قازاقستان رەسپۋبيكاسى ۇكىمەتىنىڭ قاۋلىسى № 446

2011 جىلعى 26 ءساۋىر                  № 446                      استانا, ۇكىمەت ءۇيى اۆياتسيالىق تەحنيكاعا تەحنيكالىق قىزمەت كورسەتۋدى جانە جوندەۋدى جۇزەگە اسىراتىن ۇيىمدارعا قويىلاتىن سەرتيفيكاتتاۋ تالاپتارىن بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 49) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1.   قوسا بەرىلىپ وتىرعان  اۆياتسيالىق تەحنيكاعا تەحنيكالىق قىزمەت كورسەتۋدى جانە جوندەۋدى جۇزەگە اسىراتىن ۇيىمدارعا قويىلاتىن سەرتيفيكاتتاۋ تالاپتارى بەكىتىلسىن. 2.  وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى    ك. ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 26 ساۋىردەگى  № 446   قاۋلىسىمەن بەكىتىلگەن اۆياتسيالىق تەحنيكاعا تەحنيكالىق قىزمەت كورسەتۋدى جانە جوندەۋدى   جۇزەگە اسىراتىن ۇيىمدارعا قويىلاتىن سەرتيفيكاتتاۋ تالاپتارى 1. جالپى ەرەجەلەر 1. وسى اۆياتسيالىق تەحنيكاعا تەحنيكالىق قىزمەت كورسەتۋدى جانە جوندەۋدى جۇزەگە اسىرا­تىن ۇيىمدارعا قويىلاتىن سەرتيفيكاتتاۋ تا­لاپ­تارى (بۇدان ءارى – سەرتيفيكاتتاۋ تالاپتارى) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قا­زاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 49) تار­ماق­شا­سىنا سايكەس ازىرلەندى. 2. سەرتيفيكاتتاۋ تالاپتارى اۆياتسيالىق تەحنيكاعا تەحنيكالىق قىزمەت كورسەتۋدى جانە جوندەۋدى جۇزەگە اسىراتىن ۇيىمدارعا (بۇدان ءارى – ۇيىم) قويىلاتىن تالاپتاردى بەلگىلەيدى. 3. وسى سەرتيفيكاتتاۋ تالاپتارىندا مى­ناداي تەرميندەر مەن انىقتامالار پايدالانى­لادى: 1) اۆياتسيالىق تەحنيكا – ازاماتتىق اۋە كەمەلەرى (بۇدان ءارى – اك), ولاردىڭ جابدىقتارى, جيىنتىقتاۋشى بۇيىمدارى, قوزعالتقىشتارى مەن ترەناجەرلەر; 2) اۆياتسيالىق تەحنيكاعا تەحنيكالىق قىزمەت كورسەتۋ (بۇدان ءارى – ات تق) جونىندەگى سىرتقى جەلىلىك ستانتسيا – ازاماتتىق اۋە كەمەلەرىن پايدالانۋشى ولارعا تەحنيكالىق قىزمەت كورسەتۋ ءۇشىن قۇرعان جانە قازاقستان رەسپۋبلي­كاسىنان تىسقارى جەردە ارەكەت ەتەتىن جەلىلىك ستانتسيا; 3) رۇقسات بەرۋشى پەرسونال – اۋە كەمەسىنىڭ ۇشۋعا جارامدىلىعىن, ونىڭ جۇيەسىن نەمەسە كومپونەنتىن ولاردى ات تق جانە ج ورىندال­عاننان كەيىن پايدالانۋعا رۇقسات بەرۋ ءۇشىن كۋالاندىراتىن اۆياتسيالىق پەرسونال; 4) ينجەنەرلىك-تەحنيكالىق پەرسونال – اك جانە/نەمەسە ونىڭ كومپونەنتىن ات تق جانە ج جونىندەگى جۇمىسقا رۇقساتى بار اۆياماماننىڭ جارامدى كۋالىگى بار اۆياتسيالىق پەرسونال; 5) ۇشۋعا جارامدىلىق – اۋە كەمەسiنiڭ قاۋiپسiزدiگi مەن ۇشۋ ساپاسىن قامتاماسىز ەتەتiن ۇشۋ-تەحنيكالىق سيپاتتامالارعا ساي كەلەتىن اۋە كەمەسىنىڭ تەحنيكالىق جاي-كۇيى; 6) ات تق جەلىلىك ستانتسياسى – قازاقستان رەسپۋبليكاسىنىڭ اۋماعىندا ات تق نەگىزگى بازاسى ورنالاسقان اۋەجايدان تىسقارى كەمىندە ءۇش اي مەرزىمگە قۇرىلاتىن ات تق جونىندەگى ۇيىمنىڭ بولىمشەسى; 7) ۇشۋعا جارامدىلىقتا ۇستاۋ – اك-ءنىڭ ۇشۋعا جارامدىلىق تالاپتارىنا سايكەستىگى جانە ولاردى جۇمىس ىستەۋىنىڭ پايدالانۋ مەرزىمى بويىندا قاۋiپسiز پايدالانۋ ءۇشىن قاجەتتi كۇيدە ۇستاۋ سولار ارقىلى قامتاماسىز ەتىلەتiن شارالار كەشەنى; 8) جوندەۋ – ۇشۋعا جارامدىلىق نورمالا­رىنا سايكەس انىقتالاتىن اۆياتسيالىق تەحنيكا­نىڭ ۇشۋعا جارامدىلىعىن قالپىنا كەلتىرۋ; 9) ات تق جانە ج جونىندەگى ۇيىمنىڭ قىزمەتى جونىندەگى نۇسقاۋ – ات تق جانە ج جونىندەگى ۇيىمنىڭ باسشىسى بەكىتكەن جانە ات تق جانە ج جونىندەگى ۇيىمنىڭ قىزمەت سالاسى, ونىڭ باسشىلىعىنىڭ فۋنكتسيالارى مەن مىندەتتەرى, ينجەنەرلىك-تەحنيكالىق پەرسونال, قۇرىلى­مى, وندىرىستىك بازاسى, ات تق جانە ج راسىمدەرى مەن ساپانى قامتاماسىز ەتۋ جۇيەسى تۋرالى ەگجەي-تەگجەيلى اقپاراتتان تۇراتىن قۇجات; 10) ساپا جونىندەگى نۇسقاۋ – ات تق جانە ج جونىندەگى ۇيىمنىڭ ساپا سالاسىنداعى ساياساتىن باياندايتىن جانە ساپا جۇيەسىن سيپاتتايتىن قۇجات; 11) باسشى پەرسونال – ات تق جانە ج جونىندەگى بارلىق جۇمىستاردى وزدەرىنە جۇكتەل­گەن مiندەتتەرگە سايكەس رەسۋرستىق جانە ۇيىم­داس­تىرۋشىلىق قامتاماسىز ەتۋدi جۇزەگە اسىرۋ ءۇشiن جەتكiلiكتi وكiلەتتiگى بار ۇيىم پەرسو­نالىنىڭ قۇرامىنداعى ۋاكiلەتتi تۇلعالار; 12) ات تق جانە ج تۋرالى كۋالىك – ات تق جانە ج جونىندەگى ۇيىمنىڭ قىزمەتى تۋرالى باسشىلىقتا باياندالعان بەكىتىلگەن دەرەكتەر مەن راسىمدەرگە سايكەس وندا كورسەتىلگەن تق ءجو­نىن­دەگى جۇمىستاردى قاناعاتتانارلىق ورىنداۋ­دى راستايتىن مالىمەتتەر بار قۇجات; 13) ساپا جۇيەسى – ساپا ستاندارتتارىنا سايكەس ساپانى اكىمشىلىك باسقارۋدى جۇزەگە اسىرۋ ءۇشiن قاجەتتى ۇيىمداستىرۋشىلىق قۇرى­لىم­نىڭ, قۇجاتتامالىق ادىستەمەلەردىڭ, پروتسەستەر مەن رەسۋرستاردىڭ جيىنتىعى; 14) ۇشۋ قاۋىپسىزدىگىن باسقارۋ جۇيەسى (بۇدان ءارى – ۇقبج) – قاجەتتى ۇيىمداس­تىرۋ­شىلىق قۇرىلىمدى, جاۋاپكەرشىلىك ساتىلىعىن, باسشىلىق ەتەتىن قاعيداتتار مەن راسىمدەردى قوسا العاندا, ۇشۋ قاۋىپسىزدىگىن باسقارۋعا جۇيەلى كوزقاراس; 15) تەحنيكالىق قىزمەت كورسەتۋ – باقىلاۋ-قالپىنا كەلتiرۋ جۇمىستارىن, تەكسەرۋدى, الماس­تىرۋدى قوسا