استانا. 21 ناۋرىز. ماسكەۋدە تۇرىك مادەني ورتالىعى اشىلادى. رەسەيدىڭ مادەنيەت ءمينيسترى ۆلاديمير مەدينسكي وسىلاي دەدى. بۇل تۋرالى ھaggin.az حابارلادى.
ماسكەۋدە تۇركيانىڭ مادەنيەت جانە تۋريزم ءمينيسترى ومەر چەليك رەسەيلىك ارىپتەسىمەن كەزدەسىپ, ەكى ەل اراسىنداعى رۋحاني بايلانىستار جونىندەگى ماسەلەلەردى تالقىلادى.
كەزدەسۋ بارىسىندا ۆلاديمير مەدينسكي تۇركيالىق ارىپتەسىن جىل سايىن سانكت-پەتەربۋرگتە وتەتىن فورۋمعا قاتىسۋعا شاقىردى.
بۇدان بولەك, تاراپتار الداعى ۋاقىتتا قولعا الىنۋى مۇمكىن رەسەيدىڭ تۇركياداعى, سول سياقتى تۇركيانىڭ رەسەيدەگى جىلى اياسىندا رەسەيلىك تۋريستەرگە ۆيزالىق جەڭىلدىكتەر بەرۋ ماسەلەسىن ءسوز ەتتى. سونداي-اق, سانكت-پەتربۋرگ ەرميتاجىندا تۇرعان تۇركيا تۋىن قالپىنا كەلتىرۋ جۇمىسىنا تۇرىك ماماندارىن قاتىستىرۋ ءىسى اڭگىمە ارقاۋىنا اينالدى.
جولدىباي بازار.
دەرەك, سۋرەت: ھaggin.az.