كەشە استانادا ساياساتكەرلەر كونگرەسىنىڭ باستاماسىمەن, سونداي-اق, مادەنيەت جانە سپورت مينيسترلىگىنىڭ قولداۋىمەن ساياساتكەرلەردىڭ «100 قادام: قازاقستاندىق جاڭعىرتۋدىڭ پەرسپەكتيۆالارى» تاقىرىبىندا كونگرەستىڭ ساراپشىلار كلۋبىنىڭ ءماجىلىسى بولىپ ءوتتى.
ساراپشىلار ۇلت جوسپارىن جۇزەگە اسىرۋ بويىنشا ناقتى ۇسىنىمدامالارى مەن ۇسىنىستارىن ورتاعا سالدى.
«100 ناقتى قادام» – بۇل جاھاندىق جانە ىشكى سىن-قاتەرلەرگە جاۋاپ بولىپ تابىلاتىن مەملەكەتتىڭ جاڭعىرتۋ جونىندەگى كەشەندى باعدارلاماسى. ول قازاقستاننىڭ الەمدەگى اسا دامىعان 30 مەملەكەتتىڭ قاتارىنا قوسىلۋ جونىندەگى ماقساتتارىنا قول جەتكىزۋگە باعىتتالىپ وتىر. ۇلت جوسپارىن ءتيىمدى جۇزەگە اسىرۋ مەملەكەتتىك ورگانداردىڭ, ساراپشىلار قوعامداستىعى مەن ازاماتتىق سەكتوردىڭ بەلسەندى ءوزارا ءىس-قيمىلىن تالاپ ەتەدى, دەپ اتاپ ءوتتى پرەزيدەنت اكىمشىلىگى باسشىسىنىڭ ورىنباسارى ب.مايلىباەۆ.
ساراپشىلار كلۋبىنىڭ جۇمىسىنا قازاقستان رەسپۋبليكاسى پارلامەنتىنىڭ دەپۋتاتتارى, پرەزيدەنت اكىمشىلىگىنىڭ, مەملەكەتتىك ورگانداردىڭ, ساياسي پارتيالاردىڭ, ساراپشىلار توبىنىڭ, ۇەۇ-نىڭ وكىلدەرى, سونداي-اق, بەلگىلى قوعام قايراتكەرلەرى مەن باق وكىلدەرى قاتىستى.
«ەگەمەن-اقپارات».