وزگەلەر سياقتى ياكور اۋىلدىق وكرۋگىنىڭ تۇرعىندارى دا پارلامەنت ءماجىلىسى مەن ءماسليحات دەپۋتاتتارى سايلاۋىن تاعاتسىزدانا كۇتتى. شەشۋشى كەزەڭدەگى الەۋمەتتىك-ەكونوميكالىق احۋالدىڭ كۇردەلىلىگىن تۇسىنە وتىرىپ, ءوز تاڭداۋلارىن جاساعانشا اسىقتى. ءوزىم دە, ۇجىمنىڭ جۇمىسشى-قىزمەتكەرلەرى دە وتباسىمىزبەن بۇل كۇندى مەرەكە رەتىندە قابىلداپ, جوعارى كونستيتۋتسيالىق سايلاۋ قۇقىعىمىزدى مۇلتىكسىز ورىندادىق.
اۋىلدىق وكرۋگ بويىنشا تىركەلىمگە الىنعان 1201 سايلاۋشى ءبىر كىسىدەي داۋىس بەرىپ, جوعارى بەلسەندىلىكتىڭ ۇلگىسىن تانىتتى. مەملەكەت باسشىسى, «نۇر وتان» پارتياسى بەلگىلەپ بەرگەن ستراتەگيالىق باعىتتارعا زور قولداۋ كورسەتىلدى. ۇلكەن جاۋاپكەرشىلىكتى جاستار جاعى دا جەتە سەزىنىپ, ءوز شەشىمدەرىن اقىل-پاراساتپەن ءۇيلەستىرە ءبىلدى. وسىلايشا سايلاۋ ويداعىداي ۇيىمداستىرىلىپ, لايىقتى تاڭداۋ جاسالدى. پارلامەنت ءماجىلىسى دەپۋتاتىنىڭ مانداتتارى لايىقتى تۇلعالارعا تاپسىرىلادى دەگەن سەنىمدەمىز.
ءسوز رەتىندە, قازاقستاندىق سايلاۋشىلاردىڭ 82,20 پايىز داۋىسىن الىپ, ايقىن جەڭىسكە جەتكەن «نۇر وتان» پارتياسىنىڭ پارلامەنتتەگى وكىلدەرى الداعى كەزەڭدە سەنىمدى اقتاۋ ءۇشىن جۇمىس ىستەۋگە ۇمتىلاتىنىنا سەنىمدى ەكەنىمدى ايتا كەتسەم دەيمىن. ويتكەنى, پرەزيدەنت الەمدىك داعدارىستىڭ سىن-قاتەرلەرىن بىرلەسىپ قانا جەڭە الاتىنىمىزدى ۇنەمى ايتىپ كەلەدى. ونىڭ نەگىزگى جولدارىن «قازاقستان جاھاندىق ناقتى احۋالدا: ءوسىم, رەفورمالار, دامۋ» جولداۋىندا ايقىنداپ بەردى. ال قازىرگى باستى مىندەت – ەل ەكونوميكاسىن ەسەلەي ءتۇسۋ. اركىم ءوز جۇمىس ۋچاسكەسىندە بىلىكتىلىك, كاسىبي شەبەرلىك كورسەتسە, باسەكەگە قابىلەتتىك ءتاجىريبەسىن كەڭىنەن مەڭگەرەرىمىز انىق.
ءبىزدىڭ شارۋاشىلىق ەگەمەندىكتىڭ ەلەڭ-الاڭ شاعىندا قۇرىلىپ, سودان بەرى ەگىنشىلىكپەن دە, مال وسىرۋمەن دە تۇراقتى اينالىسىپ كەلەدى. قازىر باعىمدا 2350 ءىرى قارا مالى مەن جىلقى, 2 مىڭ گەكتارعا جۋىق ەگىستىك القاپ بار. بىلتىر 117 ميلليون تەڭگە جەڭىلدىكتى سۋبسيدياعا قول جەتكىزىلىپ, ەتتى جانە ءسۇتتى تۇقىمدى ءىرى قارا مالدارى ساتىپ الىندى. ءسۇت, ەت ءونىمدەرى ەشقانداي دەلدالسىز تىكەلەي «ماسلودەل», «فرەگەت», «كازمياسوپرودۋكت» كاسىپورىندارىنا ءجونەلتىلەدى. الداعى ماقسات – شەتەل نارىعىنا شىعۋ. 130 ادامدى تۇراقتى جۇمىسپەن قامتىپ وتىرمىز. ورتاشا ەڭبەكاقى 80 مىڭ تەڭگەنى قۇرايدى.
مەنىڭشە, جالپى مەملەكەتتىك ماقساتتارعا قول جەتكىزۋدە مۇنداي ساياسي ناۋقانداردى ءوز مانىندە وتكىزۋدىڭ ءمانى ايرىقشا. وسى تۇرعىدان العاندا, دىتتەگەن مەجەدەن كورىنگەنىمىز ماقتان ەتۋگە تۇرارلىق.
بوريس كالۋگين,
«ياكور» جشس ديرەكتورىنىڭ ورىنباسارى.
سولتۇستىك قازاقستان وبلىسى,
قىزىلجار اۋدانى.