ەلىمىز ازيا قۇرلىعىنداعى ەڭ ءىرى ادەبي الاڭداردىڭ ءبىرى سانالاتىن National Book Fair Delhi – 2026 حالىقارالىق كىتاپ كورمەسىنە قاتىسىپ, ۇلتتىق ادەبيەتىمىزدى الەمدىك وقىرمانعا كەڭىنەن تانىستىرۋعا مۇمكىندىك الدى, دەپ جازادى Egemen.kz.
حالىقارالىق كىتاپ كورمەسى اياسىندا قازاقستاننىڭ ۇلتتىق ەكسپوزيتسياسى ۇيىمداستىرىلىپ, وندا قازاق حالقىنىڭ باي ادەبي مۇراسى, كلاسسيكالىق جانە زاماناۋي قازاقستاندىق اۆتورلاردىڭ شىعارمالارى, سونداي-اق ەلدىڭ تاريحي-مادەني جانە رۋحاني قۇندىلىقتارىن تانىستىراتىن كىتاپتار ۇسىنىلدى. كورمەگە كەلۋشىلەردىڭ قاراسى قالىڭ. قاتىسۋشىلاردىڭ ايتۋىنشا, قازاق ادەبيەتىنە, اسىرەسە جاستار تاراپىنان قىزىعۋشىلىق جوعارى.
كىتاپ كورمەسى: ءۇندى وقىرماندارى قازاق تاريحىنا قىزىعادى
ەكسپوزيتسيا اياسىندا قازاق ادەبيەتىنىڭ كورنەكتى وكىلدەرى – مۇحتار اۋەزوۆ, ءابىش كەكىلباەۆ, سايىن مۇراتبەكوۆ, دۋلات يسابەكوۆ سىندى قالامگەرلەردىڭ شىعارمالارى كوپشىلىك نازارىنا ۇسىنىلعان.
كورمە بارىسىندا وتاندىق ادەبيەتتىڭ دامۋ ۇدەرىستەرىنە ارنالعان كاسىبي كەزدەسۋلەر, تاقىرىپتىق پىكىر الماسۋلار, سۇحباتتار مەن ادەبي تانىستىرىلىمدار وتكىزىلىپ جاتىر. مۇنداي باسقوسۋلار حالىقارالىق ادەبي بايلانىستاردى نىعايتىپ, كوركەم اۋدارما مەن باسپا ءىسى سالاسىنداعى ىنتىماقتاستىقتى كەڭەيتۋگە جول اشادى.
الماتىدا 2025 جىلى جارىق كورگەن كىتاپتاردىڭ كورمەسى اشىلدى
ءىس-شارا اياسىنداعى ماڭىزدى مادەني وقيعالاردىڭ ءبىرى – ۇلى اقىن اباي قۇنانباي ۇلىنىڭ «قارا سوزدەرىنىڭ» حيندي تىلىنە اۋدارىلعان باسىلىمىنىڭ تانىستىرىلىمى بولدى. وسىلايشا, قازاقستاننىڭ National Book Fair Delhi – ماماندار 2026 حالىقارالىق كىتاپ كورمەسىنە قاتىسۋىمىز قازاق ادەبيەتىن حالىقارالىق مادەني كەڭىستىكتە ىلگەرىلەتۋگە, ادەبيەت ارقىلى حالىقتار اراسىنداعى رۋحاني بايلانىستى كۇشەيتۋگە جانە مادەني ديپلوماتيانى دامىتۋعا ماڭىزدى ۇلەس قوساتىنىن ايتادى.
اتالمىش كورمە 18 قاڭتارعا دەيىن جالعاسادى.