس­تار الىنىپ تاستالادى. 11. تاريحي شىعىندار جۇمىستاردىڭ جۇرگى­زىلگەن جىلدارى بويىنشا (1961 جىلعا دەيىن ور­ىندالعان جۇمىستار, 1961-1990 جىلدار كە­زە­ڭىن­دە ورىندالعان جۇمىستار جانە ودان ءارى ءاربىر كەلەسى جىل شەگىندە), جۇمىس تۇرلەرى بويىنشا جيناقتالادى. وتكەن جىلداردىڭ شىعىندارىن 1996 جىلعى باعاعا قايتا ەسەپتەۋگە, گەولوگيالىق بارلاۋ جۇمىستارى قۇنىنىڭ سالاىشىلىك ين­دەك­سىنىڭ وزگەرۋى تيىسىنشە مۇناي مەن گازعا, قاتتى پايدالى قازبالار مەن سۋعا, گەوفيزيكالىق جانە عىلىمي-زەرتتەۋ جۇمىستارىنا نەگىز بولادى. 1961 جىلعا دەيىنگى شىعىنداردى 1961-1990 جىلدارداعى باعاعا قايتا ەسەپتەۋ ءۇشىن شى­عىن­دار ون ەسە ازايتىلادى. شىعىنداردى تەڭگەگە قايتا ەسەپتەۋ ءۇشىن 1961-1990 جىلدارداعى رۋبل شىعىندارى 0,002 كوەففيتسيەنتىنە كوبەيتىلەدى. 1961 جىلعا دەيىن جۇرگىزىلگەن گەولوگيالىق بارلاۋ جانە باسقا دا جۇمىستاردىڭ شىعىنىن 1996 جىلعى باعاعا (تەڭگە) قايتا ەسەپتەۋ مىناداي فورمۋلا بويىنشا جۇزەگە اسىرىلادى: تش96= ءوجش ح ي 91 ح 0,002 ح ي96. مۇندا: 10 تش 96 – 1996 جىلعى باعامەن تاريحي شى­عىندار; ءوجش – وتكەن جىلداردىڭ شىعىندارى ي 91 – 1991 جىلعى گەولوگيالىق بارلاۋ جۇمىستارى قۇنىنىڭ 1990 جىلعى باعاعا وزگەرۋ يندەكسى; 0,002 – تەڭگەگە اۋدارۋ كوەففيتسيەنتى ي 96 – 1996 جىلعى گەولوگيالىق بارلاۋ جۇ­مىستارى قۇنىنىڭ 1991 جىلعى باعاعا وزگەرۋ يندەكسى. 1961 جىلدان 1990 جىلعا دەيىنگى شى­عىن­داردى 1996 جىلعى باعاعا قايتا ەسەپتەۋ مىنا­داي فورمۋلا بويىنشا جۇزەگە اسىرىلادى: تش 96 = ءوجش ح ي91 ح 0,002 ح ي96 1991 جىلدان بەرگى شىعىنداردى 1996 جىلعى باعاعا قايتا ەسەپتەۋ مىناداي فورمۋلا بويىنشا جۇزەگە اسىرىلادى: تش 96 = ءوجش ح 0,002 ح ي96 1992 جىلدان بەرگى شىعىنداردى 1996 جىلعى باعاعا قايتا ەسەپتەۋ قايتا ەسەپتەۋ مىناداي فورمۋلا بويىنشا جۇزەگە اسىرىلادى: تش 96 = ءوجش ح 0,002: ي(92 - 95) ح ي96, مۇندا: ي (92 - 95) - جىلدار بويىنشا گەو­لوگيالىق بارلاۋ جۇمىستارى قۇنىنىڭ وزگەرۋ يندەكستەرى (0,002 كوەففيتسيەنتى ۇلتتىق ۆاليۋتا ەنگىزىلگەننەن كەيىن قولدانىلمايدى). 1996 جىلعى باعامەن تاريحي شىعىندار 1997 جىلعى 1 قاڭتارداعى باعام بويىنشا اقىپ دول­لا­رىنا اۋدارىلادى. 1996 جىلدان كەيىن مەملەكەت شەككەن تاريحي شىعىندار اتقارىلعان جۇ­مىس­تار بويىنشا شىعىنداردى ەسەپتەن شىعارۋ كۇنگى باعام بويىنشا اقپى دوللارىنا اۋدا­رىلادى. تاريحي شىعىنداردىڭ ەسەبىن دايىنداۋ كەزىندە اقپى دوللارىمەن الىنعان شىعىننىڭ قۇنى اعىمداعى باعام بويىنشا ۇلتتىق ۆاليۋتاعا اۋدارىلادى. 12. بارلىق گەولوگيالىق اقپاراتتىڭ قۇنىن ايقىنداۋ ءۇشىن تاريحي شىعىندار سوماسىنان پايىزدىق ستاۆكا قولدانىلادى. پايىزدىق ستاۆكالار پايدالى قازبالاردىڭ ءتۇرى مەن بەرىلەتىن جەر قويناۋىن پايدالانۋ قۇقىعىنا بايلانىستى سارالانادى: كومىرسۋتەك شيكىزاتى: بارلاۋ – 1%, بارلاۋ جانە ءوندىرۋ – 2%, ءوندىرۋ – 3%. قاتتى پايدالى قازبالار (كەڭ تارالعان پايدالى قازبالاردى قوسا العاندا): بارلاۋ – 1,5%, بارلاۋ جانە ءوندىرۋ – 2%, ءوندىرۋ – 2,5%. جەر استى سۋلارى (ەمدىك بالشىقتى قوسا العاندا): بارلاۋ – 1,5%, بارلاۋ جانە ءوندىرۋ – 2,5%, ءوندىرۋ – 4%. 13. مەملەكەتتىڭ قاراجاتىنان الىنباعان, ءبى­راق مەملەكەتتىڭ مەنشىگىندەگى گەولوگيالىق اقپا­رات­تىڭ قۇنىن انىقتاۋ ءۇشىن ناتيجەسىندە گەولو­گيالىق اقپارات الىنعان گەولوگيالىق بارلاۋ جۇمىستارىنا ارنالعان شىعىنداردىڭ سوما­سى­نان وسى قاعيدانىڭ 12-تارماعىندا كورسەتىلگەن بالامالى پايىزدىق ستاۆكالار قولدانىلادى. 14. گەولوگيالىق اقپاراتتى ساتىپ الۋ تۋرالى كەلىسىمدەردە ونىڭ قۇنى قازاقستان رەسپۋب­لي­كا­سىنىڭ ۇلتتىق ۆاليۋتاسىندا كورسەتىلەدى.