العاندا, اۋە كەمەسiنiڭ ۇشۋعا جا­رام­دىلىعىن ساقتاۋدى قامتاماسىز ەتۋ ءۇشىن قا­جەتتi جۇمىستاردى جۇرگiزۋ, جەكە-جەكە دە, ءۇي­لەس­تىرىپ تە ورىندالاتىن اقاۋلاردى جويۋ, سونداي-اق تۇرلەندىرۋدى نەمەسە جوندەۋدi ءىس جۇزىندە جۇزەگە اسىرۋ; 16) ادام فاكتورى – ات ازىرلەۋدە جانە سەرتيفيكاتاۋدا, پەرسونالدى دايارلاۋدا, ۇشۋلاردى جۇرگىزۋدە جانە تق-دا قولدانىلاتىن جانە ادامنىڭ قاسيەتتەرiن تيiسiنشە قاراستىرۋ جانە ەسەپكە الۋ جولىمەن ادام مەن جۇيەنىڭ باسقا دا ەلەمەنتتەرى اراسىنداعى ءوزارا قاۋiپسiز ءىس-قيمىلعا قول جەتكىزۋگە باعىتتالعان قاعيداتتار; 17) پايدالانۋ قۇجاتتاماسى – اك-ءنى جانە تق-نى قوسا العاندا, كومپونەنتىنىڭ ۇشۋى مەن تەحنيكالىق پايدالانۋدى رەگلامەنتتەيتىن جانە پايدالانۋ شەكتەۋلەرى, راسىمدەر مەن ۇسىنىمدار بار قۇجاتتاما. 4. ات تق جانە ج جونىندەگى كۋالىكتى اۆياتسيالىق پەرسونالعا ۋاكىلەتتى ورگان بەرەدى. 2. اۆياتسيالىق تەحنيكاعا تەحنيكالىق قىزمەت كورسەتۋدى جانە جوندەۋدى جۇزەگە اسىراتىن ۇيىمدارعا قويىلاتىن تالاپتار 5. اۆياتسيالىق تەحنيكاعا تەحنيكالىق قىز­مەت كورسەتۋدى جانە جوندەۋدى (بۇدان ءارى – ات تق جانە ج) جۇزەگە اسىراتىن ۇيىمدار مىناداي تالاپتارعا سايكەس كەلۋى قاجەت: 1) قىزمەتتىڭ مالىمدەلگەن سالاسىندا جۇ­مىس­تاردى ورىنداۋ ءۇشىن جەتكىلىكتى بەكىتىلگەن ۇيىمدىق قۇرىلىمىنىڭ جانە ءوز قىزمەتىن باس­قارۋ جۇيەسىنىڭ بولۋى; 2) قىزمەتتىڭ مالىمدەگەن سالاسىنا سايكەس جۇمىستاردى ۇيىمداستىرۋعا جانە ورىنداۋعا قويىلاتىن تالاپتاردى ايقىندايتىن جارامدى جانە بەلگىلەنگەن تارتىپپەن ەسكەرىلگەن پايدالانۋ قۇجاتتاماسىنىڭ بولۋى; 3) اك تەحنيكالىق قىزمەت كورسەتۋ باعدار­لا­ماسى (رەگلامەنتى), ۇشۋعا جارامدىلىق ديرەك­تيۆالارى, ازاماتتىق اۆياتسيا سالاسىنداعى ۋاكى­لەتتى ورگاننىڭ نۇسقاۋلارى  مەن وكىمدەرى, ۇشۋ قاۋىپسىزدىگىن قامتاماسىز ەتۋ جونىندەگى اقپارات, اك ازىرلەۋشىنىڭ (جاساۋشىنىڭ) بيۋللەتەندەرى بويىنشا اك جانە ونىڭ قۇرامداۋىشتارىنا ات تق جانە ج بويىنشا جۇمىستاردى ورىنداۋدى قامتاماسىز ەتۋ; 4) اا-داعى قىزمەتىن رەگلامەنتتەيتىن قازاقستان رەسپۋبليكاسى زاڭناماسىنىڭ جانە ۇيىمنىڭ ىشكى قۇجاتتاماسىنىڭ تالاپتارى مەن ەرەجەلەرىن (ونىڭ ىشىندە بەلگىلەنگەن تارتىپپەن بەكىتىلگەن جانە قولدانىسقا ەنگىزىلگەن وزگەرىس­تەر مەن تولىقتىرۋلاردى ەسكەرە وتىرىپ) ولار­دى ۋاقتىلى زەردەلەۋ جانە ورىنداۋ ماقساتىندا پەرسونالدىڭ نازارىنا ۋاقتىلى جەتكىزۋ نۇس­قاۋلىعىنىڭ بولۋى; 5) جۇمىستاردى ورىنداۋ جانە پەرسونال ءۇشىن تالاپ ەتىلەتىن جاعداي جاساۋ ءۇشىن عيمارات­تاردىڭ, قۇرىلىستاردىڭ, قاجەتتى ەنەرگيا تۇرلە­رىنىڭ, وندىرىستىك, قويما, قىزمەتتىك جانە تۇرمىستىق ءۇي-جايلاردىڭ بولۋى; 6) قاجەتتى قۇرالدار مەن اسپاپتاردىڭ, سون­داي-اق ولاردى جارامدى كۇيدە ۇستاۋ جۇيەسىنىڭ بولۋى; 7)  جۇمىستاردى ورىنداۋعا قاجەتتى قۇرام­داس بولىكتەردىڭ, قوسالقى بولشەكتەر مەن شىعىس ماتەريالدارىنىڭ قاجەتتى قورىنىڭ بولۋى; 8) ۇيىمنىڭ شتاتىندا جوسپارلانعان جۇمىستاردى ورىنداۋدى قامتاماسىز ەتەتىن مولشەردە قاجەتتى بىلىكتى پەرسونالدىڭ بولۋى; 9) پەرسونالدىڭ بىلىكتىلىگىن قولداۋ (ارت­تىرۋ), ونى دايارلاۋ جانە قايتا دايارلاۋ جۇيە­سىنىڭ بولۋى; 10) ات تق جانە ج, موديفيكاتسيالاۋ, جوندەۋ جۇمىستارىنىڭ جانە ات-داعى وزگە دە جۇمىستاردىڭ ورىندالعاندىعى تۋرالى دەرەكتەردى جۇمىستاردىڭ تولىق كولەمدە جانە ات تق جانە ج (جوندەۋ, موديفيكاتسيالاۋ) باعدارلاما­سىنا (رەگلامەنتىنە) سايكەس ورىندالعاندىعىن راستايتىن دەرەكتەردى تىركەۋدى جانە ساقتاۋدى قامتاماسىز ەتۋ; 11) ات تق جانە ج جونىندەگى بارلىق جۇ­مىستاردىڭ تيىسىنشە ورىندالۋىنا كەپىلدىك بەرەتىن ساپانى قامتاماسىز ەتۋ جۇيەسىنىڭ بولۋى; 12) ات تق جانە ج جونىندەگى ۇيىمنىڭ قىزمەتى تۋرالى باسشىلىق پەن ات تق جانە ج ساپاسى تۋرالى باسشىلىقتىڭ بولۋى; 13) ۇشۋ قاۋىپسىزدىگىن باسقارۋ جۇيەسىنىڭ (ۇقبج) بولۋى. 6. ات تق جانە ج جونىندەگى سەرتيفيكاتتى الۋ ءۇشىن ات تق جانە ج جونىندەگى ۇيىم مىنا­داي شارتتاردىڭ ساقتالۋىن قامتاماسىز ەتەدى: 1) قولايسىز اۋا-رايى جاعدايلارىنان قور­عاۋدى قامتاماسىز ەتەتىن بارلىق جوسپارلانعان جۇمىستاردى ورىنداۋ ءۇشىن ءوندىرىس قۋاتتارى­نىڭ, زەرتحانالاردىڭ, ۋچاسكەلەردىڭ بولۋى. تەح­ني­كالىق قىزمەت كورسەتۋدى ورىنداعان كەزدە قور­شاعان ورتانى لاستاۋدان جانە اسەرىنەن قورعاۋدى قامتاماسىز ەتەتىن قاجەتتى, ءوزارا بولىنگەن تسەحتار مەن انگارلاردىڭ بولۋى; 2) بارلىق جوسپارلانعان جۇمىستاردى باسقارۋدى قامتاماسىز ەتۋ, سونداي-اق بەلگىلەنگەن ات تق جانە ج ستاندارتتارىنا سايكەس ءوزىنىڭ مىندەتتەرىن تابىستى ورىنداي الۋى ءۇشىن رۇقسات بەرىلگەن پەرسونالدى ورنالاستىرۋ ءۇشىن جۇمىس (وفيستىك) ءۇي-جايلارىنىڭ بولۋى; 3) جابدىقتارمەن جۇمىس ىستەۋ ءۇشىن انگار­لاردى, تسەحتاردى (زەرتحانالاردى, ۋچاسكەلەردى) قوسا العاندا, وندىرىستىك ورتا جاعدايى­نىڭ جانە وفيستىك ءۇي-جايلاردىڭ وندا ورىندالاتىن جۇ­مىستارعا سايكەس كەلۋى, بۇل رەتتە: ءۇي-جايلارداعى تەمپەراتۋرالىق رەجيم تسەلسي بويىنشا 16 – 22 گرادۋس ارالىعىندا ۇستالۋى ءتيىس; شاڭ مەن اۋانىڭ باسقا دا لاستانۋى بارىن­شا ازايتىلۋى