قازاقستان رەسپۋبليكاسىنىڭ مادەنيەت مينيسترلىگىنىڭ بۇيرىعى №56

2011 جىلعى 31 ناۋرىز               №56        استانا قالاسى رەسپۋبليكالىق كونكۋرستار مەن فەستيۆالدەردى وتكىزۋدىڭ ۇلگىلىك ەرەجەسىن بەكىتۋ تۋرالى «مادەنيەت تۋرالى» قازاقستان رەسپۋبليكاسىنىڭ 2006 جىلعى 15 جەلتوقسانداعى زاڭىنىڭ 7-بابى 12-1) تارماقشاسىنا سايكەس وتكىزىلەتىن ءىس-شارالاردى رەتتەۋ جانە دەڭگەيىن ارتتىرۋ ماقساتىندا بۇيىرامىن: 1. قوسا بەرىلىپ وتىرعان رەسپۋبليكالىق كونكۋرستار مەن فەستيۆالدەردى وتكىزۋدىڭ ۇلگىلىك ەرەجەسى بەكىتىلسىن. 2. قازاقستان رەسپۋبليكاسى مادەنيەت مينيسترلىگىنىڭ مادەنيەت كوميتەتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى بەلگىلەنگەن تارتىپپەن رەسمي جاريالاۋدى; 3) وسى بۇيرىقتى قازاقستان رەسپۋبليكاسى مادەنيەت مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى وبلىستاردىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارىنىڭ نازارىنا جەتكىزۋدى قامتاماسىز ەتسىن. 3. وسى بۇيرىق العاش رەسمي جاريالانعان كۇنىنەن باستاپ قولدانىسقا ەنگىزىلەدى. مينيستر    م. قۇل-مۇحاممەد. قازاقستان رەسپۋبليكاسى مادەنيەت ءمينيسترىنىڭ 31 ناۋرىزداعى 2011 جىلعى № 56 بۇيرىعىمەن بەكىتىلگەن رەسپۋبليكالىق كونكۋرستار مەن فەستيۆالدەردى وتكىزۋدىڭ ۇلگىلىك قاعيداسى 1. جالپى ەرەجەلەر 1. وسى رەسپۋبليكالىق كونكۋرستار مەن فەستيۆالدەردى وتكىزۋدىڭ ۇلگىلىك قاعيداسى (بۇدان ءارى - ۇلگىلىك قاعيدا) «مادەنيەت تۋرالى» قازاقستان رەسپۋبليكاسىنىڭ 2006 جىلعى 15 جەلتوق­سانداعى زاڭىنىڭ 7-بابى 12-1) تارماقشاسىنا سايكەس ازىرلەندى جانە مادەنيەت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) مەن وبلىستىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارى (بۇدان ءارى - جەرگىلىكتى اتقارۋشى ورگان) ۇيىمداستىراتىن رەسپۋبليكالىق كونكۋرستار مەن فەستيۆالدەردىڭ (بۇدان ءارى – كونكۋرستار مەن (نەمەسە) فەستيۆالدەر) وتكىزۋ ءتارتىبىن بەلگىلەيدى. 2. وسى ۇلگىلىك قاعيدادا مىناداي ۇعىمدار پايدالانىلادى: 1) كونكۋرس – جەڭىسكە اسا ۇزدىك ۇمىتكەردى (ۇمىتكەرلەردى) ايقىنداۋ ماقساتىندا وتكىزىلەتىن قوعامدىق-مادەني, كوركەمدىك-شىعارماشىلىق ءىس-شارا. 2) مادەنيەت سالاسىنداعى ۋاكىلەتتى ورگان - مادەنيەت سالاسىنداعى مەملەكەتتىك ساياساتتى ىسكە اسىرۋدى جۇزەگە اسىرۋشى ورتالىق اتقارۋشى ورگان; 3) جەرگىلىكتى اتقارۋشى ورگان (اكىمدىك) – وبلىستىڭ (رەسپۋب­ليكالىق ماڭىزى بار قالانىڭ جانە استانانىڭ) اكىمى باسقاراتىن, ءوز قۇزىرەتى شەگىندە ءتيىستى اۋماقتا جەرگىلىكتى مەملەكەتتىك باسقارۋدى جانە ءوزىن-ءوزى باسقارۋدى جۇزەگە اسىراتىن القالى اتقارۋشى ورگان; 4) فەستيۆال – مۋزىكا, تەاتر, تسيرك, ەسترادا, كينو جانە باسقا دا ونەر تۇرلەرىنىڭ جەتىستىكتەرىن كورسەتۋ (بايقاۋ), كوپشىلىك قاتىساتىن مەرەكە. فەستيۆال سونداي-اق, قاتىسۋشىلارى الدىن الا ىرىكتەۋ ناتيجەسىندە ارنايى قازىلار القاسىمەن بەلگىلەنەتىن جارىس بولىپ تابىلادى. 