استانا. 26 تامىز. فرانتسياداعى مارسەل قالاسىنىڭ پروكۋرورى بريس روبەن Germanwings اۆياكومپانياسىنىڭ ءالپى تاۋلارىنا بارىپ سوعىپ قيراعان A320 ۇشاعىنىڭ ەكىنشى پيلوتى اەروبۋستى ءوزى ادەيى اپاتقا ۇشىراتقان دەگەن تۇجىرىم ايتىپ وتىر. بۇل تۋرالى BBC Russian حابارلادى.
بورتتىڭ ءوزى جازىلاتىن جازباسى كابينادا قالعان ەكىنشى ۇشقىشتىڭ لاينەردى ادەيى تومەندەتىپ, ءالپى تاۋىنىڭ ەتەگىنە اپارىپ سوقتىرعانىن ءبىلدىرىپ وتىر. «قارا جاشىكتىڭ» جازبالارىنا سايكەس, ەكىنشى پيلوت لاينەر جەرگە بارىپ قۇلاپ تۇسكەنشە ءتىرى بولىپ,دەم الىپ جاتقان.
روبەننىڭ ايتۋىنشا, سەيسەنبى كۇنى اپاتقا ۇشىراعان Germanwings لاينەرىنىڭ ءبىرىنشى پيلوتى, ياعني كومانديرى سونىڭ الدىندا عانا سالونعا شىعىپ كەتكەن. بىراق قايتىپ كەلگەنىندە ەكىنشى ۇشقىش وعان ەسىكتى اشپاي قويعان. پروكۋرور مۇنى ول قاساقانا جاساپ, وسى كەزدە اۋە كەمەسىن تومەنگە قاراي بۇرعان.
ءباسپاسوز ءماسليحاتى بارىسىندا بريس روبەن ەكىنشى پيلوتتىڭ دا اتىن اتادى. ول – اندرەاس ليۋبيتس, قولداعى مالىمەتتەرگە قاراعاندا, كابيناعا قايتىپ كىرۋگە بارىن سالىپ تۇرعان كومانديرىنە ەسىكتى اشپاي وتىرىپ العان.
«ءبىز ءبىرىنشى پيلوتتىڭ ەكىنشى پيلوتتان ۇشاقتى باسقارۋدى قولىنا الۋدى سۇراپ كەتىپ جاتقانىن ەستىدىك. سونىمەن ءبىر مەزگىلدە كرەسلونىڭ ارتقا قاراي جىلجىپ, ەسىكتىڭ قالاي جابىلعان داۋسى دا شىقتى», - دەدى پروكۋرور.
الايدا, ءبىرىنشى پيلوت قايتىپ كەلگەندە, ماناعى جابىلعان ەسىك قايتىپ اشىلماي قويادى. كوماندير باسىندا ەسىكتى اقىرىن قاعادى, سوسىن قاتتىراق ۇرادى, بولماعاسىن ىشكە ەسىكتى بۇزىپ كىرمەك بولادى.
لاينەر تاۋدىڭ ادام اياعى جەتۋى قيىن اۋماعىنا قۇلاپتى. وندا تەك تىكۇشاقپەن عانا بارۋعا بولادى. ال ىزدەستىرۋ جۇمىستارى جالعاسىپ جاتىر.
مۇرات ايتقوجا.
مانبە, سۋرەت: BBC Russian.