ەلوردانىڭ ەكى ءتۇرلى اۋدانىندا ءبىر تاۋلىكتىڭ ىشىندە ەكى قايعىلى جاعداي ورىن الدى. استانا قالالىق پوليتسيا دەپارتامەنتىنىڭ ءباسپاسوز قىزمەتى الەۋمەتتىك جەلىلەردە تاراعان اقپاراتتى راستاپ, وقيعانىڭ ءمان-جايىن ءتۇسىندىردى, دەپ حابارلايدى Egemen.kz.
پوليتسيا مالىمەتىنشە, ەكى وقيعا دا 2025 جىلدىڭ 18 جەلتوقسانىندا بولعان. العاشقى حابارلاما «Highvill» ەليتالىق تۇرعىن ءۇي كەشەنىنىڭ اۋماعىندا ەر ادامنىڭ ءمايىتى تابىلعانى تۋرالى تۇسكەن. تەكسەرۋ بارىسىندا مارقۇمنىڭ تۇلعاسى انىقتالدى. الدىن الا بولجام بويىنشا, ول ءوز-وزىنە قول جۇمساعان.
كوپ ۇزاماي قالانىڭ باسقا بولىگىندە تاعى ءبىر قايعىلى جاعداي تىركەلدى. ەلوردانىڭ تۇرعىن ۇيلەرىنىڭ بىرىندە ايەل ادام 18-قاباتتان قۇلاپ كەتكەن. قازىرگى ۋاقىتتا ەكى دەرەك بويىنشا دا سوتقا دەيىنگى تەرگەۋ امالدارى باستالىپ, وقيعالاردىڭ سەبەپ-سالدارى انىقتالىپ جاتىر.