پەتروپاۆل قالاسىنىڭ 14 جاسار وقۋشىسى 20 قازاندا پوليتسياعا مەكتەپتەردىڭ بىرىندە جارىلعىش زات قويىلعانى تۋرالى حابارلاما تۇسىرگەن. وقيعا ورنىنا بارلىق جەدەل قىزمەتتەر: پوليتسيا, قىزمەتتىك يتتەردى ۇيرەتۋشى كينولوگتار جانە جارىلعىش زاتتاردى زالالسىزداندىرۋ جونىندەگى ماماندار جەتكەن. مۇقيات تەكسەرۋ بارىسىندا كۇدىكتى زاتتار تابىلماعان دەپ حابارلايدى Egemen.kz.
قازىر پوليتسيا تەرروريزم اكتىسى تۋرالى جالعان حابار جاساعانى ءۇشىن بالانىڭ ۇستىنەن سوتقا دەيىنگى تەرگەپ-تەكسەرۋدى باستادى. الدىن الا مالىمەت بويىنشا, ءجاسوسپىرىمنىڭ ارەكەتى ادەپسىز ءازىلدىڭ سالدارىنان بولعان.
پوليتسيا مۇنداي ارەكەتتەردىڭ اۋىر قىلمىستىق جاۋاپكەرشىلىككە سوقتىراتىنىن جازادى. زاڭ بويىنشا تەرروريزم اكتىسى تۋرالى جالعان حابار بەرگەن ادامعا 5 مىڭ اەك دەيىن ايىپپۇل سالۋ نەمەسە بەس جىلعا دەيىن باس بوستاندىعىن شەكتەۋ نەمەسە ايىرۋ تۇرىندەگى جازا كوزدەلگەن.
پەتروپاۆل