جاقسىلىق دوسقاليەۆ جىل دəرىگەرى اتاندى

«حالىق سۇيىكتىسى» سىيلىعىن تابىس ەتۋ اياسىندا قازاقستاننىڭ «جىل دارىگەرى» اتاعىنا ەكس-مينيستر, تانىمال xيرۋرگ, مەديتسينا عىلىمدارىنىڭ دوكتورى جاقسىلىق دوسقاليەۆ يە بولدى. «مەن ءۇشىن بۇل سىيلىق كۇتپەگەن جاعداي, ءتىپتى ءبىزدىڭ ەلدە مۇنداي سىيلىقتىڭ بارىن بىلمەپپىن. ءسوز جوق, بۇل مارتەبە ءبىزدىڭ قازاقستاندىقتار ەشقاشان اۋىرماۋى ءۇشىن, اۋىرسا دا جوعارى مەديتسينالىق كومەكتى الۋى ءۇشىن بىزدەن بۇدان دا ۇلكەن ەڭبەكتى تالاپ ەتەدى», - دەدى ج. دوسقاليەۆ. ءوز كەزەگىندە قر مادەنيەت جانە سپورت ءمينيسترى ارىستانبەك مۇxامەدي ۇلى شارا ۇيىمداستىرۋشىلارىنىڭ ۇلكەن ەڭبەگىن باعالاپ ءوتتى. «بۇگىن وتە قىزىق شارا وتۋدە, xالىق اۋزىندا جۇرگەن اتپالداي ازاماتتارىمىز ماراپاتتالىپ جاتىر. ولاردىڭ بارلىعى قوعامعا تانىمال ادامدار. مەن سونىمەن قاتار عالىم بايتۇققا العىسىمدى بىلدىرەمىن, ونىڭ ءوزى دە xالىق سۇيىكتىسىنە اينالىپ ۇلگەردى. بارلىقتارىڭىزدى تاعى دا قۇتتىقتايمىن», - دەدى مينيستر. ۇيىمداستىرۋشىلاردىڭ ايتۋىنشا, سىيلىق 24 اتالىم بويىنشا بەرىلەدى. «جىل ۇستازى», «جىل دارىگەرى», «باتىل جۇرەك», «جىل بلوگەرى», «جىل پارلامەنتاريى», «جىل بيزنەسى», جانە تاعى باسقا. سىيلىق يەگەرلەرى xالىقتىڭ داۋىس بەرۋى ارقىلى انىقتالدى. رەسمي مالىمەتتەر بويىنشا, داۋىس بەرۋگە 300 مىڭنان استام قازاقستاندىق قاتىسقان.