رەسپۋبليكالىق دياگنوستيكالىق ورتالىعىندا «نۇر وتان» پارتياسى «باقىتتى بالالىق شاق» جوباسىنىڭ اياسىندا پارتيانىڭ وسىنداعى فيليالى «بالالاردى مەكتەپكە دايىندايىق» اكتسياسىن وتكىزدى.
ونى ۇلتتىق مەديتسينالىق حولدينگتەگى پارتيانىڭ فيليالى ەنشىلەس ۇيىمداردىڭ كاسىپوداق كوميتەتتەرىنىڭ قولداۋىمەن ۇيىمداستىرعان. اكتسيانىڭ ماقساتى – ءوز قىزمەتكەرلەرى اراسىنداعى از قامتىلعان جانە كوپبالالى وتباسىلار بالالارىنىڭ مەكتەپ جاراقتارىن, وقۋلىقتار الۋى ءۇشىن ماتەريالدىق كومەك بەرۋگە سايادى.
وسى كۇنى حولدينگتىڭ ەنشىلەس كاسىپورىندارىنداعى 125 قىزمەتكەردىڭ بالالارى جاڭا وقۋ جىلىنا قاجەتتى جاراقتار جانە اقشالاي سەرتيفيكات الۋعا قول جەتكىزدى. ولاردى حولدينگ پەن ونىڭ قۇرامىنداعى بولىمشەلەردىڭ باستىقتارى تابىس ەتتى. «نۇر وتان» پارتياسى فيليالىنىڭ حولدينگتەگى فيليالى توراعاسىنىڭ ورىنباسارى ماريا وتەباەۆا جينالعانداردى جاڭا وقۋ جىلىمەن قۇتتىقتادى. وسىنداي اكتسيالاردىڭ 2010 جىلدان بەرى جۇرگىزىلىپ كەلە جاتقانىن اتاپ ءوتتى.
ءبىز ءوز قىزمەتكەرلەرىمىزدىڭ بالالارىن قولداۋعا, ولاردىڭ قينالعاندارىنا ارقاشان دا قولۇشىن بەرۋگە ءازىرمىز. بالالاردىڭ جارقىن جۇزدەرىن, قۋانىشتى كۇلكىلەرىن كورۋدىڭ ءوزى ءبىزدى قۋانتادى», – دەدى ول. سونىمەن بىرگە, ول جينالعانداردى اتا زاڭنىڭ 20 جىلدىق مەرەيتويىمەن دە قۇتتىقتادى. ال حولدينگ باسقارماسىنىڭ ءتور-
اعاسى نۇرجان وتارباەۆ ءبۇلدىرشىندەرگە جولدارىڭ اق بولسىن, دەنساۋلىقتارىڭ مىقتى بولسىن دەگەن تىلەك ايتتى. اتا-انالار اتىنان ءسوز العان حولدينگ قىزمەتكەرى, نەيروحيرۋرگيا ءبولىمىنىڭ شارۋاشىلىق جونىندەگى مەدبيكەسى راۋشان كارىموۆا وزدەرىنە جاسالعان قامقورلىقتارى ءۇشىن حولدينگ باسشىلارى مەن «نۇر وتان» پارتياسى فيليالىنا العىسىن ءبىلدىردى.
جاقسىباي سامرات,
«ەگەمەن قازاقستان».