قوستاناي وبلىستىق قازاقستان حالقى اسسامبلەياسىنىڭ XXIII سەسسياسى ءوتتى. ونىڭ جۇمىسىنا وبلىس اكىمى نۇرالى سادۋاقاسوۆ, ونىڭ ورىنباسارى مۇرات دارىباەۆ, پارلامەنت ءماجىلىسىنىڭ دەپۋتاتى زۋحرا ساياپوۆا, ەتنومادەني بىرلەستىكتەردىڭ مۇشەلەرى جانە جۇرتشىلىق وكىلدەرى قاتىستى.
سەسسيادا ەلباسى نۇرسۇلتان نازارباەۆتىڭ قازاقستان حالقى اسسامبلەياسىنىڭ ءححى سەسسياسىندا بەرگەن تاپسىرمالارىن جۇزەگە اسىرۋ جانە ححىىسەسسيادا العا قويعان مىندەتتەرى قارالدى. سەسسيا قوناعى زۋحرا ساياپوۆا قازاقستاننىڭ دامۋىنا تىرەك جانە سەرپىن بەرەر باستى كۇش – حالىقتىڭ بىرلىگى, دوستىعى ەكەنىن اتاپ ايتتى.
قوستاناي وبلىسىندا وڭىردەگى تاتۋلىق پەن بىرلىكتىڭ جاندانۋىنا ۇلەس قوسىپ وتىرعان 18 وبلىستىق جانە قالالىق, 60 اۋداندىق ەتنومادەني بىرلەستىك جۇمىس ىستەيدى. ولاردىڭ ماقساتى ۇلتارالىق جانە كونفەسسياارالىق تۇسىنىستىكتى ساقتاۋعا ۇلەس قوسۋ بولىپ تابىلادى. سوعان سايكەس, وبلىستىق قازاقستان حالقى اسسامبلەياسى ءوزىنىڭ جوسپارىن قالتقىسىز ورىنداپ كەلەدى.
سەسسيادا بايانداما جاساعان وبلىس اكىمىنىڭ ورىنباسارى مۇرات دارىباەۆ وڭىردە ءتۇرلى ۇلت- ۇلىستاردىڭ, وبلىس ءوڭىرىن جايلاعان بارشا حالىقتىڭ تاتۋ-ءتاتتى بىرلىگى ءۇشىن كەڭ كولەمدى جۇمىستار جۇرگىزىلىپ, شارالار وتكىزىلەتىنىن تىلگە تيەك ەتتى. بۇل ورايدا وبلىستىق اسسامبلەيا جانىنداعى عىلىمي-ساراپتاۋ توبىنىڭ مۇشەلەرى, ەتنومادەني بىرلەستىكتەر جەتەكشىلەرى ايتارلىقتاي جۇمىس اتقارىپ وتىر.
سەسسيادا وبلىستىق قازاقستان حالقى اسسامبلەياسىنىڭ مۇشەلەرى بەكىتىلدى. ولاردىڭ جۇمىسىنا نۇرالى سادۋاقاسوۆ تابىس تىلەدى. حالىق دوستىعىنىڭ, قوعامدىق كەلىسىم مەن قازاقستاندىق ءپاتريوتيزمنىڭ نىعايۋىنا ۇلەس قوسقاندارعا قازاقستان حالقى اسسامبلەياسىنىڭ «بىرلىك» التىن مەدالىن», «قازاقستان حالقى اسسامبلەياسىنا – 20 جىل» مەرەيتويلىق مەدالىن, وبلىس اكىمىنىڭ گراموتاسىن تابىس ەتتى. سونداي-اق, زۋحرا ساياپوۆا لايىقتىلارعا قازاقستان حالقى اسسامبلەياسىنىڭ قۇرمەت گراموتاسى مەن العىس حاتىن تابىستادى.
ءنازيرا جارىمبەتوۆا,
«ەگەمەن قازاقستان».
قوستاناي.