قاراعاندى. 25 اقپان. قاراعاندىدا قىزداردى شەتەلگە جەزوكشەلىك جولمەن جىبەرىپ وتىرعان مودەلدىك اگەنتتىكتىڭ ديرەكتورى التى جىلعا شارتتى تۇردە باس بوستاندىعىنان ايىرىلدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
مودەلدىك اگەنتتىكتىڭ 21 جاستاعى ديرەكتورى ادام ساۋداسىمەن اينالىستى دەگەن كۇدىكپەن بىلتىرعى جىلدىڭ قاراشا ايىندا قاماۋعا الىنعان بولاتىن. تەرگەۋ بارىسىندا انىقتالعانداي, ەكس-ديرەكتور قاراعاندىنىڭ ارۋ قىزدارىن مودەل بولاسىڭدار دەپ الداپ, باحرەين مەن اراب امىرلىكتەرىندەگى جەزوكشەلەر ۇيىنە جىبەرىپ وتىرعان.
سوتتا ايىپتالۋشى وزىنە تاعىلعان ايىپتىڭ ءبارىن مويىنداپ, جابىرلەنۋشىلەردەن كەشىرىم سۇرادى.
قايرات ءابىلدينوۆ.
دەرەك, سۋرەت: قاراعاندى وبلىستىق سوتتىڭ ءباسپاسوز قىزمەتى.