قازاقستان رەسپۋبليكاسى باس پروكۋرورىنىڭ بۇيرىعىمەن اعا ادىلەت كەڭەسشىسى اسقار بۋرباەۆ رۋدنىي قالاسىنىڭ پروكۋرورى لاۋازىمىنا تاعايىندالدى, دەپ حابارلايدى Egemen.kz.
اسقار بولات ۇلى 1986 جىلعى 29 ماۋسىمدا اقتوبە قالاسىندا تۋعان, اباي اتىنداعى قازاق ۇلتتىق پەداگوگيكالىق ۋنيۆەرسيتەتىن «قۇقىقتانۋ» ماماندىعى بويىنشا تامامداعان.
ەڭبەك قىزمەتىن 2009 جىلعى قاڭتار ايىندا ىشكى ىستەر ورگاندارىندا باستاعان, استانا قالاسىنىڭ ىشكى ىستەر دەپارتامەنتىنىڭ پاترۋلدىك پوليتسيا پولكىنىڭ قىزمەت ينسپەكتورى لاۋازىمىندا جۇمىس ىستەگەن.
2009 جىلعى قىركۇيەكتەن 2012 جىلعى قاڭتارعا دەيىن استانا قالاسى ىشكى ىستەر دەپارتامەنتىنىڭ تەرگەۋ باسقارماسىنىڭ جول-كولىك وقيعالارىن تەرگەۋ بولىمىندە انىقتاۋشى بولىپ قىزمەت اتقارعان.
2012 جىلعى قاڭتاردا پروكۋراتۋرا ورگاندارىنا اۋىسىپ, استانا قالاسى «سارىارقا» اۋدانى پروكۋرورىنىڭ قىلمىستىق پروتسەستىڭ سوتقا دەيىنگى ساتىسىنىڭ زاڭدىلىعىن قاداعالاۋ جونىندەگى كومەكشىسى بولىپ تاعايىندالعان.
2013 جىلعى قاڭتاردا – «سارىارقا» اۋدانى پروكۋرورىنىڭ اعا كومەكشىسى, ال 2015 جىلعى ماۋسىمنان باستاپ – استانا قالاسى پروكۋراتۋراسىنىڭ قىلمىستىق پروتسەستىڭ سوتقا دەيىنگى ساتىسىنىڭ زاڭدىلىعىن قاداعالاۋ باسقارماسىنىڭ پروكۋرورى قىزمەتىن اتقارعان.
2017 جىلعى قازاننان 2022 جىلعى اقپانعا دەيىن قىلمىستىق پروتسەستىڭ سوتقا دەيىنگى ساتىسىنداعى زاڭدىلىقتىڭ جاي-كۇيىن تالداۋ باسقارماسىندا پروكۋرور جانە اعا پروكۋرور, سونداي-اق سوتقا دەيىنگى تەرگەپ-تەكسەرۋ مەن قىلمىستىق قۋدالاۋ زاڭدىلىعىنىڭ ساقتالۋىن قاداعالاۋ قىزمەتىندە جۇمىس ىستەگەن.
2022 جىلعى اقپاننان بۇگىنگى كۇنگە دەيىن قازاقستان رەسپۋبليكاسى باس پروكۋراتۋراسىنىڭ سوتقا دەيىنگى تەرگەپ-تەكسەرۋ مەن قىلمىستىق قۋدالاۋ زاڭدىلىعىنىڭ ساقتالۋىن قاداعالاۋ قىزمەتىنىڭ قىلمىستىق پروتسەستىڭ سوتقا دەيىنگى ساتىسىنداعى زاڭدىلىقتىڭ جاي-كۇيىن تالداۋ باسقارماسىنىڭ اعا كومەكشىسى بولىپ قىزمەت اتقارىپ كەلەدى.
پروكۋراتۋرا ورگاندارىنداعى جالپى ەڭبەك ءوتىلى – 14 جىل. سىنىپتىق شەنى – اعا ادىلەت كەڭەسشىسى.
قوستاناي وبلىسى