جاسمينا تۇزەلوۆا – قورعانىس مينيسترلىگىنىڭ «جاس سارباز» بالالار مەن جاسوسپىرىمدەر اسكەري-پاتريوتتىق قوزعالىسىنىڭ مۇشەسى. ول جۋىردا ماسكەۋدە وتكەن «گولوس. دەتي» شوۋىنىڭ ون ەكىنشى ماۋسىمىندا ءۇشىنشى ورىنعا يە بولدى, دەپ حابارلايدى Egemen.kz.
ەلگە ورالعان جاس ءانشىنى قورعانىس ءمينيسترى, اۆياتسيا گەنەرال-لەيتەنانتى داۋرەن قوسانوۆ قابىلداپ, شەتەلدەگى ايرىقشا جەتىستىگىمەن قۇتتىقتادى.
اسىرەسە ونىڭ اتا-اناسىنا ەرەكشە العىس ءبىلدىردى. ايتا كەتسەك, جاسمينانىڭ اكەسى مۇرات وتەەۆ – اۋعان سوعىسىنىڭ ارداگەرى, ال اناسى گۇلزيا – كاسىبي مۋزىكانت.
«كەز كەلگەن بايقاۋ – اتا-انا ءۇشىن ۇلكەن سىناق. جاسمينانىڭ باتىلدىعى مەن پاتريوتتىق سەزىمى – تالاي قيىندىقتى ەڭسەرىپ, جىگەرىن ساقتاي بىلگەن اكەسىنىڭ مىنەزىنىڭ كورىنىسى. ال ۆوكالدىق شەبەرلىگى – اناسىنىڭ ەڭبەگى. ونىڭ كاسىبي ءبىلىمى مەن قولداۋى بۇل جەتىستىككە جەتۋدە شەشۋشى ءرول اتقاردى», دەپ اتاپ ءوتتى قورعانىس ءمينيسترى.
اۆياتسيا گەنەرال-لەيتەنانتى, سونداي-اق, جاسمينانىڭ جەتىستىگى «جاس سارباز» اسكەري-پاتريوتتىق قوزعالىسىنىڭ بارلىق تاربيەلەنۋشىسى ءۇشىن شابىت بەرەتىن ۇلگى بولعانىن ايتتى.
«جاسمينا سياقتى دارىندى, ەڭبەكقور بالالاردىڭ ءوسىپ كەلە جاتقانى – ەلىمىزدىڭ جارقىن بولاشاعىنىڭ ايعاعى. شىعارماشىلىق جولىڭ جاڭا شىڭدارعا جەتەلەپ, تالانتىڭنىڭ بارلىق قىرىن اشۋعا مۇمكىندىگىڭ كوپ بولسىن», دەپ تىلەدى مينيستر.
ول جاسمينا تۇزەلوۆاعا العىس حات پەن باعالى سىيلىق تابىس ەتتى. ءوز كەزەگىندە «جاس سارباز» مۇشەسى اڭىزعا اينالعان ء«اليا» ءانىن ورىنداپ, جينالعانداردى ەرەكشە تولقىتتى.