ءتيىس, اك-نىڭ/كومپونەنتتەرىنىڭ بەتكى قاباتىنا شاڭ قونۋى كوزگە تۇسكەندە, جۇ­مىس اۋماعىنىڭ لاستانۋىنىڭ مۇنداي دەڭگەيىنە جول بەرىلمەيدى. شاڭ نەمەسە بەتكى قاباتىنا شاڭ قونۋ تۇرىندەگى وزگە دە لاستانۋ پايدا بولعان جاعدايدا قولايلى جۇمىس جاعدايلارىن قالپى­نا كەلتiرگەنگە دەيiنگى كەزەڭدە لاستانۋعا سەزiم­تال بارلىق جۇيەنi تىعىز جابۋ قاجەت; جارىق ات تق جانە ج جونىندەگى تەكسە­رۋلەردiڭ بارلىق تۇرلەرiن, قاراۋلار مەن باسقا دا جۇمىستاردى تيiمدi جۇرگiزۋدى قامتاماسىز ەتۋگە ءتيىس; شۋ پەرسونالدىڭ جۇمىستاردى ورىنداۋىنا كەدەرگى كەلتىرمەۋگە ءتيىس, شۋ كوزىن رەتتەۋ ورىن­سىز بولعان جاعدايدا اتالعان پەرسونال ارتىق شۋدىڭ جۇمىستاردى ورىنداۋعا كەرى اسەرىن جويا­تىن قاجەتتى دەربەس شۋدان قورعاۋ قۇرالدارىمەن قامتاماسىز ەتىلۋگە ءتيىس; ات تق جانە ج جونىندەگى ناقتى جۇمىس جوعارىدا ايتىلعانداردان ەرەكشە وندىرىستىك ورتانىڭ ايرىقشا جاعدايلارىن جاساۋدى تالاپ ەتكەن جاعدايدا, مۇنداي جاعداي جاسالۋعا ءتيىس, مۇنداي ايرىقشا جاعداي ات تق جانە ج جونىندەگى قۇجاتتامادا كورسەتىلەدى; جەدەل ات تق جانە ج ورىنداۋ شارتى قازاقستان رەسپۋبليكاسىنىڭ ەڭبەكتى قورعاۋ جانە قاۋىپسىزدىك تەحنيكاسى سالاسىنداعى نورماتيۆتىك قۇقىقتىق اكتىلەرىنىڭ تالاتارىنا سايكەس كەلۋگە ءتيىس, تەمپەراتۋرا, ىلعالدىق, تۇمان, مۇز, قار, جەل, جارىق, شاڭ نەمەسە اۋانىڭ وسىنداي وزگە دە لاستانۋى بولىگىندە جول بەرىلمەيتىندەي دەڭگەيگە دەيىن جۇمىس جاعدايى ناشارلاعان جاعدايدا, ناقتى جۇمىس نەمەسە ات تق جانە ج ءتۇرى قالىپتى جۇمىس جاعدايىن قالپىنا كەلتىرگەنگە دەيىنگى كەزەڭگە كەيىنگە قالدىرىلۋعا ءتيىس; كومپونەنتتەردى, جابدىقتاردى, اسپاپتار مەن ماتەريالداردى ورنالاستىرۋ ءۇشىن قاۋىپسىز­دىك قۇرالدارىمەن جابدىقتالعان قويما ءۇي-جايلارىنىڭ بولۋى. ساقتاۋ شارتى كونديتسيا­لىق جانە كونديتسيالىق ەمەس قۇرامداستار مەن ماتەريالداردى جانە باسقا دا وزگە قۇرامداس­تاردى, ماتەريالداردى, جابدىقتار مەن اسپاپ­تار­دى بولەك ساقتاۋدى قامتاماسىز ەتۋگە ءتيىس. ساقتاۋ شارتى ات ازىرلەۋشىلەردىڭ نۇسقاۋلارىنا جاۋاپ بەرۋگە ءتيىس, ال بۇل ءۇي-جايلارعا شەكتەۋ قويىلىپ, رۇقسات تەك ۋاكىلەتتى پەرسونالعا عانا بەرىلۋگە ءتيىس. 3. پەرسونالعا قويىلاتىن تالاپتار 7.  ات تق جانە ج جونىندەگى سەرتيفيكاتتى الۋ ءۇشىن ات تق جانە ج جونىندەگى ۇيىم جاۋاپ­تى باسشىنى تاعايىندايدى, وعان جۇمىستارعا تاپسىرىس بەرۋشىنىڭ تالاپتارىنا سايكەس ات تق جانە ج جونىندەگى بارلىق جۇمىستاردى قارجى­لاندىرۋ جانە ۋاقتىلى ورىنداۋ بولىگىندە جاۋاپكەرشىلىك جۇكتەلەدى. 8. ات تق جانە ج جونىندەگى ۇيىمدا ۇيىم­نىڭ وسى تالاپتارعا تۇراقتى تۇردە سايكەستىگىنە قاتىستى جاۋاپ بەرەتىن باسشى پەرسونال بولادى. بۇل باسشى پەرسونال تەك ۇيىمنىڭ جاۋاپتى باسشىسىنا عانا باعىنادى, بۇل رەتتە: 1) باسشى پەرسونال قازاقستان رەسپۋبليكا­سىنىڭ ۇكىمەتى بەكىتەتىن ازاماتتىق جانە ەكس­پەريمەنتالدى اۆياتسيانىڭ اۆياتسيا پەرسونا­لىن اتتەستاتتاۋ قاعيداسىنا سايكەس اتتەستات­تالادى; 2) ءاربىر ناقتى ادامنىڭ, ولاردىڭ ۇزاق ۋاقىت بولماي قالعان جاعدايدا ورنىن اۋىستى­رۋدىڭ ايقىن راسىمدەرى بولۋعا ءتيىس. 9. جاۋاپتى باسشى كەرi بايلانىس جۇيەسiن قوسا العاندا, ساپا جۇيەسىنە قاتىسى جاۋاپتى بولاتىن ادامدى تاعايىندايدى. بۇل تاعايىن­دال­عان ادام ساپا جانە تالاپتارعا سايكەستiك ماسەلەلەرى بويىنشا جاۋاپتى باسشىعا تيiسiنشە اقپارات بەرۋدى قامتاماسىز ەتۋ ءۇشىن جاۋاپتى باسشىعا تiكەلەي كىرە الۋعا ءتيىس. 10. ات تق جانە ج جونىندەگى ۇيىمدا جوسپارلاۋ, ورىنداۋ, ءوندىرىستى باسقارۋ جانە جۇمىس­تاردىڭ ساپاسىن باقىلاۋ ءۇشىن ونى بەكىتۋ سالا­سىنا سايكەس قىزمەتكەرلەردىڭ جەتكىلىكتى ءوز شتا­تى بار ەكەندىگىن راستايتىن جۇكتەمە جوسپارى بولۋعا ءتيىس. بۇدان باسقا, ۇيىمدا قىزمەتكەر­لەر­دىڭ ءىس جۇزىندەگى شتاتى ناقتى جۇمىس اۋىسىمى نەمەسە جۇمىس كەزەڭى ءۇشىن جوسپارلانعاننان از بولعان جاعدايدا ورىنداۋعا قابىلدانعان جۇ­مىس­تاردى جەدەل قايتا جوسپارلاۋ ءراسىمى بولۋعا ءتيىس. 11. ات تق جانە ج جونىندەگى ۇيىم ازا­ماتتىق اۆياتسيا سالاسىنداعى ۋاكىلەتتى ورگانمەن كەلىسىلگەن راسىمدەرگە سايكەس تق ورىنداۋعا, باسقارۋعا نەمەسە جۇمىس ساپاسىن باقىلاۋعا قاتىساتىن پەرسونالدىڭ قۇزىرەت دەڭگەيىن بەلگىلەيدى جانە باقىلايدى. بەلگىلى ءبىر ەڭبەك فۋنك­تسياسىنا قاتىستى قاجەتتى جۇمىس تاجىريبەسىنەن باسقا, قۇزىرەتتىلىك دەڭگەيى ادام فاكتورى ماسە­لە­لەرى مەن وسى ادامنىڭ ۇيىمداعى ءتيىستى فۋنكتسياسىنا بايلانىستى ادامنىڭ قاسيەتتەرiن ءتۇسىنۋدى قامتيدى. 12. ات تق جانە ج جونىندەگى ۇيىم مىسا­لى, اك جانە/نەمەسە قۇرامداستاردى بۇزىلماي­تىن باقىلاۋ سياقتى ۇشۋعا جارامدى ەتىپ ۇس­تاۋعا بايلانىستى جۇمىستاردىڭ ارنايى تۇرلە­رiن ورىندايتىن نەمەسە باقىلايتىن پەرسونالدا اك/كومپونەنت بولىكتەردى ازىرلەۋشىلەردىڭ نورماتيۆتىك تالاپتارىنا سايكەس كەلەتىن بىلىكتى­لىكتىڭ بولۋىن قامتاماسىز ەتەدى. 13. ساپا جۇيەسiنە قاتىستى جاۋاپ بەرەتىن ادام, ات تق جانە ج جونىندەگى ۇيىمنىڭ اتى­نان رۇقسات ەتiلەتiن پەرسونالعا رۇقساتتار بەرۋگە دە جاۋاپ بەرەدى. 