2. كونكۋرستار مەن (نەمەسە) فەستيۆالدەردىڭ ماقساتتارى مەن مىندەتتەرى 3. كونكۋرستار مەن (نەمەسە) فەستيۆالدەردىڭ ماقساتتارى مەن مىندەتتەرى: 1) ونەردىڭ شىعارماشىلىق جەتىستىكتەرىن انىقتاۋ جانە تالانتتى, وزىندىك ەرەكشەلىگى بار شىعارماشىلىق ۇجىمدار مەن ورىنداۋشىلاردى قولداۋ; 2) بارلىق جاس توپتارىنداعى دارىندى ادامداردىڭ كاسىبي شەبەرلىگىن جەتىلدىرۋ; 3) ۇلتتىق جانە الەمدىك مادەنيەت پەن ونەردىڭ ەڭ جاقسى داستۇرلەرى مەن جەتىستىكتەرىن جاڭعىرتۋ, دامىتۋ, ناسيحاتتاۋ, ونىڭ قاتىسۋشىلارىنىڭ كاسىبي شەبەرلىگىن ارتتىرۋ; 4) حالىقتىڭ مادەني دەمالىسى مەن ەستەتيكالىق تاربيەسىن, رۋحاني جانە مادەني قۇندىلىقتارمەن الماسۋدى ۇيىمداستىرۋ; 5) شىعارماشىلىق قىزمەتتىڭ ءتۇرلى سالالارىنداعى جەتىستىكتەردى كورسەتۋ; 6) مادەنيەت سالاسىنداعى مەملەكەتتىك ساياساتتى ىسكە اسىرۋ; 7) قازاقستان رەسپۋبليكاسى حالقىنىڭ مادەنيەتىن قايتا وركەندەتۋ, ساقتاۋ, دامىتۋ جانە تاراتۋ; 8) ازاماتتاردىڭ ەستەتيكالىق تاربيەسىنە جاعدايلار جاساۋ; 9) مادەني مۇرانى ناسيحاتتاۋ جانە ولاردىڭ دامۋىنداعى ساباقتاستىقتى قامتاماسىز ەتۋ; 10) جاستاردىڭ ۇلتجاندىلىق تۇرعىدا تاربيەلەنۋىنە, ۇلتتىق جانە الەمدىك مادەنيەت قۇندىلىقتارىنا تارتىلۋىنا ىقپال ەتۋ. 3. كونكۋرستار مەن (نەمەسە) فەستيۆالدەردى وتكىزۋدىڭ ءتارتىبى جانە شارتتارى 4. شىعارماشىلىق قىزمەتتىڭ ءتۇرلى سالالارىنداعى رەسپۋب­ليكالىق كونكۋرستار جانە (نەمەسە) فەستيۆالدەردى ۇيىمداستىرۋ ۋاكىلەتتى ورگانمەن جۇزەگە اسىرىلادى. 5. جەرگىلىكتى اتقارۋشى ورگان ۋاكىلەتتى ورگاننىڭ كەلىسىمى بويىنشا شىعارماشىلىق قىزمەتتىڭ ءتۇرلى سالالارىندا رەسپۋبلي­كالىق كونكۋرستار مەن فەستيۆالدەر وتكىزۋدى ۇيىمداستىرادى. رەسپۋبليكالىق كونكۋرستار مەن فەستيۆالدەردى وتكىزۋدى كەلىسۋ ءۇشىن جەرگىلىكتى اتقارۋشى ورگان ۋاكىلەتتى ورگانعا قولداۋحات جولدايدى. 6. ۋاكىلەتتى ورگان جانە (نەمەسە) جەرگىلىكتى اتقارۋشى ورگان وسى ۇلگىلىك قاعيدا نەگىزىندە ءاربىر كونكۋرس جانە (نەمەسە) فەستيۆالعا جەكە كونكۋرس جانە (نەمەسە) فەستيۆالدى وتكىزۋدىڭ قاعيداسىن بەكىتەدى (بۇدان ءارى - قاعيدا). 7. قاعيدادا كونكۋرستى جانە (نەمەسە) فەستيۆالدى وتكىزۋدىڭ مەرزىمدەرى مەن وتكىزىلەتىن ورنى كورسەتىلەدى. 8. مەرزىمدەرى, ماقساتتارى مەن مىندەتتەرى باسقا كونكۋرس­تاردىڭ جانە (نەمەسە) فەستيۆالدەردىڭ مەرزىمدەرىن, ماقساتتارى مەن مىندەتتەرىن قايتالايتىن كونكۋرستى جانە (نەمەسە) فەستيۆالدى وتكىزۋگە جول بەرىلمەيدى. 