جامبىلدا جەرگىلىكتى پوليتسيا جىل باسىنان ءوز جۇمىسىن باستاعالى جول-كولىك وقيعاسى وسىنشا پايىزعا تومەندەدى
جامبىل وبلىسىنىڭ ءوڭىرلىك كوممۋنيكاتسيا قىزمەتىندە جامبىل وبلىستىق جەرگىلىكتى پوليتسيا قىزمەتىنىڭ باسشىسى باقىتجان بەيسەەۆ بريفينگ وتكىزىپ, جەرگىلىكتى پوليتسيا جۇمىسىن ءتۇسىندىردى. جاڭا جىلدان باستاپ قازاقستاننىڭ بارلىق ءوڭىرلەرىندە جەرگىلىكتى پوليتسيا قىزمەتى ءوز جۇمىسىن باستاعانى بەلگىلى. اتالعان قىزمەت فۋنكتسياسىنا قوعامدىق ءتارتىپ كۇزەتى, جول قاۋىپسىزدىگى مەن تۇرمىستىق قىلمىستىڭ الدىن-الۋ ءمىندەتتەرى كىرەدى.
– جامبىل وبلىسىندا وسى ۋاقىت ارالىعىندا قر اكىمشىلىك قۇقىقتىق بۇزۋشىلىقتار زاڭناماسىنا سايكەس, 2015 اكىمشىلىك قۇقىقتىق بۇزۋشىلىقتار, جول پوليتسياسى بويىنشا 2016 جىلدىڭ 1 قاڭتارىنان 9 مىڭنان اسا جول ءجۇرۋ ەرەجەلەرى بۇزىلعانى انىقتالدى. ءجۇرگىزىلگەن پروفيلاكتيكالىق جۇمىستار ءناتيجەسىندە جامبىل وبلىسىندا اۆتوجولداعى جول-كولىك وقيعاسىنىڭ سانى 41 پايىزعا تومەندەدى, – دەدى جەرگىلىكتى پوليتسيا باسشىسى باقىتجان بەيسەەۆ.
جەرگىلىكتى پوليتسياعا ءوتكەن قىزمەتكەرلەردىڭ شتاتتىق سانى 1 110 ادامدى قۇرايدى. جىل باسىنان بەرى جامبىل وبلىسىندا 2027 اكىمشىلىكتىك قۇقىق بۇزۋ فاكتىسى تىركەلدى.
ورالحان ءداۋىت,
«ەگەمەن قازاقستان».
جامبىل وبلىسى.