14. ۇيىم بارلىق ينجەنەر-تەحنيكالىق پەرسونالدىڭ ءتىزىلىمىن جۇرگىزەدى. پەرسونالدىڭ ءتىزىلىمى مىنالاردان تۇرادى: 1) ات تق جانە ج جونىندەگى مامانداردىڭ كۋالىكتەرى تۋرالى مالىمەتتەر; 2) پەرسونال وتكەن بارلىق دايارلىق تۇرلەرi تۋرالى مالىمەتتەر; 3) بەرىلگەن رۇقساتتار سالاسىندا; 4) شەكتەلگەن نەمەسە بىرنەشە رۇقساتى بار پەرسونال جونىندەگى دەرەكتەر. 15. ات تق جانە ج جونىندەگى ۇيىم ءتىزىلىم­نىڭ دەرەكتەرىن ينجەنەر-تەحنيكالىق پەرسونال قۇرامىنداعى ادام وسى ۇيىمنان جۇمىستان كەتكەن كۇنىنەن نە رۇقساتتى جويعان كۇننەن باستاپ كەمىندە ەكى جىل ساقتايدى. بۇدان باسقا, رۇقسات ەتىلگەن پەرسونالدىڭ قۇرامىنداعى جۇمىستان كەتەتىن ادامنىڭ سۇراۋ سالۋى بويىنشا ات تق جانە ج جونىندەگى ۇيىم بەس جۇمىس كۇنى ىشىندە وعان تىزىلىمنەن ءۇزىندى كوشىرمە بەرەدى. 16. ينجەنەر-تەحنيكالىق پەرسونالدىڭ قۇرامىنداعى ادامنىڭ سۇراۋ سالۋى بويىنشا وعان ءبىر جۇمىس كۇنى ىشىندە جوعارىدا اتالعان ءتىزىلىمنىڭ جەكە دەرەكتەرىنە رۇقسات بەرىلەدى. 4. ات تق جانە ج جونىندەگى ۇيىمنىڭ جابدىقتارىنا, اسپاپتارى مەن ماتەريالدارىنا قويىلاتىن تالاپتار 17. ات تق جانە ج جونىندەگى جۇمىستاردى ورىنداۋ ءۇشىن بەكىتىلگەن قىزمەت سالاسىنا سايكەس ات تق جانە ج جونىندەگى ۇيىم قاجەتتى جابدىق­تارعا, اسپاپتار مەن ماتەريالدارعا يە بولادى. ەگەر ات ازىرلەۋشى ناقتى قۇرالدى نەمەسە اسپاپتى قولدانۋدى كورسەتسە, وندا ات تق جانە ج جونىندەگى ۇيىم وسى جابدىقتى نەمەسە اسپاپتى ات تق جانە ج جونىندەگى ۇيىمنىڭ قىزمەتى تۋرالى باسشىلىقتا جابدىقتاردىڭ نەمەسە اسپاپتاردىڭ وزگە تۇرلەرiن قولدانۋ جونىندە راسىمدەر بەلگىلەنگەن جاعدايلاردى قوسپاعاندا, قولدانادى. جابدىق نەمەسە اسپاپ ونى ءىس جۇزىندە ۇدايى پايدالانۋدىڭ مۇلدەم قاجەتتىگى بولماي­تىنداي سيرەك قاجەت بولاتىن جاعدايلاردى قوسپاعاندا, جابدىق پەن اسپاپ ات تق جانە ج جونىندەگى ۇيىمنىڭ ۇدايى بيلىگىندە بولادى. مۇنداي جاعدايلار ات تق جانە ج جونىندەگى ۇيىمنىڭ قىزمەتى تۋرالى نۇسقاۋدا ەگجەي-تەگجەيلى سيپاتتالادى. كەزەڭدى تق ورىنداۋعا بەكىتىلگەن ات تق جانە ج جونىندەگى ۇيىم قول-جەتىمدى قاجەتتى قۇ­رالدارمەن جابدىقتالادى جانە وندا اك مۇقيات تەكسەرۋ ءۇشىن تەكسەرۋ مەن قاراۋدى جۇرگىزۋ ءۇشىن تۇعىرناماسى (نەمەسە بالاما جابدىعى) بولادى. 18. ات تق جانە ج جونىندەگى ۇيىم جۇمىس ىستەۋ قابىلەتىن جانە دالدىكتى قامتاماسىز ەتەتىن كەزەڭدىلىكپەن باقىلاۋ قۇرالدارىن قوسا العان­دا, بارلىق جابدىقتار مەن اسپاپتاردى ەسەپكە الۋدى جانە مەترولوگيالىق باقىلاۋدى قامتاما­سىز ەتەدى. ۇيىم وسىنداي مەترولوگيالىق باقى­لاۋ جانە بۇل رەتتە قولدانىلاتىن ستاندارتتار بويىنشا ەسەپتiك قۇجاتتامانى جۇرگiزۋدi قامتا­ماسىز ەتەدى. 5. ات تق جانە ج جونىندەگى قۇجاتتاماعا قويىلاتىن تالاپتار 19. ات تق جانە ج جونىندەگى سەرتيفي­كاتتى الۋ ءۇشىن ات تق جانە ج جونىندەگى ۇيىم­نىڭ ءوز بيلىگىندە ات تق جانە ج جونىندە قول­داناتىن قۇجاتتار بولادى جانە ونى تۇرلەندىرۋ مەن جوندەۋدى قوسا العاندا, ات تق جانە ج ورىنداۋ كەزىندە پايدالانادى. 20. ات تق جانە ج جونىندەگى قولدانى­لاتىن قۇجاتتار مىنالاردى بىلدىرەدى: 1) ازىرلەۋشى شىعارعان كەز كەلگەن قولدانى­لاتىن تالاپتار, تەحنولوگيالار, پايدالانۋ ديرەكتيۆالارى نەمەسە وزگە دە دەرەكتەر; 2) ازىرلەۋشى شىعارعان كەز كەلگەن قولدانى­لاتىن ۇشۋ جارامدىلىعىنىڭ ديرەكتيۆالارى; 3) ات ءتيپتى سەرتيفيكاتتى جانە وعان تولىق­تىرۋلاردى ۇستاۋشىلار, سونداي-اق وسىن­داي نۇسقاۋلاردى شىعاراتىن باسقا دا ۇيىمدار شىعارعان ۇشۋ جارامدىلىعىن ۇستاۋ جونىندە قولدانىلاتىن نۇسقاۋلار; 4) وسى سەرتيفيكاتتاۋ تالاپتارىنىڭ 27-تارماعىنا سايكەس شىعارىلعان كەز كەلگەن قولدانىلاتىن قۇجاتتار مەن دەرەكتەر. 21. ات تق جانە ج جونىندەگى ۇيىم ءوندى­رىستىك پەرسونال پايدالاناتىن ات تق جانە ج جونىندەگى قۇجاتتامادا ءدال ەمەس, تولىق ەمەس نەمەسە دۇرىس ەمەس راسىمدەردى نەمەسە تەحنولوگيا­لاردى, مالىمەتتەردى نەمەسە نۇسقاۋلاردى تاپقان جاعدايدا مۇنداي دەرەكتەردى تىركەۋدى جانە ات تق جانە ج جونىندەگى قۇجاتتاما اۆتورىن حاباردار ەتۋدى قامتاماسىز ەتەتىن راسىمدەردى بەلگىلەيدى. 22. ۇيىم ات تق جانە ج جونىندەگى نۇس­قاۋدى ات تق جانە ج جونىندەگى ۇيىمنىڭ ساپا­سى تۋرالى باسشىلىقتا ايقىندالعان تارتىپپەن عانا وزگەرتەدى, بۇل رەتتە جوندەۋ مەن تۇرلەندى­رۋ­گە ارنالعان قۇجاتتامانى ازىرلەۋ پروتسەستەرىنە جول بەرىلمەيدى. مۇنداي وزگەرىستەرگە قا­تىستى ۇيىم تق بالامالى نەمەسە نەعۇرلىم جوعا­رى ستان­دارتتارىن قامتاماسىز ەتەتىندىگىن كورسەتەدى جانە اك ءتيپتى سەرتيفيكاتتى ۇستاۋ­شىنى وسىن­داي وزگەرىستەر تۋرالى حاباردار ەتەدى. 23. ۇيىم ءوز قىزمەتىندە پايدالانۋ ءۇشىن تەحنولوگيالىق جۇمىس كارتالارىن ازىرلەۋدىڭ جالپى جۇيەسىن جاسايدى. بۇدان باسقا, ۇيىم وسى تەحنولوگيالىق جۇمىس كارتالارىنا وسى سەرتيفيكاتتالعان تالاپتاردا كوزدەلگەن ات تق جانە ج جونىندەگى قۇجاتتامادان اقپاراتتى نە تولىق نە دالمە-ءدال كوشىرەدى نە جۇمىس كارتا­لارىندا ات تق جانە ج جونىندەگى جۇمىستاردى ورىنداۋ بويىنشا ناقتى نۇسقاۋلارعا ءدال سىلتەمەلەر بەرەدى. تەحنولوگيالىق جۇمىس كارتالا­رىن كومپيۋتەردى پايدالانىپ قالىپتاستىرۋعا جانە ەلەكتروندىق بازادا ساقتاۋعا رۇقسات ەتىلەدى. مۇنداي جاعدايدا ۇيىم دەرەكقوردى قوردى رۇقساتسىز وزگەرتۋلەرگە قارسى قورعاۋدى جانە نەگىزگى دەرەكقورعا كەز كەلگەن وزگەرىستى ەنگىزگەن ساتتەن باستاپ 24 ساعاتتان اسپايتىن مەرزىمدە جاڭارتىلۋعا ءتيىس رەزەرۆتىك دەرەكقوردىڭ بو­لۋىن قامتاماسىز ەتەدى. ات تق جانە ج ءجونىن­دەگى جۇمىستاردىڭ كۇردەلى تۇرلەرىن ورىنداۋدى ەسەپكە الۋ ءۇشىن ولاردىڭ تەحنولوگياسى جۇمىس­تاردىڭ ايقىن جانە  تۇسىنىكتى كەزەڭدەرىنە ءبولىپ, تەحنولوگيالىق جۇمىس كارتالارىنا كوشىرىلەدى. ەگەر ۇيىم ءوزىنىڭ تەحنولوگيالىق جۇمىس كارتالارىنىڭ مەنشىكتى جۇيەسىن پايدالانۋدى تالاپ ەتەتىن اك پايدالانۋشىعا ات تق جانە ج قىزمەتتەرىن ۇسىنسا, وندا پايدالانۋشى كارتا­لا­رىنىڭ وسىنداي جۇيەسىن پايدالانۋعا جول بەرىلەدى. مۇنداي جاعدايدا ۇيىم اك پايدا­لانۋشىنىڭ تەحنولوگيالىق جۇمىس كارتالارىن دۇرىس ورىنداۋدى قامتاماسىز ەتەتىن ءراسىمدى قابىلدايدى. 24. ات تق جانە ج جونىندەگى ۇيىم ات تق جانە ج جونىندەگى قۇجاتتامانى ءوز پەرسونا­لىنىڭ كەدەرگىسىز پايدالانۋ مۇمكىندىگىن قامتا­ماسىز ەتەدى. 25. ات تق جانە ج جونىندەگى ۇيىم ۋاقتىلى جاڭارتىپ وتىرۋعا كەپىلدىك بەرەتىن ات تق جانە ج جونىندەگى قۇجاتتامانىڭ جاي-كۇيىن باقىلاۋ ءراسىمىن بەلگىلەيدى. ەگەر قۇجاتتامانىڭ جاي-كۇيىن وسىنداي باقىلاۋدى اك پايدالانۋ­شى/تاپسىرىس بەرۋشى جۇزەگە اسىراتىن جانە ءوزى ات تق جانە ج جونىندەگى وسى قۇجاتتامانى ۇسىناتىن بولسا, وندا ات تق جانە ج جونىندەگى ۇيىم مۇنى پايدالانۋشىدان/تاپسىرىس بەرۋشىدەن ات تق جانە ج جونىندەگى قۇجاتتاماعا بارلىق مىندەتتى وزگەرىستەردىڭ ەنگىزىلگەندىگىن كۋالاندىراتىن حات نە ات تق جانە ج جونىندەگى قۇجاتتامانى پايدالانۋعا جاتاتىن مارتەبەنى ايقىندايتىن شارتتى نە اك-نە پايدالانۋشى/تاپسىرىس بەرۋشى بەرگەن ات تق جانە ج جونىندەگى قۇجاتتاماعا وزگەرىستەر ەسەپكە الىنعان پاراقتى بەرۋ جولىمەن راستايدى. 26. ۇيىمدا جوندەۋ, تەحنولوگيالىق جانە باقىلاۋ قۇجاتتامالارى بولۋعا ءتيىس. 27. ۇيىمدا بەلگىلەنگەن تارتىپپەن بەكىتىلگەن, قۇرامى جانە سانى بويىنشا: 1) ۇيىمنىڭ بارلىق قاجەتتى تەحنولوگيا­لىق قۇجاتتامانى ازىرلەۋىن; 2) قاجەتتى جوندەۋ قۇرالدارىن ازىرلەۋدى جانە دايارلاۋدى; 3) بۇيىمدى جوندەۋ پروتسەسىندە بارلىق بۇ­زىلۋلاردى (اقاۋلاردى) تابۋدى جانە ولاردى با­عالاۋ مەن جويۋ جونىندە شەشىمدەر قابىل­داۋدى; 4) بۇيىمداردى تۇرلەندىرۋدى جانە قالپىنا كەلتىرۋ جۇمىستارىن ورىنداۋدى; 5) بولشەكتەردى دايىنداۋدى قامتاماسىز ەتەتىن, ەسەپكە الىنعان كونسترۋكتورلىق قۇجات­تاما بولادى. 28. ۇيىم: 1) كونسترۋكتورلىق قۇجاتتامانى باسقارۋ جونىندەگى راسىمدەردى ازىرلەۋدى; 2) جوندەلىنەتىن اۆياتەحنيكانىڭ ءاربىر ءتۇرى بويىنشا جوندەۋ ءۇشىن قۇجاتتار ۆەدومو­سىنىڭ بولۋىن; 3) قولدانىستاعى كونسترۋكتورلىق قۇجاتتا­ما­نى ەسەپكە الۋ مەن ساقتاۋدى ۇيىمداستىرۋدى; 4) ءتۇسىپ جاتقان وزگەرىستەردى دۇرىس جانە ۋاقتىلى ەنگىزۋ مەن ولاردى ورىنداۋشىلار مەن تەحنيكالىق باقىلاۋ ءبولىمىنىڭ قىزمەتكەرلەرىنە جەتكىزۋدى; 5) جارامسىز كونسترۋكتورلىق قۇجاتتامانى قولدانىستان الۋدى قامتاماسىز ەتەدى. 29. بۇيىمداردى جوندەۋ (تۇرلەندىرۋ) اۆياتەحنيكانى جوندەۋ جونىندەگى نورماتيۆتىك-تەحنيكالىق قۇجاتتامانىڭ تالاپتارىن ساقتاي وتىرىپ, جاساۋشى (ازىرلەۋشى) بەلگىلەنگەن ءتار­تىپ­پەن ازىرلەگەن جوندەۋ جونىندەگى قۇجاتتاما (جوندەۋ جونىندەگى نۇسقاۋ, نەگىزگى بولشەكتەۋ مەن جوندەۋ رۇقساتتارىنىڭ البومى جانە باس­قالار) بويىنشا جۇزەگە اسىرىلادى. تەحنولو­گيالىق قۇجاتتامادا جۇمىستاردى ورىنداۋ تاسىلدەرى, كەزەكتىلىگى جانە شارتتارى, باقىلا­ناتىن پارامەترلەر مەن باقىلاۋ تاسىلدەرى, تەحنولوگيالىق قۇرىلعى, قۇرال مەن ماتەريالدار, بۇيىمداردى زاقىمدانۋدان جانە لاستانۋدان قورعاۋعا, وندىرىستىك ورتاعا قويىلاتىن تالاپتار, بولشەكتەردى سايكەستەندىرۋ تاسىلدەرى كورسەتىلۋگە ءتيىس. جاساۋشىنىڭ (ازىرلەۋشىنىڭ) كونسترۋكتور­لىق جانە تەحنولوگيالىق قۇجاتتاماسى, سونداي-اق قولدانىستاعى مەملەكەتتىك, سالالىق ستاندارتتار مەن ونەركاسىپتىڭ تەحنولوگيالىق نۇس­قاۋ­لىقتارى نەگىزىندە ۇيىم ازىرلەگەن تەحنولو­گيالىق قۇجاتتاما قولدانىلۋى مۇمكىن. مۇنداي قۇجاتتاما جاساۋشىمەن (ازىرلەۋشىمەن) كەلىسىلگەن. ۇيىم تەحنولوگيالىق قۇجاتتامانى پايدا­لا­نۋدى, وزگەرىستەر ەنگىزۋدى, ورىنداۋشىلارعا جەتكىزۋدى, ەسەپكە الۋ مەن ساقتاۋدى جۇزەگە اسىرادى. اۋە كەمەلەرىنىڭ (كومپونەنتتەردىڭ) جەكەلەگەن دانالارىن تۇرلەندىرۋ ازىرلەۋشىنىڭ قۇجاتتاماسى بويىنشا نەمەسە ونىمەن كەلىسىلىپ ورىندالادى. 30. بۇيىمداردى جوندەۋدىڭ (تۇرلەندىرۋ­دىڭ) بارلىق ساتىسىندا: 1) بۇيىمنىڭ اتاۋى مەن نومىرىنەن; 2) تۇرلەندىرۋدى جانە كونسترۋكتورلىق قۇجاتتامانىڭ جانە تەحنولوگيالىق قۇجاتتا­ما­نىڭ (تەحنيكالىق شەشىمدەر پاراقتارى, رۇقسات كارتالارى جانە باسقالارى) تالاپتارىنان جىبەرىلگەن اۋىتقۋلاردى قوسا العاندا, ورىندالعان جۇمىستاردىڭ كولەمى مەن مازمۇنىنان; 3) بولشەكتەردىڭ, بۇعاۋلاردىڭ جانە بۇيىمداردىڭ ءىس جۇزىندەگى سيپاتتامالارى مەن پارامەترلەرىنەن; 4) جۇمىستاردى ورىنداۋ مەن باقىلاۋ كۇنىنەن; 5) ورىنداۋشىلار مەن باقىلاۋشىلاردىڭ تەگىنەن جانە قولىنان ء(مورتاڭباسىنان, جەكە تاڭباسىنان) تۇراتىن باقىلاۋ قۇجاتتاماسى رەسىمدەلەدى. 