الەم جۇرتشىلىعىن انىمەن تەربەگەن, تورتكۇل دۇنيەگە قازاق مادەنيەتىن پاش ەتكەن ونەرپازدىڭ بۇگىن تۋعان كۇنى. قازاقستان مەن كسرو حالىق ءارتىسى, مەملەكەتتىك سىيلىقتىڭ لاۋرەاتى, سوتسياليستىك ەڭبەك ەرى بيبىگۇل تولەگەنوۆا 96 جاسقا اياق باستى, دەپ جازادى Egemen.kz.
ءانشى شىعارماشىلىق جولىن حالىق جانە حالىق كومپوزيتورلارىنىڭ اندەرىن ورىنداۋدان باستادى. «گاۋھار تاس», «جيىرما بەس» سىندى اندەرى ەل جۇرەگىنەن ورىن الدى. كەيىن لاتيف ءحاميديدىڭ «بۇلب ۇلى», ەۆگەني برۋسيلوۆسكيدىڭ «قوس قارلىعاشى», الەكساندر زاتسەپيننىڭ «كوكتەم ءۆالسى» بيبىگۇل تولەگەنوۆانىڭ تولقۇجاتىنا اينالدى.
ءانشىنىڭ بالالىق شاعى رەپرەسسيا كەزىنە تۇسپا-تۇس كەلەدى. اكەسى ناقاق اتىلىپ كەتەدى. التى جاستان باستاپ جاس بيبىگۇل جەتى بالامەن قالعان جەسىر اناسىنا كومەكتەسەدى. وقۋمەن قاتار جۇمىس ىستەيدى. تىنىمسىز ەڭبەكتىڭ ناتيجەسىندە الماتىعا وقۋعا ءتۇسىپ, ومىرلىك جولىن ايقىنداعان ۇستازدارىمەن كەزدەسەدى. ولار ءانشىنىڭ الەۋەتىن اشىپ, جاڭا بەلەستەرگە كوتەرىلۋىنە مۇمكىندىك بەردى.
عاسىر قۇرداسىنا اينالسا دا اڭىز ءانشى ءالى دە تىڭ. بىلتىر قاراعاندى قالاسىندا 95 جاس مەرەيتويىن وتكىزگەن بيبىگۇل احمەتقىزى وركەسترمەن بىرگە جاندى داۋىستا ءان شىرقادى.