ماسكەۋدىڭ اسا ءىرى ازىق-ت ۇلىك ورتالىعىندا «وڭتۇستىك قازاقستان» ساۋدا-كورمە زالى اشىلدى
25 قاڭتاردا ماسكەۋ قالاسىنداعى اسا ءىرى «فۋد سيتي» بولشەكتىك-كوتەرمە ساۋدا ازىق-ت ۇلىك ورتالىعىندا «وڭتۇستىك قازاقستان» ساۋدا-كورمە زالى اشىلدى. جوبانىڭ ۇيىمداستىرۋشىسى قازاقستاننىڭ ساۋدا وكىلدىگى مەن رەسەيدەگى ەلشىلىگىنىڭ قولداۋىمەن «KazFood» برەندى اياسىندا «پريزما گرۋپپ» كومپانياسى بولدى.
ساۋدا-كورمە زالىنىڭ سالتاناتتى اشىلۋ راسىمىنە وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقباەۆ, قازاقستاننىڭ رەسەيدەگى ساۋدا وكىلىنىڭ ورىنباسارى گۇلجان بودىقوۆا, «فۋد سيتي» اگروكلاستەرىنىڭ باس ديرەكتورى ومار ابراموۆ, رەسەي بيزنەسى مەن قازاقستان كاسىپورىندارىنىڭ وكىلدەرى قاتىستى.
سالتانات كەزىندە س.تۇياقباەۆ قازاقستاننىڭ ازىق-ت ۇلىك تاۋارلارىنىڭ رەسەي رىنوكتارىنا ەكسپورتىن كەڭەيتۋ قاجەتتىگىن ايتىپ ءوتتى. شەنەۋنىك وبلىس اكىمدىگىنىڭ قازاقستاندىق تاۋار ءوندىرۋشىلەرگە قازاقستاننىڭ رەسەيدەگى ساۋدا وكىلدىگى مەن ەلشىلىگىنە ءوزارا ءىس-قيمىل تانىتۋدا كومەك كورسەتۋدى جالعاستىرۋعا دايىن ەكەنىن اتاپ كورسەتتى.
وڭتۇستىك قازاقستان وبلىسىنىڭ تاۋار وندىرۋشىلەرى رەسەيلىك تۇتىنۋشىلارعا ازىق-ت ۇلىك ونىمدەرىنىڭ 20-دان استام ءتۇرىن ۇسىندى جانە تاياۋ بولاشاقتا ءونىم تۇرلەرىن 100-گە جەتكىزۋدى جوسپارلاپ وتىر.
اشىلۋ راسىمىندە رەسەيلىكتەرگە ەت ونىمدەرى مەن دەليكاتەستەر, جەمىس-كوكونىس كونسەرۆىلەرى مەن بالىق دەليكاتەستەرى, ءسۇت ونىمدەرى, كونديتەر بۇيىمدارى, باكالەيا تاۋارلارى, شاي, بال ونىمدەرى, ت.ب. ۇسىنىلدى.
اتالعان جوبا قازاقستاندىق ءونىم وندىرۋشىلەر مەن ديستريبيۋتورلارعا ءجاردەم كورسەتۋ, رەسەي اۋماعىندا قازاقستاندىق ەكسپورتتىڭ گەوگرافياسى مەن كولەمىن كەڭەيتۋ ماقساتىندا جۇزەگە اسىرىلدى, دەپ حابارلادى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى.