ناۋشا ناۋرىز, مەيرامنىڭ ءتاۋىرىسىڭ,
شات-شادىمان جۇرتىمنىڭ ءان-جىرىسىڭ.
ۇلىس وڭ بوپ,
اق مول بوپ جاڭا جىلدا,
بۇيىرسىنشى بىزدەرگە ناۋ ىرىسىڭ.
ءتاڭىرىمنىڭ تاماشا تارتۋىسىڭ,
تابىسادى جامىراپ بار تۋىسىڭ.
بويعا قۋات بەرەدى,
ويعا شۋاق,
ءتىلىمىزدى ۇيىرگەن ءنار ۋىزىڭ.
سالتاناتتى توي-دۋمان سايران سالسىن,
تاماشالاپ كورگەن جۇرت قايران قالسىن.
ۇلى كۇنى ۇلىستىڭ
نۇرىن توگىپ,
جىلى جۇرەك جاميعات جايراڭداسىن!
ءسابيت بەكسەيىت.
قاراعاندى.