شىعىس قازاقستان وبلىسىندا ەكى اۋىل اكىمشىلىك كارتادان الىنىپ تاستالماق. بۇل تۋرالى شقو ءماسليحاتىنىڭ سايتىندا جاريالانعان نورماتيۆتىك-قۇقىقتىق اكت جوباسىندا جازىلعان, دەپ حابارلايدى Egemen.kz.
جاريالانعان جوباعا سايكەس, كاتونقاراعاي اۋدانىنداعى جامبىل اۋىلدىق وكرۋگىنە قاراستى شۇباراعاش اۋىلى جانە ۇلكەن نارىن اۋدانىنداعى نوۆوحايرۋزوۆ اۋىلدىق وكرۋگىنە قاراستى قۇندىزدى اۋىلى تاراتىلماق.
قۇجاتقا سايكەس, ەلدى مەكەندەردىڭ جويىلۋىنا حالىق سانىنىڭ ازايۋى مەن الەۋمەتتىك ينفراقۇرىلىمنىڭ بولماۋى سەبەپ بولعان.
جوبانى ءماسليحات قاراپ, بەكىتكەننەن كەيىن اتالعان اۋىلدار شىعىس قازاقستان وبلىسىنىڭ اكىمشىلىك-اۋماقتىق كارتاسىنان رەسمي تۇردە الىنادى.