جەزقازعان قالاسىنداعى س.قوجامقۇلوۆ اتىنداعى ۇلىتاۋ وبلىسىنىڭ قازاق مۋزىكالىق-دراما تەاترىندا قانىش ساتباەۆ اتىنداعى 9-11 (12) سىنىپ وقۋشىلارىنا ارنالعان حيميا ءپانى بويىنشا حالىقارالىق وليمپيادانىڭ اشىلۋ سالتاناتى بولدى. حالىقارالىق وليمپيادا 27 قازان - 1 قاراشا ارالىعىندا وتەدى, دەپ جازادى Egemen.kz.
ءبىلىم سايىسىنا قازاقستاننىڭ بارلىق وبلىسىنان جانە رەسەي مەن قىرعىزستاننان دارىندى وقۋشىلار كەلدى.
كەلگەن قوناقتارعا «ۇلت ۇياسى - ۇلىتاۋدىڭ ءداستۇرى مەن تاريحى» تاقىرىبىندا كورمە ۇيىمداستىرىلدى. ۇلىتاۋ وبلىسىنا قارايتىن قالا, اۋدان, اۋىل مەكتەپتەرىنىڭ وقۋشىلارى مەن ۇستازدارى شەبەر قولدارىنان شىققان كوز جاۋىن الاتىن قولونەر تۋىندىلارىن كورمەگە اكەلدى.
«كورمە ءۇش باعىتتان تۇرادى. ءبىرىنشى باعىتى تاريحي كيەلى جەرلەردىڭ ماكەتىن كورسەتۋ. ۇلىتاۋ ءوڭىرى وتە تاريحقا باي جەر, جوشى حان, الاشا حان كەسەنەلەرى بار. قانشاما ءوندىرىس ورىندارى, شاحتاسى, فابريكاسى بار. ەكىنشى باعىتىمىز – قولونەر, اشەكەي بۇيىمدار. ونىڭ ءبارىن دايىنداپ جاتقان مەكتەپ وقۋشىلارى. ءۇشىنشى باعىتىمىز - اۋىلشارۋاشىلىق ءونىمى. سارىارقانىڭ جەرى بولعاننان كەيىن ەتى, قىمىزى, مايى, قۇرتى بار. الىستان كەلگەن بالالارعا, قوناقتارعا ءدام تۇرلەرىن كورسەتىپ, ءدام تاتقىزۋ ماقساتىندا ۇيىمداستىرىلدى», دەدى ۇلىتاۋ وبلىسى ءبىلىم باسقارماسىنداعى «دارىن» ورتالىعىنىڭ ادىسكەرى, ارداگەر ۇستاز سارا تۇگەلبايقىزى.
ۇلىتاۋ وبلىسى