قوستاناي. 23 اقپان. قوستاناي قالاسىنداعى «تيتان» جاۋاپكەرشىلىگى شەكتەۋلى سەرىكتەستىگىنىڭ ءوندىرىس الاڭىنان ءورت شىقتى. بەتىن, قولىن, دەنەسىن كۇيىك شالعان كۇزەتشى جاراقات تاڭۋ بەكەتىنە جەتكىزىلدى. بۇل تۋرالى top-news.kz سايتىنا سىلتەمە جاساعان egemen.kz ءتىلشىسى حابارلادى.
ءورت تۇندە باستالعان. وقيعا بولعان جەرگە وبلىس اكىمىنىڭ ورىنباسارى, قالا اكىمى, وبلىستىق توتەنشە جاعدايلار دەپارتامەنتىنىڭ, قۇقىق قورعاۋ ورگاندارىنىڭ باسشىلارى ءبىرىنشى بولىپ جەتتى. ءوندىرىس الاڭىندا مان اۋىر جۇك ماشيناسى مەن ەكى اۆتوموبيل تسيستەرناسى جانىپ ەتكەن. ءورتتى سوندىرۋگە كوپ كۇش جۇمىلدىرىلدى. ناتيجەسىندە تۇنگى ساعات 23:45 شاماسىندا قىزىل جالىن تولىق ءسوندىرىلدى.
ابىروي بولعاندا, ادامدار امان. الدىن الا بولجامدار بويىنشا, ءورت وندىرىستەگى تەحنولوگيانى پايدالانۋدىڭ بۇزىلۋىنان شىققان. قازىرگى تاڭدا ماتەريالدىق شىعىندار انىقتالۋدا.
ءنازيرا جارىمبەتوۆا.
دەرەك, سۋرەت: top-news.kz.