بيىلعى 1 جەلتوقسانداعى جاعداي بويىنشا اتاۋلى الەۋمەتتىك كومەك (ااك) 54 مىڭ وتباسىنداعى 290,6 مىڭ ادامعا 30,3 ملرد تەڭگە سوماسىندا تاعايىندالدى. 2025 جىلى بۇل باعىتقا بيۋدجەتتەن 98,4 ملرد تەڭگە قاراستىرىلعان, دەپ جازادى Egemen.kz.
ااك مىنا جاعدايلاردا تاعايىندالادى:
تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ; تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك مولشەرىندە اي سايىنعى قوسىمشا تولەم بەرۋ. بيىل ااك الۋشىلار قاتارىنان مەكتەپ جاسىنا دەيىنگى 90,5 مىڭ بالاعا 3,7 ملرد تەڭگە سوماسىنا قوسىمشا تولەم تاعايىندالدى; جۇمىسقا ورنالاستىرۋ, ءوز ءىسىن اشۋعا نيەتتى وتباسىلارعا گرانتتار بەرۋ, بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقا شارالار ارقىلى جۇمىسپەن قامتۋعا جاردەمدەسۋ.قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا, اۋىل وكرۋگىنىڭ اكىمىنە سونداي-اق ەلەكتروندىق ۇكىمەت پورتالى (egov.kz) ارقىلى بەرە الادى.