31. وندىرىستىك-باقىلاۋ قۇجاتتاماسىنىڭ (ەتالوندىق جوندەۋ ءىسى) قۇرامى مەن نىسانىن قولدانىستاعى نورماتيۆتىك قۇجاتتاما نەگىزىندە بۇيىمنىڭ تيپىنە جانە جوندەۋدى ۇيىمداستى­رۋعا قولدانىلاتىنداي ەتىپ ۇيىم ازىرلەيدى, بەكىتەدى جانە تۇزەتەدى. بۇيىمدا رەسىمدەلگەن وندىرىستىك-باقىلاۋ قۇجاتتاماسى «بۇيىمدى جوندەۋ ءىسىنىڭ» قۇرامىندا جيناقتالادى. 32. بۇيىمنىڭ ءاربىر داناسىنا رەسىمدەلگەن «جوندەۋ ءىسى» ەتالوندىق «بۇيىمدى جوندەۋ ىسىنە» سايكەس كەلۋگە ءتيىس. «بۇيىمدى جوندەۋ ءىسى» بۇيىمدى ەسەپتەن شىعارعانعا دەيىن ۇيىمدا ساقتالادى. ۇيىم تاراتىلعان جاعدايدا «جوندەۋ ءىسى» ازاماتتىق اۆياتسيا سالاسىنداعى ۋاكىلەتتى ورگان انىقتاعان ۇيىمعا بەرىلەدى. 33. پايدالانۋ قۇجاتتاماسىنىڭ نومەنكلا­تۋراسى مەن ونى جۇرگىزۋ ءتارتىبى ۋاكىلەتتى ورگان بەكىتكەن ستاندارتتار مەن اۆياتسيالىق تەحنيكا­نى پايدالانۋ قاعيدالارىنىڭ تالاپتارىنا جاۋاپ بەرۋگە ءتيىس. 6. ءوندىرiستi جوسپارلاۋعا قويىلاتىن تالاپتار 34. ات تق جانە ج جونىندەگى سەرتيفي­كاتتى الۋ ءۇشىن ات تق جانە ج جونىندەگى ۇيىمدا ورىندالاتىن جۇمىستاردىڭ كولەمى مەن كۇردەلىلىگىنە جاۋاپ بەرەتىن جانە بارلىق رەسۋرستاردى: پەرسونالدى, جابدىقتاردى, اسپاپ­تى, ماتەريالداردى, ات تق جانە ج جونىندەگى قۇجاتتامانى جانە ات تق جانە ج جونىندەگى جۇمىستاردى قاۋىپسىز ورىنداۋ ءۇشىن قاجەتتى ءوندiرiستi ءۇي-جايلاردى جوسپارلاۋ ءۇشىن پايدا­لاناتىن ءوندiرiستi جوسپارلاۋ جۇيەسى بولادى. 35. ات تق جانە ج جونىندەگى جۇمىستاردى جوسپارلاۋ مەن جۇمىس اۋىسىمىن ۇيىمداستىرۋ ادامنىڭ پسيحوفيزيولوگيالىق شەكتەۋلەرىن ەسكەرە وتىرىپ, قازاقستان رەسپۋبليكاسىنىڭ ەڭبەك­تى قورعاۋ جانە قاۋىپسىزدىك تەحنيكاسى سالاسىنداعى نورماتيۆتىك قۇقىقتىق اكتىلەرىنىڭ تالاپتارىن ەسكەرە وتىرىپ جۇرگىزىلەدى. 36. اۋىسىمعا نەمەسە ورىنداۋشىلار قۇرامىنىڭ وزگەرۋىنە بايلانىستى ات تق جانە ج جونىندەگى جۇمىستاردى جالعاستىرۋ نەمەسە اياقتاۋ قاجەت بولعان جاعدايدا ءتيىستى اقپارات اۋىساتىننان جاڭادان كەلگەن پەرسونالعا دالمە-ءدال بەرىلەدى. 7. ات تق جانە ج جونىندەگى جۇمىستار تۋرالى مالىمەتتەردى ەسەپكە الۋعا قويىلاتىن تالاپتار 37. ات تق جانە ج جونىندەگى سەرتيفي­كاتتى الۋ ءۇشىن ات تق جانە ج جونىندەگى ۇيىم ورىندالعان جۇمىستار تۋرالى بۇكىل اقپاراتتى تىركەيدى. ات تق جانە ج جونىندەگى ۇيىم جۇمىس­تاردىڭ قوسالقى مەدىگەرلەرى (تاراپتى ۇيىمدار) رەسىمدەيتىن, ات-نى پايدالانۋعا رۇقسات بەرۋ تۋرالى قۇجاتتاردى قوسا العاندا, تق تۋرالى كۋالىكتەردى رەسىمدەۋگە قاتىستى بارلىق تالاپتاردى ساقتاۋدى راستاۋ ءۇشىن قاجەتتى ەسەپتىك مالىمەتتەردى ساقتايدى. 38. ات تق جانە ج جونىندەگى ۇيىم اك پايدالانۋشىنىڭ بيلىگىنە ول رەسىمدەگەن ءاربىر ات تق جانە ج تۋرالى كۋالىكتىڭ كوشىرمەسىن, سونداي-اق وسى جوندەۋدى نەمەسە تۇرلەندىرۋدى ورىنداعان كەزدە پايدالانىلعان جوندەۋگە نەمەسە تۇرلەندىرۋگە ارنالعان كەز كەلگەن بەكىتىلگەن قۇجاتتامانىڭ كوشىرمەسىن بەرەدى. 39. ات تق جانە ج جونىندەگى ۇيىم ات تق جانە ج جونىندەگى جۇمىستار تۋرالى ەسەپتىك مالىمەتتەردى جانە ات تق جانە ج جونىندەگى جۇمىستارعا بايلانىستى كەز كەلگەن قۇجاتتا­مانى وسى جۇمىستار ورىندالعان ناقتى اك نەمەسە اك قۇرامداس بولىگىن وسى ۇيىمنان شىعار­عان كۇننەن ەكى جىل ىشىندە مىناداي تاسىلمەن ساقتايدى: 1) وسى تارماقتا كوزدەلگەن مالىمەتتەر ولار­دى ءب ۇلىنۋ جانە جويۋدان قورعاۋدى قامتا­ماسىز ەتەدى; 2)  دەرەكتەردى مۇراعاتتاۋ مەن رەزەرۆتىك ساقتاۋ ءۇشىن پايدالاناتىن بارلىق كومپيۋتەرلىك جابدىقتار دەرەكتەردىڭ جۇمىس كوشىرمە­لەرىنەن تۇراتىن جابدىقتاردان بولەك جانە وسى جابدىقتار مەن مۇراعات دەرەكتەردىن جاقسى  كۇيدە ۇستاۋدى قامتاماسىز ەتەتىن جاعدايدا ورنالاسادى; 3) ۇيىم ءوز قىزمەتىن توقتاتقان جاعدايدا سوڭعى ەكى جىلدا ات تق جانە ج جۇمىستارى تۋرالى بارلىق ساقتالعان ەسەپتىك مالىمەتتەر سوڭعى تاپسىرىس بەرۋشىگە نەمەسە ءتيىستى اك نەمەسە كومپونەنتىنىنىڭ يەسىنە بەرىلەدى نە ولاردى ازاماتتىق اۆياتسيا سالاسىنداعى ۋاكىلەتتى ور­گان­نىڭ نۇسقاۋلارىنا سايكەس ساقتاۋ قامتاماسىز ەتىلەدى. 8. ۇشۋعا جارامدىقتىڭ بۇزىلۋى تۋرالى ەسەپتىلىككە قويىلاتىن تالاپتار 40. ات تق جانە ج جونىندەگى ۇيىم ازا­ماتتىق اۆياتسيا سالاسىنداعى ۋاكىلەتتى ورگانعا, اك تىركەۋ مەملەكەتى مەن اك نەمەسە كومپونەن­تىنىڭ ۇلگىلىك كونسترۋكتسياسى نەمەسە ۇلگىلىك كونس­ترۋكتسياسىن تۇرلەندىرۋ ءۇشىن جاۋاپتى ۇيىمعا جانە قاجەت بولعان جاعدايدا پايدالا­نۋشىنىڭ مەملەكەتىنە وسى ۇيىم كەز كەلگەن انىقتاعان ۇشۋ قاۋىپسىزدىگىنە ايتارلىقتاي اسەر ەتەتىن نەمەسە وسىنداي اسەر ەتۋى مۇمكىن اك-ءنىڭ نەمەسە قۇرامداس بولىگىنىڭ ۇشۋ جارامدى­لىعىنىڭ بۇزىلۋى تۋرالى ەسەپتى جىبەرەدى. 