«توبىل» فۋتبول كلۋبىندا كەزەكتى كادرلىق وزگەرىستەر بولۋى مۇمكىن, دەپ حابارلايدى Egemen.kz.
ەگەر كوماندا قازاقستان پرەمەر-ليگاسىنىڭ كەلەسى تۋرىندا اتىراۋ كلۋبىن جەڭە الماسا, وندا كلۋب باس باپكەردى اۋىستىرۋى ىقتيمال.
بۇل قىزمەتكە نەگىزگى ۇمىتكەرلەردىڭ ءبىرى رەتىندە ميليچ چۋرچيچ اتالىپ وتىر. سەربيالىق مامان 1 ماۋسىمنان باستاپ «توبىلدى» تىزگىندەپ كەتۋى مۇمكىن. سونىمەن قاتار, ازات نۇرعاليەۆ «قىزىلجاردىڭ» باس باپكەر مىندەتىن ۋاقىتشا اتقارۋشى بولۋى ىقتيمال. ۇمىتكەرلەر قاتارىندا سامات سماقوۆ پەن قايرات نۇرداۋلەتوۆ تە بار.
ەسكە سالايىق, قوستانايلىق كلۋبتىڭ قازىرگى باس باپكەرى ميروسلاۆ روماششەنكو وسى جىلدىڭ 22 ساۋىرىندە تاعايىندالعان بولاتىن. سودان بەرى كوماندا 5 ماتچ وتكىزىپ, العاشقى ويىندا كاسپي كلۋبىن جەڭگەنىمەن, كەيىن قاتارىنان ءتورت رەت جەڭىلىسكە ۇشىرادى.
ميللياردەر شۋحرات يبراگيموۆ «توبىل» فۋتبول كلۋبىن ساتىپ الدى
ميليچ چۋرچيچ ءۇشىن بۇل «توبىلعا» العاشقى كەلۋى بولمايدى. ول 2023–2024 جىلدارى قوستانايلىق كلۋبتا جۇمىس ىستەپ, سول كەزەڭدە كوماندا قازاقستان كۋبوگى مەن قازاقستان سۋپەركۋبوگىن جەڭىپ العان.
قازىرگى تاڭدا قازاقستان پرەمەر-ليگاسى تۋرنيرلىك كەستەسىندە «توبىل» سوڭعى ورىندا تۇر. كوماندا 11 ماتچتا نەبارى 2 جەڭىسكە جەتىپ, دوپ ايىرماسى −10 كورسەتكىشىن تىركەگەن.