استانا. 28 قاڭتار. ەۋروپاعا زاڭسىز جولمەن باعىت العان بوسقىندار كەمەسى گرەكياعا تاياۋ ماڭايدا اپاتقا ۇشىرادى. بۇل تۋرالى interfax.ru سايتىنا سىلتەمە جاساعان egemen.kz ءتىلشىسى حابارلادى.
اپاتتىڭ سالدارىنان كەم دەگەندە 24 ادام قازا تاپتى. ونىڭ سەگىزى بۇلدىرشىندەر. ال قۇتقارۋ جۇمىستارى كەزىندە شەكارا قىزمەتكەرلەرى 10 ادامدى امان الىپ قالدى.
ايتا كەتەيىك, بىرەر اپتا بۇرىن گرەكيادا بوسقىندار مىنگەن قوس كەمە اپاتقا ۇشىراپ, 40 ادام قازا تاپقان. وسىعان بايلانىستى ەۋروپالىق كوميسسيا گرەكيا باسشىلىعىن سىننىڭ استىنا الدى. ولاردىڭ ايتۋىنشا, گرەكتەر ەۋروپالىق وداقتىڭ شەكاراسىن قورعاۋ تۋرالى زاڭعا ساي ارەكەت ەتپەي وتىر.
ايان ءابدۋالي.
دەرەك: interfax.ru.
سۋرەت: fishki.net.