پارلامەنت ءماجىلىسىنىڭ دەپۋتاتى ق. سۇلتانوۆ چەحيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ەليشكا جيگوۆا جانە ەلشىنىڭ ورىنباسارى لاديسلاۆ شتاينحيۋبەلمەن كەزدەستى, دەپ حابارلادى پالاتانىڭ ءباسپاسوز قىزمەتى.
تاراپتار ەكى ەل اراسىندا ەكونوميكا, مەديتسينا, مادەنيەت جانە تۋريزم سالالارىنداعى بايلانىستى دامىتۋدىڭ مۇمكىندىگى زور ەكەنىن العا تارتىپ, ەكىجاقتى قارىم-قاتىناستى كەڭەيتۋدىڭ, پارلامەنتارالىق بايلانىستى نىعايتۋدىڭ ماڭىزدى سۇراقتارىن تالقىلادى.
ايماقتىق جانە حالىقارالىق تۇراقتىلىق پەن قاۋىپسىزدىك ماسەلەسى ءسوز ەتىلگەندە ق. سۇلتانوۆ وسى سالاداعى ەلباسىنىڭ ماڭىزدى قادامدارى مەن قازاقستاننىڭ قوسىپ جاتقان ۇلەسى تۋرالى اڭگىمەلەپ, كوپجاقتى ديپلوماتيا سالاسىنداعى ەلىمىزدىڭ بەلسەندى قىزمەتىنە دە توقتالدى. استانادا وتەتىن ەكسپو-2017 حالىقارالىق كورمەسى دە نازاردان تىس قالمادى.
ءوز كەزەگىندە ەلشى چەحيا كاسىپكەرلەرىنىڭ اتالعان كورمەگە بەلسەنە قاتىساتىندىعىن مالىمدەدى.