9. رەسپۋبليكالىق كونكۋرستاردا جانە (نەمەسە) فەستيۆالدەردە وبلىستىق, رەسپۋبليكالىق ماڭىزى بار قالانىڭ جانە استانا دەڭگەيلەرىندەگى كونكۋرستاردىڭ جانە (نەمەسە) فەستيۆالدەردىڭ جەڭىمپازى بولىپ تابىلاتىن قازاقستان رەسپۋبليكاسى وبلىستا­رى­نىڭ جارتىسىنان كوبىنىڭ وكىلدەرى قاتىسۋى قاجەت. 4. ۇيىمداستىرۋ كوميتەتى 10. ۋاكىلەتتى ورگان جانە (نەمەسە) جەرگىلىكتى اتقارۋشى ورگان كونكۋرستى جانە (نەمەسە) فەستيۆالدى وتكىزۋ بويىنشا ۇيىمداس­تىرۋ كوميتەتىنىڭ (بۇدان ءارى - ۇيىمداستىرۋ كوميتەتى) قۇرامىن بەكىتەدى. 11. ۇيىمداستىرۋ كوميتەتى مەملەكەتتىك ورگاندار مەن كون­كۋرستى جانە (نەمەسە) فەستيۆالدى وتكىزۋگە قاتىسۋشى مادەنيەت ۇيىمدارى وكىلدەرىنەن قۇرالادى. ۇيىمداستىرۋ كوميتەتىنىڭ ءمۇ­شەلەرى ءوز فۋنكتسيالارىن قوعامدىق باستامامەن جۇزەگە اسىرادى. 12. ۇيىمداستىرۋ كوميتەتى كونكۋرستى جانە (نەمەسە) فەستيۆالدى دايىنداۋ جانە وتكىزۋ بويىنشا باسشىلىقتى جۇزەگە اسىرادى. 13. ۇيىمداستىرۋ كوميتەتى كونكۋرستى جانە (نەمەسە) فەستيۆالدى دايىنداۋ جانە وتكىزۋ ماسەلەلەرى جونىندە مۇددەلى ورگاندارمەن ءوزارا  ءىس-قيمىلدى جۇزەگە اسىرادى. 14. ۇيىمداستىرۋ كوميتەتى ءىس-شارانىڭ اقپاراتتىق-جارنامالىق قولداۋ تۇرلەرىن ايقىندايدى. 15. ۇيىمداستىرۋ كوميتەتى كونكۋرستى جانە (نەمەسە) فەستيۆالدى دايىنداۋ جانە وتكىزۋ بارىسىندا تۋىندايتىن وزگە دە ۇيىمداستىرۋ ماسەلەلەرىن شەشەدى. 5. كونكۋرستىڭ جانە (نەمەسە) فەستيۆالدىڭ قازىلار القاسى 16. كونكۋرس جانە (نەمەسە) فەستيۆال قاتىسۋشىلارىنىڭ ونەرىن باعالاۋ, سونداي-اق, قورىتىندى شىعارۋ ءۇشىن قازىلار القاسى قۇرىلادى. قازىلار القاسىنىڭ قۇرامى مەملەكەتتىك ور­گان­داردىڭ وكىلدەرىنەن, مادەنيەت جانە ونەردىڭ كورنەكتى قايراتكەرلەرىنەن قۇرالادى جانە ۋاكىلەتتى ورگان جانە (نەمەسە) جەرگىلىكتى اتقارۋشى ورگانمەن بەكىتىلەدى. 17. قازىلار القاسىنىڭ سانى, توراعانى قوسقاندا, تاق سان بولۋى ءتيىس. 18. قازىلار القاسىنىڭ شەشىمى تۇپكىلىكتى جانە قايتا قاراۋعا جاتپايدى, حاتتامامەن رەسىمدەلەدى جانە بارلىق قازىلار القاسىنىڭ مۇشەلەرى قول قويادى. 19. قازىلار القاسى باعالارىنىڭ كريتەريلەرى: 1) ساپالى دەڭگەيى; 2) ورىنداۋشىلىق شەبەرلىگى (ورىنداۋشىنىڭ, ارانجيروۆكا­لارىنىڭ دەربەستىگى); 3) جۇمىستاعى جاڭاشىلدىق دەڭگەيى مەن يننوۆاتسيالىق كوزقاراسى. كونكۋرستار جانە (نەمەسە) فەستيۆالدەر شىعارماشىلىق قىزمەتتىڭ ءتۇرلى سالالارىندا وتكىزىلەتىن بولعاندىقتان قوسىمشا كريتەريلەر كوزدەلۋى مۇمكىن. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 26 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6923 بولىپ ەنگىزىلدى.