41. ات تق جونىندەگى ۇيىم وسى سەرتيفيكاتتاۋ تالاپتارىنىڭ 41-تارماعىنىڭ ەرەجەلەرىنە سايكەس ەسەپتىلىككە جاتاتىن وقيعالاردى باعالاۋ ناتيجەلەرى بويىنشا ىرىكتەۋ راسىمدەرىن قوسا العاندا, وسىنداي ەسەپتىلىك دەرەكتەرىن جيناۋ مەن باعالاۋدى قامتاماسىز ەتەتىن ۇشۋ جا­رامدىلىعىنىڭ بۇزۋشىلىقتارى تۋرالى ەسەپ­تىلىكتىڭ ىشكى جۇيەسىن قۇرادى جانە ات تق جانە ج جونىندەگى ۇيىمنىڭ قىزمەتى تۋرالى باسشى­لىقتا باياندايدى. اتالعان راسىمدەر كەمشiلiك­تەردi جويۋعا قابىلدانعان تۇزەتۋشi ءىس-ارەكەتتەر­دىڭ تەرىس ۇردىستەرىن انىقتايدى, سونداي-اق قارا­لاتىن وقيعالار بويىنشا بارلىق قولدا بار اق­پاراتتى تالداۋ ءتارتىبى مەن وسى اقپاراتتى قاجەت بولعان جاعدايدا تاراتۋ ادiستەرiن قامتيدى. 42. ات تق جانە ج جونىندەگى ۇيىم ازاماتتىق اۆياتسيا سالاسىنداعى ۋاكىلەتتى ورگان بەلگىلەگەن جاعدايلاردا جانە نىسان بويىنشا ەسەپتىلىكتى جىبەرەدى جانە ۇيىم ايقىنداعان بۇزۋشىلىقتار, ولاردىڭ انىقتاۋ شارتتارى جانە ولاردى تالداۋ ناتيجەلەرi تۋرالى بارلىق قاجەتتi اقپاراتتى قامتيدى. 43. ەگەر ات تق جانە ج جونىندەگى ۇيىم اك ۇشۋ جارامدىلىعىن ونىڭ كوممەرتسيالىق پايدالانۋشىسىمەن شارت بويىنشا قولداۋدى جۇزەگە اسىراتىن بولسا, وندا وسى ۇيىم, سونداي-اق اك پايدالانۋشىعا دا اتالعان پايدالانۋ­شى­عا تيەسىلى اك-ءنىڭ نەمەسە قۇرامداس بولىكتىڭ ۇشۋ جارامدىلىعىنا اسەر ەتەتىن كەز كەلگەن وسىنداي وقيعا تۋرالى اقپارات ءۇشىن ەسەپ جىبەرەدى. 44. ۇيىم ەسەپتىلىكتى مۇمكىندىگىنشە قىسقا مەرزiم ىشىندە, بiراق كەز كەلگەن جاعدايدا مiن­دەتتi ەسەپتىلىككە جاتاتىن وقيعانى ات تق جانە ج جونىندەگى ۇيىم  تاپقان ساتتەن باستاپ 72 ساعاتتان كەشىكتىرمەي ازىرلەيدى جانە جىبەرەدi. 9. ات تق جانە ج جونىندەگى ۇيىمنىڭ قىزمەتى تۋرالى نۇسقاۋعا قويىلاتىن تالاپتار 45. ات تق جانە ج جونىندەگى ۇيىم ازا­ماتتىق اۆياتسيا سالاسىنداعى ۋاكىلەتتى ورگانعا مىناداي اقپاراتتى قامتيتىن ات تق جانە ج جونىندەگى ۇيىمنىڭ قىزمەتى تۋرالى نۇسقاۋدى تابىس ەتۋگە ءتيىس: 1) قىزمەتىن ات تق جانە ج جونىندەگى ۇيىمنىڭ قىزمەتى تۋرالى نۇسقاۋدىڭ ەرەجەلەرىنە جانە وندا كورسەتىلگەن بارلىق نۇسقاۋلارعا سايكەس جۇزەگە اسىرعان كەزدە جاۋاپتى باسشى قول قويعان ۇيىم قىزمەتىنىڭ وسى سەرتيفيكاتتاۋ تالاپتارىنىڭ شارتتارىنا سايكەستىگى تۋرالى دەكلاراتسيا, سونداي-اق وسى سايكەستىكتى ۇنەمى قولداۋ مىندەتتەمەسى. ەگەر جاۋاپتى باسشى ۇيىمداعى ءبىرىنشى تۇلعا بولىپ تابىلماسا, وندا بۇل تۇلعا وسى دەكلاراتسياعا قول قويۋعا ءتيىس; 2) سەرتيفيكاتتاۋ تالاپتارىنا سايكەس قاۋىپ­سىزدىك جانە ساپا سالاسىنداعى ۇيىم ساياساتى; 3) ولار بويىنشا ازاماتتىق اۆياتسيا سالاسىنداعى ۋاكىلەتتى ورگانعا ات تق جانە ج جونىندەگى ۇيىم اتىنان تىكەلەي جۇگىنۋگە قۇقى­لى بولاتىن ماسەلەلەردى قوسا العاندا, وسى سەرتيفيكاتتاۋ تالاپتارىنىڭ 7-تارماعىنا سايكەس تاعايىندالعان تۇلعالاردىڭ تەڭ باعىنىستىلى­عىن كورسەتە وتىرىپ, تەكتەرى مەن لاۋازىمدارى­نىڭ, ولاردىڭ قۇقىقتارى مەن مىندەتتەرىنىڭ تىزبەسى, ۇيىمدى باسقارۋ قۇرىلىمى; 4) ينجەنەرلىك-تەحنيكالىق پەرسونالدىڭ ءتىزىلىمى; 5) ۇيىم قىزمەتكەرلەرى قۇرامىنىڭ جالپى سيپاتتاماسى; 6) وتىنىمدە كورسەتىلگەن ۇيىم مەكەن-جايلارىنىڭ ارقايسىسى بويىنشا ورنالاسقان وندىرىستىك قۋاتتاردىڭ جالپى سيپاتتاماسى; 7) سۇراۋ سالىنعان بەكىتۋ سالاسىنا سايكەس ۇيىم قىزمەتى سالاسىنىڭ سيپاتتاماسى; 8) قىزمەت تۋرالى باسشىلىققا وزگەرىستەر ەنگىزۋ راسىمدەرى; 9) وسى تالاپتارعا سايكەس ۇيىمدا بەلگىلەنگەن جانە ساپا بويىنشا باسشىلىقتا جازىلعان راسىمدەر مەن ساپا جۇيەسى; 10) ولار ءۇشىن ۇيىم ات تق جانە ج قىزمەتتەرىن كورسەتەتىن اك پايدالانۋشىمەن جانە/نەمەسە ات تق جانە ج جونىندەگى ۇيىممەن ءوزارا ءىس-قيمىل ءتارتىبى, ەگەر مۇندايلار بولسا; 11) ات تق جانە ج ورىنداۋعا تارتىلاتىن قوسالقى مەردىگەر (تاراپتى) ۇيىمدارمەن ءوزارا ءىس-قيمىل ءتارتىبى, ەگەر مۇندايلار بولسا; 12) تق جەلىلىك/سىرتقى جەلىلىك ستانتسيالا­رىمەن ءوزارا ءىس-قيمىل ءتارتىبى, ەگەر مۇندايلار بولسا. 46. ات تق جانە ج جونىندەگى ۇيىمنىڭ قىزمەتى تۋرالى نۇسقاۋعا ۇيىمنىڭ اعىمداعى جاي-كۇيىن كورسەتەتىن وزگەرىستەر ۋاقتىلى ەنگىزىلىپ تۇرادى. قىزمەت تۋرالى نۇسقاۋ جانە وعان وزگەرىستەر ازاماتتىق اۆياتسيا سالاسىنداعى ۋاكىلەتتى ورگانمەن كەلىسۋگە جاتادى. 10. مەترولوگيالىق قامتاماسىز ەتۋگە قويىلاتىن تالاپتار 47. ۇيىم جوندەۋ ءوندىرىسىن مەترولوگيالىق قامتاماسىز ەتۋدىڭ بارلىق باعىتتارى بويىنشا قىزمەت ءتارتىبىن ايقىندايتىن نورماتيۆتىك قۇ­جاتتاردى ازىرلەۋدى قامتاماسىز ەتەدى. جۇمىس­تار­دى مەترولوگيالىق قامتاماسىز ەتۋ ولشەم بىرلىكتەرىنىڭ قامتاماسىز ەتۋ جۇيەسى ستاندارت­تارىن ساقتاي وتىرىپ جۇزەگە اسىرىلادى جانە وزىنە: 1) مەترولوگيالىق زەرتحانالار ماماندا­رىن وقىتۋ مەن اتتەستاتتاۋدى; 2) ولشەۋ قۇرالدارىن تەكسەرۋدى; 3) ولشەۋ قۇرالدارىن پاسپورتتاۋ مەن مەترولوگيالىق اتتەستاتتاۋدى; 4) ولشەۋ قۇرالدارىنىڭ تىركەلىمىن جۇرگىزۋدى; 5) تەحنولوگيالىق جانە كونسترۋكتورلىق قۇجاتتامالارعا مەترولوگيالىق ساراپتامانى قامتيدى. 48. ۇيىم اۆياتسيالىق تەحنيكا بۇيىمدا­رى­نىڭ بەلگىلەنگەن تالاپتارعا سايكەستىگىن قامتاماسىز ەتۋ ءۇشىن قاجەتتى مونيتورينگ جانە ولشەۋ ءۇشىن قۇرىلعىنى ورناتادى. 