14 قازانعا قاراعان ءتۇنى 2026 جىلعى فۋتبولدان الەم چەمپيوناتىنىڭ ىرىكتەۋ ءتۋرنيرى اياسىندا سولتۇستىك ماكەدونيا قازاقستانمەن سكوپەدە وينايدى, دەپ حابارلايدى Egemen.kz Sports.kz سايتىنا سىلتەمە جاساپ.
سولتۇستىك ماكەدونيا – قازاقستان ماتچىنىڭ تىكەلەي ترانسلياتسياسى قازاقستان ۋاقىتىمەن 23:45-تە باستالادى جانە ونى Qazaqstan تەلەارناسىنان كورۋگە بولادى.
التى ماتچتىڭ قورىتىندىسى بويىنشا قازاقستاننىڭ التى ۇپايى بار جانە J توبىندا ءتورتىنشى ورىندا تۇر. سوڭعى ويىندا قازاقستاندىق فۋتبولشىلار استانادا ليحتەنشتەيندى 4:0 ەسەبىمەن جەڭدى.
التى ماتچتان 12 ۇپاي جيناعان سولتۇستىك ماكەدونيا توپتا كوش باستادى. سوڭعى كەزدەسۋىندە ماكەدونيالىقتار سەنساتسيالىق ناتيجەگە قول جەتكىزىپ, سىرت الاڭدا بەلگيامەن 0:0 ەسەبىمەن تەڭ ءتۇستى.