الماتى قالالىق كيبەرپول قىزمەتكەرلەرى مەسسەندجەرلەرگە تىركەۋ ءۇشىن كوپ مولشەردە SIM-كارتالار مەن ءموبيلدى تەلەفونداردى ساتىپ الىپ, پايدالانعان ادامدار توبىن ۇستادى, دەپ جازادى Egemen.kz.
تەكسەرۋ بارىسىندا 400-دەن استام SIM-كارتا, ونداعان بانك كارتاسى مەن بىرنەشە ءموبيلدى تەلەفون تاركىلەنگەن. اتالعان قۇرىلعىلار زاڭسىز ارەكەتتەر ءۇشىن قولدانىلعانى انىقتالىپ وتىر.
الدىن الا مالىمەتتەر بويىنشا, SIM-كارتالار مەن تەلەفوندار telegram جانە whatsApp مەسسەندجەرلەرىندە تىركەۋ كەزىندە راستاۋ كودتارىن قابىلداۋ ءۇشىن ساتىپ الىنعان. قازىرگى تاڭدا ۇستالعان ازاماتتاردىڭ ينتەرنەت-رەسۋرستار ارقىلى جاسالعان بىرقاتار الاياقتىقتارعا قاتىسى بار-جوعى تەكسەرىلىپ جاتىر.
- ينتەرنەت-الاياقتىقپەن كۇرەس – ءبىزدىڭ باسىم باعىتتارىمىزدىڭ ءبىرى. ءبىز SIM-كارتالاردىڭ زاڭسىز اينالىمىنا قاتىستى تىزبەكتەردى انىقتاپ, پوليتسيانىڭ وزگە دە بولىمشەلەرىمەن بىرلەسە وتىرىپ, بارلىق ءمان-جايدى انىقتاۋ جانە كىنالىلەردى جاۋاپكەرشىلىككە تارتۋ ماقساتىندا كەشەندى تەرگەۋ ءىس-شارالارىن جۇرگىزىپ جاتىرمىز, - دەدى الماتى قالالىق پد كيبەرقىلمىسقا قارسى كۇرەس باسقارماسىنىڭ باستىعى انەس قالدىباەۆ.
قازىرگى ۋاقىتتا تولىق كولەمدە تەرگەۋ جانە جەدەل شارالار كەشەنى جۇرگىزىلۋدە.