49. جابدىق: 1) بەلگىلەنگەن كەزەڭدە نەمەسە ونى حا­لىقارالىق نەمەسە ۇلتتىق ەتالوندارمەن سالىس­تىرعاندا بىرلىك مولشەرلەرىن بەرەتىن ۇلگى ەتالوندارى بويىنشا قولدانۋدان بۇرىن كاليبرلەنگەن نەمەسە تەكسەرىلگەن بولۋعا ءتيىس. ونداي ەتالوندار بولماعان جاعدايدا, كاليبرلەنۋ نەمەسە تەكسەرىس ءۇشىن پايدالانىلاتىن بازا تىركەلگەن بولۋى ءتيىس; 2) رەتتەلگەن; 3) كاليبروۆكا مارتەبەسىن بەلگىلەۋ ماقساتىندا سايكەستەندىرىلگەن; 4) ولشەۋ ناتيجەلەرىن جارامسىز ەتۋى مۇمكىن رەتتەلۋلەردەن قورعالعان; 5) پايدالانۋ, تەحنيكالىق قىزمەت كورسەتۋ جانە ساقتاۋ بارىسىندا زاقىمدانۋدان جانە جاي-كۇيىنىڭ ناشارلانۋىنان قورعالعان بولۋعا ءتيىس. 50. ەگەر جابدىقتىڭ تالاپتارعا سايكەس ەمەستىگى انىقتالعان جاعدايدا, ۇيىم ولشەۋدىڭ الدىڭعى ناتيجەلەرىنە باعالاۋدى جانە تىركەۋدى جۇرگىزەدى. 51. ۇيىم بۇزىلعان جانە تەكسەرىلمەگەن ولشەۋ قۇرالدارىنىڭ تەحنولوگيالىق پروتسەستەردەن ۋاقتىلى الۋدى قامتاماسىز ەتەدى, سون­داي-اق تەحنيكالىق ولشەۋ قۇرالدارىن سالىس­تىرىپ تەكسەرۋ كەستەلەرىنىڭ جاي-كۇيى مەن ساقتا­لۋىن باقىلاۋ ءۇشىن جاۋاپتى ادامداردى تاعايىندايدى. 11. اۆياتسيالىق تەحنيكانى جوندەۋدىڭ تەحنولوگيالىق پروتسەستەرىنە قويىلاتىن تالاپتار 52. ۇيىم بولىمشەلەردە نورماتيۆتىك, ۇيىم­­داستىرۋشىلىق-تارتىپتىك, تەحنيكالىق ءجا­نە وندىرىستىك-باقىلاۋ قۇجاتتامالارىن باسقا­رۋ بويىنشا راسىمدەردى جوسپارلاۋى جانە ازىرلەۋى قاجەت. بۇيىمداردى جوندەۋدىڭ تەحنولوگيالىق پروتسەسىن ۇيىمداستىرۋ قولدانىستاعى ستاندارت­تار­دىڭ جانە نورماتيۆتىك قۇجاتتامانىڭ تالاپ­تارىنا سايكەس جۇزەگە اسىرىلادى. 53. ۇيىمدا جوسپارلانعان جۇمىستاردى ورىنداۋ ءۇشىن, ونىڭ ىشىندە انگارلاردى, تسەح­تاردى, قويمالاردى, قىزمەتتىك جانە تۇرمىستىق بولىمشەلەردى, جوندەلەتىن بۇيىمداردى, جوندەۋ قۇرالدارىن ورنالاستىرۋ ءۇشىن, سونداي-اق پەر­سو­نالدى ورنالاستىرۋ ءۇشىن جەتكىلىكتى وندىرىستىك الاڭدار بولۋى قاجەت. بۇل رەتتە وندىرىستىك الاڭدار: 1) كولەمى, جوسپارلانۋى, جارىقپەن قامتا­ماسىز ەتىلۋى, تەمپەراتۋراسى, ىلعالدىلىعى, تازالىعى جانە باسقا دا پارامەترلەرى بويىنشا نورماتيۆتىك قۇجاتتاما مەن تەحنولوگيالىق قۇجاتتامانىڭ تالاپتارىنا سايكەس كەلەدى; 2) جۇمىستاردى ورىنداۋ ءۇشىن قاجەتتى ەنەرگيا كوزدەرىمەن جانە كوممۋنيكاتسيالارمەن (ەلەكتر ەنەرگياسىمەن, سىعىلعان اۋامەن, جىلۋ­مەن, سۋمەن, جەلدەتكىشپەن جانە باسقالارمەن) جاراقتاندىرىلادى; 3) جۇمىس ىستەۋ ايماقتارىنىڭ قاۋىپسىز­دىگىن (باقىلاۋ جۇيەلەرىنىڭ جانە ورتتەن, جارىلىستان, ۋىتتى اسەردەن جانە باسقالاردان قورعاۋدىڭ بولۋى) قامتاماسىز ەتەدى. بۇيىمداردى جيناۋ ۋچاسكەلەرى قيقىم, مەتالل جانە ابرازيۆتىك شاڭدار مەن باسقا دا كىرلەردى جاسايتىن كەز كەلگەن مەحانيكالىق وڭدەۋ تۇرلەرى ورىندالاتىن جەرلەردەن وقشاۋلاندى­رىلادى. بۇيىمداردى تازالاۋ, جۋ, بوياۋ ۋچاسكەلەرى دە باسقا جۇمىس ورىندارىنان وقشاۋلان­دىرىلادى. جوندەۋ جۇمىستارىن وندىرىستىك ءۇي-جاي­لار­دان تىسقارى جەرلەردە ورىنداۋ تەحنولوگيا­لىق قۇجاتتامادا ايتىلعان, بىراق بۇل رەتتە جۇمىستاردى تەمپەراتۋرا, ىلعالدىلىق, شاڭدا­نۋ جانە اتموسفەرالىق جاۋىن-شاشىن بويىنشا قولايلى اۋا-رايى جاعدايىندا عانا ورىنداۋعا جول بەرىلەدى. 54. ماتەريالداردى, بۇيىمداردى, قۇرال-سايماندار مەن جابدىقتاردى ساقتاۋ ءۇشىن قويما ءۇي-جايلارىن قاراستىرۋ قاجەت. ساقتاۋ جاعدايى نورماتيۆتىك قۇجاتتامانىڭ تالاپتارىنا جاۋاپ بەرەدى. 55. ۇيىم قورشاعان ورتانى قورعاۋ ءجو­نىندەگى بارلىق تالاپتاردىڭ ورىندالۋىن قام­تاماسىز ەتەدى. پەرسونال جۇمىس ىستەيتىن قىز­مەتتىك ءۇي-جايلاردى جوسپارلاۋدى جۇزەگە اسىرۋ مەن وندىرىسكە باسشىلىق ەتۋ, ساپانى باسقارۋ, پەرسونالدى قولايسىز اۋا-رايىنان جانە وندىرىستىك فاكتورلاردان قورعاۋ ءۇشىن, سونداي-اق قۇجاتتامانى رەسىمدەۋ مەن زەردەلەۋ ءۇشىن جوبالاۋ جانە جابدىقتاۋ قاجەت. 56. ۇيىمدا تەحنولوگيالىق قۇجاتتامانىڭ تالاپتارىنا سايكەس كەلەتىن (ۇقساس نەمەسە بىردەي) جوسپارلانعان جۇمىستاردى ورىنداۋ ءۇشىن جوندەۋ قۇرالدارى بولۋى قاجەت. قولدانىلاتىن جوندەۋ قۇرالدارى سايكەس­تەندىرىلگەن (تاڭبالاۋ, پاسپورت بەرۋ) جانە ۇيىمنىڭ ءتيىستى بولىمشەسى اتتەستاتتاعان. جوندەۋ قۇرالدارىن مەرزىمدىك تەكسەرۋدى, كاليبروۆكالاۋدى, ولارعا قىزمەت كورسەتۋدى, جوندەۋ مەن ساقتاۋدى نورماتيۆتىك قۇجاتتاما­نىڭ تالاپتارىنا سايكەس جۇزەگە اسىرۋ, سونداي-اق قويىلعان تالاپتارعا سايكەس كەلمەيتىندەرىن وقشاۋلاۋ قاجەت. 12. بۇزىلمايتىن باقىلاۋ 57. ات تق جانە ج جونىندەگى سەرتي­فيكاتتى الۋ ءۇشىن ات تق جانە ج جونىندەگى ۇيىم: 1) بۇزىلمايتىن باقىلاۋ بولىمشەلەرىنىڭ قىزمەتىن باقىلاۋ راسىمدەرىن; 2) بۇزىلمايتىن باقىلاۋدىڭ بارلىق قول­دانىلاتىن ادىستەرى ءۇشىن نورماتيۆتىك قۇجات­تاردى; 3) قۇيىن ءتارىزدى توك, ۋلترادىبىستىق, ماگنيتتى, كاپيلليارلىق باقىلاۋ ءۇشىن سالالىق باقىلاۋ جانە جۇمىس ۇلگىلەرىن قولدانۋدى رەگلامەنتتەيتىن راسىمدەردى; 4) بۇزىلمايتىن باقىلاۋدىڭ تەحنولوگيا­لىق پروتسەستەرىنە تەحنولوگيالىق نۇسقاۋلىق­تاردى; 5) جوندەلىپ جاتقان اۆياتسيالىق تەحنيكا­نىڭ بۇعاۋلارى مەن بولشەكتەرىنىڭ بۇزىلمايتىن باقىلاۋ ناتيجەلەرىن رەسىمدەۋ جانە شەشىمىن قابىلداۋ جونىندەگى, وندىرىستىك-باقىلاۋ قۇجات­تا­ما­سىنا باقىلاۋ ناتيجە