ەگىس القاپتارىن ءارتاراپتاندىرۋ قارقىنى كۇشەيدى

2025 جىلى ەلىمىزدەگى جالپى ەگىس كولەمى 322,8 مىڭ گا-عا ارتىپ, 23,6 ملن گا-عا جەتكەن (2024 جىلى – 23,3 ملن گا). سونىڭ ىشىندە ءداندى جانە ءداندى-بۇرشاقتى داقىلدار القابى 630 مىڭ گا-عا ازايىپ, 16 ملن گا-نى قۇراعان, ال بيداي ەگىستىگى 884,6 مىڭ گا-عا قىسقارىپ, 12,3 ملن گا بولدى.

سالا مينيسترلىگىنىڭ ءباسپاسوز قىزمەتىنىڭ مالىمدەۋىنشە بوساتىلعان جەرلەر اناعۇرلىم تابىستى داقىلدارعا بەرىلدى. كۇنباعىس رەكوردتىق 1,8 ملن گا اۋماقتا ەگىلدى – بۇل وتكەن جىلمەن سالىستىرعاندا 481,5 مىڭ گا ارتىق. كارتوپ ەگىستىگى دە ءوسىم كورسەتىپ وتىر: كولەمى 9,3 مىڭ گا-عا ارتىپ, 131,2 مىڭ گا-عا جەتتى. ونىڭ ىشىندە ۇيىمداسقان شارۋاشىلىقتارداعى ءوسىم 12,5 مىڭ گا قۇراپ, 84,5 مىڭ گا-عا جەتتى.

سونىمەن قاتار سۋارمالى داقىلدار القابى ازايتىلىپ جاتىر. 2025 جىلى ماقتا 144,5 مىڭ گا جەرگە ەگىلدى, ونىڭ ىشىندە 50 مىڭ گا تامشىلاتىپ سۋارۋمەن قامتىلعان. قىزىلوردا وبلىسىندا كۇرىش القابى 85,6 مىڭ گا-دان 80,9 مىڭ گا-عا دەيىن قىسقاردى.

ەگىستى ءارتاراپتاندىرۋ ىشكى ازىق-ت ۇلىك بالانسىن نىعايتۋعا, جەكەلەگەن داقىلدارعا تاۋەلدىلىكتى ازايتۋعا, اگروونەركاسىپتىك كەشەننىڭ تۇراقتىلىعىن جانە فەرمەرلەردىڭ تابىسىن ارتتىرۋعا مۇمكىندىك بەرەدى. ال جەر رەسۋرستارىن نەعۇرلىم ۇتىمدى پايدالانۋ ەلدىڭ ازىق-ت ۇلىك قاۋىپسىزدىگىنىڭ نەگىزىنە اينالۋعا ءتيىس.