قۇت پەن ىرىس بەسىگى,
نىساپپەن كەلگەن نەسىبى.
التى الاشقا ايگىلى,
ءاز ناۋرىزدىڭ ەسىمى,
ايقارا اشىق بۇل كۇنى,
ءار مۇسىلمان ەسىگى.
داستارقانى جايىلعان,
ابىزى باتا قايىرعان.
بارشاعا ءدامىن ۇسىنعان,
ىرىمشىك قۇرتى, مايىنان.
جەتى ءدام قوسقان تاعامعا,
كوجەسى پىسكەن قازاندا,
ساۋلىق پەن باقىت تىلەگەن,
كورىسكەن بارشا ادامعا.
ناۋرىزداي ۇلىق كۇن بار ما؟
دوڭگەلەك مىنا عالامدا.
رەنىش, وكپە سوگىلىپ,
قامشىداي تىلەك ءورىلىپ,
اق باتا نوسەر قۇيىلعان,
كوڭىلگە نۇرداي توگىلىپ.
اينالا بوگىپ عاجاپقا,
قۇلپىرىپ بوكتەر, الاپ تا,
ءاز ناۋرىز اللا سىيى عوي,
بەرەكە بەرگەن قازاققا!
ماقسات جەڭىس ۇلى.