الماتى اكىمدىگى جەر سىلكىنىسىنەن كەيىن قالا تۇرعىندارى مەن قوناقتارىن سابىر ساقتاپ, قۇتقارۋ قىزمەتتەرىنىڭ نۇسقاۋلارىن ورىنداۋعا شاقىردى. ال ءدۇمپۋ كەزىندە تۇرعىندار حابارلاندىرۋ جۇيەلەرى ارقىلى قۇلاقتاندىرىلدى, دەپ حابارلايدى Egemen.kz.
«بارلىق حابارلاندىرۋ جۇيەسى شتاتتىق رەجيمدە جۇمىس ىستەدى: تۇرعىنداردىڭ تەلەفوندارىنا Mass Alert جۇيەسى ارقىلى حابارلامالار جىبەرىلدى, قالا بويىنشا داۋىس زورايتقىش ارقىلى ەسكەرتۋ سيرەنالارى قوسىلدى», دەلىنگەن حابارلامادا.
اكىمدىكتىڭ مالىمەتىنشە, ساۋدا ورتالىقتارى مەن مەكتەپتەر, كوللەدجدەر, جوو مەن قوعامدىق ورىنداردا ەۆاكۋاتسيا قالىپتى جاعدايدا ءوتتى. الگوريتمگە سايكەس, ادامدار عيماراتتاردان سىرتقا شىقتى. ۇرەي تۋدىرعان جاعدايلار بايقالعان جوق.
ەسكە سالايىق, بۇگىن الماتىدا جەر سىلكىندى.