استانا. 18 مامىر. كەشە فۋتبولدان يسپانيا لا ليگاسىنىڭ 37-تۋرى ءوتتى. سونىڭ ناتيجەسىندە بيىلعى ماۋسىمنىڭ چەمپيونى انىقتالدى. مادريدتە جەرگىلىكتى «اتلەتيكومەن» ويناپ, 1:0 ەسەبىمەن جەڭگەن «بارسەلونا» ءوز تاريحىندا 23-ءشى رەت يسپانيا چەمپيونى اتاندى. بۇل تۋرالى egemen.kz حابارلادى.
«اتلەتيكو» قاقپاسىنا سوعىلعان جالعىز گولدىڭ اۆتورى – ليونەل مەسسي. ويىننىڭ 65-مينۋتىندا مەرگەندىگىمەن كوزگە تۇسكەن مەسسي كومانداسىنا چەمپيوندىق اتاقتى الىپ بەردى.
وسى كەزدەسۋدەن كەيىن «بارسەلونانىڭ» ەنشىسىندەگى ۇپاي 93-كە جەتتى. ال ەكىنشى ورىنداعى ءمادريدتىڭ «رەالى» 89 ۇپايعا يە. چەمپيوناتتىڭ اياقتالۋىنا ءبىر تۋر قالعانىن ەسكەرسەك, تۋرنير كەستەسىنىڭ كوش باسىندا ەندى وزگەرىس بولمايتىنى تۇسىنىكتى. ال «اتلەتيكو» 77 ۇپايمەن ازىرگە 3-ورىندا كەلەدى.
«بارسەلونا» سوڭعى رەت 2012-2013 جىلعى ماۋسىمدا يسپانيا چەمپيونى اتاندى. ول كەزدە كوماندانى مارقۇم تيتو ۆيلانوۆا جاتتىقتىرعان ەدى.
ەلامان قوڭىر.
دەرەك: egemen.kz.
سۋرەت: fcbarcelona.com.