پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ قىتاي كوممۋنيستىك پارتياسى ورتالىق كوميتەتىنىڭ دەلەگاتسياسىمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
قحر مەملەكەتتىك كەڭەسى جانىنداعى دامۋ ماسەلەلەرىن زەرتتەۋ جونىندەگى ورتالىق باسشىسىنىڭ ورىنباسارى لۋن گوتسياندى قارسى العان سەناتور قازاقستاننىڭ سىرتقى ساياساتىنداعى ماڭىزدى باسىمدىقتاردىڭ ءبىرى – قىتايمەن تاتۋ كورشىلىك قاتىناستار قالىپتاستىرۋ ەكەنىن اتاپ ءوتتى.
لۋن گوتسيان سەناتوردى قىتايدىڭ ىشكى ساياسي ءومىرى مەن ەكونوميكالىق ساياساتىنىڭ ماڭىزدى ماسەلەلەرى تۋرالى حاباردار ەتتى.
كەزدەسۋگە, سونىمەن قاتار, سەناتورلار ميحايل بورتنيك پەن ەلەۋسىن ساعىندىقوۆ قاتىستى.