بقو-دا 9 مىڭ ادام نəتيجەلى جۇمىسپەن قامتىلادى

ەلباسى تاپسىرماسىنا سايكەس قولعا الىنعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنا» سايكەس قازاقستاندا 106,5 مىڭ (جىلىنا 21,3 مىڭ) ادام, باتىس قازاقستان وبلىسىندا 4 مىڭ (جىل سايىن 800) ادام كاسىپتىك دايارلىقپەن قامتىلماق. بۇل تۋرالى ورالدا وتكىزىلگەن كەڭەستە قر ءبىلىم جانە عىلىم مينيسترلىگى تەحنيكالىق جانە كاسىپتىك ءبىلىم دەپارتامەنتىنىڭ باس ساراپشىسى باقىتجان بيەكوۆا ءمالىم ەتتى, دەپ حابارلايدى قازاقپارات. ونىڭ ايتۋىنشا, سوعان قوسا ەلىمىز بويىنشا 130 مىڭ, بقو-دا 5 مىڭداي ادام قىسقا مەرزىمدى كاسىپتىك ءبىلىم الىپ شىعاتىن بولادى. ناتيجەسىندە رەسپۋبليكا بويىنشا 236,5 مىڭ, بقو-دا 9 مىڭنان استام ادام باعدارلامامەن قامتىلادى بۇرىن «جۇمىسپەن قامتۋدىڭ جول كارتاسى - 2020» باعدارلاماسى اياسىندا مەرزىمدىك جۇمىس ورىندارىن اشۋعا باسىمدىق بەرىلگەنى بەلگىلى. ەندى بيىلدان باستاپ وقىتۋ ارقىلى تۇراقتى جۇمىس ورىندارىن اشۋعا كۇش سالىنباقشى. سونداي-اق كىرىسى از تۇرعىندارعا جەكە ءىسىن اشۋ ءۇشىن دە مەملەكەت تاراپىنان قولداۋ جاسالادى. جاڭا باعدارلامانىڭ باستى ماقساتى - ەلىمىزدە ناتيجەلى جۇمىسپەن قامتۋعا جاعداي جاساي وتىرىپ, حالىققا تابىس قورىن مولايتۋعا مۇمكىندىك بەرۋ. اتالعان جوبا كىرىسى از اۋىل حالقىنىڭ ەلەۋلى بولىگىنە كاسىپكەرلىكتە العاشقى قادامدارىن جاساۋعا جانە وزدەرىنىڭ بيزنەس-باستامالارىن جۇزەگە اسىرۋعا مۇمكىندىك بەرەدى.