جاقىندا عانا الەۋمەتتىك جەلىلەردە كامەلەتكە تولماعان ەكى بالانىڭ توبەلەسى جايلى ۆيدەو تاراعان ەدى. كورگەن جۇرت جاعالاسقان ەكەۋدى ايتاقتاپ تۇرعان ەرەسەك ازاماتتى كىنالاعان بولاتىن. ول توبەلەسىپ جاتقان ەكى بالانىڭ ءبىرىنىڭ اكەسى بولىپ شىقتى, دەپ حابارلايدى Egemen.kz.
ارال اۋداندىق سوتىندا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 128-بابىنىڭ 1-بولىگىمەن ۆيدەوداعى سول ازاماتقا قاتىستى اكىمشىلىك قۇقىق بۇزۋشىلىق تۋرالى ءىس قارالدى.
سوت ت. فۋتبول الاڭىندا ءوزىنىڭ كامەلەتكە تولماعان ۇلىن كامەلەتكە تولماعان ن.-مەن توبەلەستىرىپ, ولاردى اكىمشىلىك قۇقىق بۇزۋشىلىق جاساۋعا تارتقانىن دالەلدەدى. ول كىناسىن تولىق مويىنداپ, ءوز ارەكەتىنە وكىنەتىنىن, كامەلەتكە تولماعان التى بالاسىنىڭ بارىن ايتىپ, وزىنە كەشىرىممەن قاراۋدى سۇراعان.
سوت قاۋلىسىمەن بالا توبەلەستىرگىش ت.-عا 137 620 تەڭگە ايىپپۇل جازاسى تاعايىندادى.